Editiones Arnamagnæanæ. Series A - 01.06.2001, Blaðsíða 106

22
kap. 16 vera þiner viner *minni en ek er slikt hafa vpp borit firer þer. en hitt er
liost at þeir mundu vilia vera vuiner miner fullkomner. En þat er ok
likaz at þeir komiz þar at keyptu ef ver skolum einer við eigaz. Siðan
geck Þorol(fr) a brott. En annan dag epter greiðir Þorol(fr) skattinn af
hendi ok var konungr við staddr ok er þat var allt greiðt. þa bar
Þorol(fr) framm biorskinn nockur. ok safala. sagðe at þat vill hann gefa
konungi. Marger mælltu er þar voro hia stadder at þat var vel gert ok
var vinattu firer vert. konungr sagði at Þorol(fr) hafði þar sealfr ser
laun firer skapit. Þorol(fr) s(agði) at hann hefði með trvleik gert allt þat
er hann kunni til skaps konungs. ok ef enn likar honum eigi. þa mun ek
fa ecki at gort. var konungi þat kunnigt þa er ek var með honum ok i
hans sueit. hueria meðferð ek hafða- en þat þiki mer vndarligt ef
konungr æ(t)lar mik nu annan mann en þa reyndi hann mik. konungr
s(eger). Vel fortu Þorol(fr) með þinum hattum er þu vart með oss. ætla
ek þat enn bezt af at gera at þu farer til hirðar minnar. tak við merki
minu. ok ver firer oðrum hirðmonnum. mvn þa engi maðr rægia þik ef
67 vb ek ma yfer sia nott ok dag. j hueriar með ferðer þu hefer. Þorol(fr) sa til
beggia handa ser- þar stoðu huskarlar hans. hann mællti. Trauðr mun
ek af hendi lata sueit þessa. muntu raða konungr nafngiptum við mik.
ok veizlum þinum. En s(u)eitunga mina mun ek ecki af hendi lata.
meðan mer endaz faung til þott ek vela vm mina kosti eína. Er hitt bæn
min ok vili at þer konungr farit at heimboði til mín ok heyrit þa orð
þeira manna er þu truir. huert vitni þeir bera mer vm þetta mal. gerit þa
epter sem yðr finnaz sannindi til. konungr s(uarar) ok seger at eigi mun
hann optaá veizlu þiggia at Þorolfi. Geck Þorol(fr) þa i brott ok bioz
siðan til heimferðar. En er hann var i brott farinn. þa feck konungr i
hond Hilldir(iðar) sonum syslu þa a Halugalandi. er aðr hafðe Þorolfr
haft. (ok) sua finnferð. konungr kastaði eigu sinní a bu i Torgum ok
allar þær eigner er Bryniolfr hafdi att. feck þat allt til varðueizlu
Hilldir(iðar) sonum. konungr sendi menn með iartegnum a fund
Þorolfs at segia honum þessa tilskipan sem hann hafdi gert. siðan tok
Þorol(fr) skip þau er hann átti ok bar þar a lausafe allt þat er hann matti
með fara. ok hafði með ser alla menn sina. bæði frelsinga ok þræla. for
siðan norðr a Sandnes til buss sins. hafði Þorol(fr) þar eigi minna
fiolmenní ok eigi minni raustn.
24
27
30
33
36
39
42
45
48
51
54
57
24 minni] sál. B, C (a); meiri M.
45 konungr] + overfl0digt at þer.