Editiones Arnamagnæanæ. Series A - 01.06.2001, Blaðsíða 164

80
kap. 52 hoslurnar. ok var þangat allt nockut af hallt. Aðalst(eins) menn sogðu
ok annan dag fra oðrum at konungr þeira mundi þa koma eða vera
kominn i borg þa er var sunnan vnder heiðinni. lið droz til þeira bæði
dag ok nótt. En er stefna su var liðin er akueðit var. þa senda menn
Aðalsteins eyrendreka a fund Olafs konungs. með þeim orðum at Aðal-
steinn konungr er buinn til orrosto ok hefer her allmikinn. en hann
sender Ol(afi) konungi þau orð at hann vill eigi at þeir geri sua mikit
mannspell sem þa horfðiz til. bað hann helldr fara heim i Skotland en
Aðalst(einn) vill fa honum at vingiof skilling silfrs af plogi huerium
vm allt riki sitt ok vill at þeir leggi með ser vinattu. En er sendi menn
koma til Ol(afs) konungs. þa tok hann at bua her sinn ok ætlaði at að
riða. en er sendimenn baru vpp erendi þa stauðuaði konungr ferð sina
þann dag. Sat þa i raða gerð ok hofðingiar *hans með honum. logðu
menn þar allmis iafnt til. Sumer fystu miog at þenna kost skylldi taka-
sogðu at þat var þa orðin hin mesta fremdar ferð at þeir færi heim ok
hefði tekit gialld sua mikit af Aðalst(eini). Sumer lottu ok sogðu at
Aðalst(einn) mundi bioða miklu meira i annat sinn ef þetta væri eigi
tekit. ok var su raðagerð staðfest. þa baðu sendimenn Ol(af) konung at
gefa ser tom til at þeir hitti enn Aðalstein konung. ok freistaði ef hann
villdi enn meira gialld af hendi reiða til þess at friðr væri. þeir beiddu
griða einn dag til heimreiðar. en annan til vmraða. En hinn þriðia til
aptrferðar. konungr iattaði þeim þui. fara sendimenn heim ok koma
aptr hinn þriðia dag sem akueðit var. Segia Ol(afi) konungi at
Aðalst(einn) vill gefa allt slikt sem hann ba/ð fyrt. ok þar vm framm til
hlutskiptiss liði Olafs konungs Skilling manni huerium frialsbomum.
en mork sueitar hofðingia huerium þeim er reði firer .xíj. monnum eða
si ra [ fleirum. En mork gullz hirðstiora huerium. En .v. mer(kr) gullz Jarli
huerium. Siðan let konungr þetta vpp bera firer lið sitt. var enn sem fyá
at sumer lauttu en sumer fystu. En at lyktum veitti konungr orskurð.
seger at þenna kost vill hann taka ef þat fylger at Aðalst(einn) konungr
lætr hann hafa Norð imbra land allt með þeim skottum ok skylldum er
þar liggía. Sendimenn bidia enn fresta vm þria daga. ok þess með at
Ol(afr) konungr sendi þa menn sína at heyra orð Aðalst(eins) konungs.
huart hann vill eða eigi þenna kost. Segia at þeir hyggia at Aðalst(einn)
konungr mundi lata fatt við nema at sættin tækiz. Ol(afr) konungr iatter
þui. ok sender menn sína til Aðalsteins konungs. Riða þa sendimenn
aller saman. ok hitta Aðalst(ein) konung i borg þeiri er var næst
76 mikit] gentaget men overstreget. 78 silfrs] tydelig prik over -{-, uden betydning.
82 hans] i M stár hers. 94 konungs] + overfl0digt punktum. 96 merkr] de
fprste tre bogst. skr. med uncial-m + er/ir-tegn efterfulgt afpunktum ved linjeudgang.
72
75
78
81
84
87
90
93
96
99
102
105