Editiones Arnamagnæanæ. Series A - 01.06.2001, Blaðsíða 197

21
24
27
30
33
36
39
42
45
48
51
54
57
113
vnder sik Skotland. epter fall Olafs konungs. en þo var þat folk iafnan kaP. 59
vtrutt honum. Sua er sagt at Gunnh(illdr) let seið efla ok let þat seiða at
Egill S(kalla) G(rims) s(on) skylldi alldri ró biða a Islandi fyá en hon
sæi hann. En þat sumar er þeir Hakon ok Eir(ikr) hofðu hizt ok deillt vm
Noreg. þa var farbann til allra landa or Noregi. ok komu þat sumar engi
skip til Islandz ok engi tiðendi ór Nor(egi). Egill S(kalla) G(rims) s(on)
sat at bui sínu. En þann vetr annan er hann bio at Borg epter andlat
S(kalla) G(rims) þa gerðiz Eg(ill) vkátr ok var þui meiri vgleði hans er
meiá leið a vetrinn. Ok er sumar kom. þa lysti Eg(ill) yfer þui at hann
ætlar at bua skip sitt til brotfarar vm sumarit. tok hann þa haseta. hann
ætlar þa at sigla til Englandz. þeir voro a skipi .xxx. manna. Asgerðr
var þa epter. ok gætti búss þeira. En Eg(ill) ætlaði þa at fara a fund
Adalst(eins) konungs. ok vitia heita þeira er hann hafði heitið Agli at
skilnaði þeira. Eg(ill) varð ecki snembuinn ok er hann let i haf þa
byriaði helldr seínt. tok at hausta ok stærði veðrín. sigldu þeir firer
norðan Orkneyiar. villdi Eg(ill) þar ecki við koma. þuiat hann hugði at
riki Eir(iks) konungs mundi allt ifer standa i eyiunum. Sigldu þeir þa
sudr firer Skotland. ok hofðu storm mikinn. ok veðr þuert- fengu þeir
beitt firer Skotland. ok sua norðan firer England. en aptan dags er
myrkua tok var veðr huast- finna þeir eigi fyá en grunnfoll voro a
vtborða. ok sua fram firer. var þa engi J annaá til en stefna a land vpp. »6 rb
ok sua gerðu þeir. Sigldu þa til brotz ok komu at landi við Humru
minni. þa hellduz menn aller. ok mestr hluti fíar annat en skip þat
brotnaði i span. Ok er þeir hittu menn at mali. spurðu þeir þau tiðendi.
er Agli þottu haskasamlig at Eir(ikr) konungr bloðex var þar firer ok
Gunnh(illdr). ok þau hofðu þar riki til forraða. ok hann var skamt
þaðan vppi i borginni Ioruik. þat spurði hann ok at Arinb(iorn) hersir
var þar með konungi ok i miklum kærleik við konunginn. Ok er Eg(ill)
var viss vorðinn þessa tiðenda. þa gerði hann rað sitt. þotti honum ser
vuént til vndankuamu þótt hann freistaði þess at leynaz ok fara huldu
hofði leið sua langa sem vera mundi adr hann kgmi ór riki Eir(iks)
konungs. var hann þa auðkendr þeim er hann sæi. þotti honum þat
litilmannligY at vera tekinn i flotta þeim. herði hann þa huginn ok red
þat af at þegar vm nottina er þeir hofðu þar komit. þa fær hann ser hest
ok riðr þegar til borgarinnar. kom hann þar at kuelldi dags ok reið hann
þegar i borgina. hann hafði sidan hatt ifer hialmi. ok aluæpni hafdi
hann. Eg(ill) spurði huar garðr sa væri i borginni er Arinb(iorn) atti-
honum var þat sagt- hann reið þangat i garðinn. En er hann kom at
stufunni steig hann af hesti sinum. ok hitti rnann at mali. var honum þa
vetr C.
15 svðr1] i M star svndr. 29 Ok] begyndelsesbogst. i marg.