Editiones Arnamagnæanæ. Series A - 01.06.2001, Blaðsíða 119

15
18
21
24
27
30
33
36
39
42
45
3
6
35
þars fang vina at ganga.
skíott munat hefnt þott hvetti
hugr maglunar brugðit.
Har(alldr) konungr for þat sumar [til] Upplanda ok for vm haustið
vestr a Valldres ok allt a Vors. Avluer hnufa var með konungi. ok kom
opt a mal við konung ef hann mundi vilia bæta Þorolf. Veita K(uelld)
V(lfi) ok Skallagrimi febætr eða mannsoma þann nockurn er þeir mætti
við vna. konungr varnaði þess eigi með ollu ef þeir feðgar færi a fund
hans. Siðan byriaði Auluer ferð sina norðr i Fiorðu. letti eigi fyá en
hann kom at kuelldi dags til þeira feðga. Toku þeir þacksamliga við
honum. dualdiz hann þar nockura hrið. K(uelld) V(lfr) spurði Aului
vandliga fra atburðum þeim er giorz hofðu a Sandnesi þa er Þorolfr
fell. sua at þui huat Þorol(fr) vann til frama aðr hann felli. Sva ok
huerer vapn baru a hann eða huar hann hafði mest sár eða hverneg fall
hans yrði. Auluer sagðe allt þat er hann spurði. sua þat at Har(alldr)
konungr veitti honum sar þat er ærit mundi eitt til bana ok Þorolfr fell
næá a fætr konungi a grufv. | þa su(arar) K(uelld) V(lfr). Vel hefer þu
sagt. þuiat þat hafa gamler menn mællt. at þess manz mundi hefnt
verða ef hann felli a grufu ok þeim næá koma hefndin er firer yrði er
hinn felli. En olikligt er at oss verði þeirar hamingiu a/ðit. Auluer sagði
þeim feðgum at hann venti ef þeir villdi fara a fund konungs. ok leita
epter botum at þat mundi soma faur verða. ok bað þa til þess hætta. ok
lagði morg orð til. K(uelld) V(lfr) sagði at hann var huergi fæá firer elli
sakar. mun ek vera heima sagði hann. Villtu fara Grimr sagði Auluer.
Ecki erendi ætla ek mik eiga sagði Grimr. mun konungi ek þikia ecki
orð s<n)iallr. ætla ek mik ecki lengi munu biðia botanna. Auluer sagði
at hann mundi þess eigi þurfa. Skolu ver mæla allt firer hond þina slikt
er ver kunnum. En með þui at Auluer sotti þat mal miog. þa het Grimr
ferð sinni þa er hann þættiz buinn. kuaðu þeir Auluir a með ser þa
stund er G(rimr) skylldi koma a konungs fvnd. for þa Auluer fyrst a
brott ok t[il] konungs.
ferd Skalla Grims a konungs fund
Skallagrimr bioz til ferðar þeirar er fyá var fra sagt. hann valdi ser
menn af heimamonnum sinvm ok nabuum. þa er voro sterkaster at afli
ok hr<a)ustaster þeira er til voro. Maðr het Aní bondi einn auðigr.
Annaá het Grani. þriði Grimolfr ok Grimr broðer hans. heima menn
Skallagrims ok þeir bræðr Þorbiorn krummr ok Þorðr beigalldi. þeir
voro kallaðer Þoraurnu syner. hon bio skamt fra Skallagrimi. ok var
kap. 24
71 ra
kap. 25