Morgunblaðið - 27.01.2022, Page 14

14 FRÉTTIR
Innlent
MORGUNBLAÐIÐ FIMMTUDAGUR 27. JANÚAR 2022
Ágúst Ingi Jónsson
aij@mbl.is
Góði hirðirinn er hástökkvari ársins á
vettvangi endurnotkunar og með-
ferðar úrgangs, en á þessum nytja-
markaði SORPU jókst sala um 26%
milli ára. Salan hefur aldrei verið
meiri og nálgaðist þúsund tonn í
fyrra. Endursölu-
hlutfallið fór úr
rúmlega 57% árið
2020 í um 68% á
nýliðnu ári og
nefna má að það
var aðeins 20% ár-
ið 2017.
Þessar tölur
segja að stöðugt
meira sé nýtan-
legt af því sem
kemur í nytja-
gáma á endurvinnslustöðvum, en í
hverri viku á síðustu árum hafa borist
tugir gáma hlaðnir nytjahlutum í
Góða hirðinn. Magnið sem skilað var í
gámana jókst í fyrra frá árinu á und-
an, en ef litið er til lengri tíma þá hef-
ur dregið úr magninu, en salan auk-
ist.
Lífsstíll og gott verð
Gunnar Dofri Ólafsson, samskipta-
og þróunarstjóri Sorpu, segir að við-
skiptavinir Góða hirðisins séu í raun
þverskurður af samfélaginu. Hægt sé
að fá góða vöru þar á hagstæðu verði,
stöðugt fleiri hafi gert endurnot að
lífsstíl, safnarar leggi gjarnan leið
sína í Góða hirðinn og nokkuð sé um
að vara sé keypt þar að morgni og
boðin til endursölu annars staðar eft-
ir hádegi svo nokkuð sé nefnt.
Gunnar Dofri segir að sölutölurnar
skjóti stoðum undir þá ákvörðun að
opna útibú á Hverfisgötu, sem hafi
gengið mjög vel. Sömu sögu sé að
segja um opnun netverslunar Góða
hirðisins, en báðar þessar einingar
luku sínu fyrsta heila starfsári um
áramót. Hann segir að aukin sala sé
meðal annars athyglisverð vegna
þess að í fyrra þurfti að loka versl-
uninni í Fellsmúla og efnissölu Góða
hirðisins tímabundið og grípa til ann-
arra aðgerða vegna faraldursins eins
og hólfaskiptingar í Fellsmúlanum.
„Sorpvísitalan“ lækkaði í fyrra
þriðja árið í röð, ef miðað er við heild-
armagn úrgangs sem barst til Sorpu
bs. Óvíst er að þessa vísitölu sé að
finna í gögnum Hagstofunnar, en á
myndinni hér að ofan má ugglaust
lesa eitthvað um aðstæður í þjóð-
félaginu út úr þeim talnabrunni.
Áætlað er að heildarmagn sorps
hafi verið 198 þúsund tonn á síðasta
ári, en endanleg tala liggur ekki fyr-
ir. Árið 2020 endaði í 212 þúsund
tonnum og 2019 var magnið ríflega
225 þúsund tonn. Metárið í þessu
samhengi er 2018, en þá bárust
Sorpu um 263 þúsund tonn af úr-
gangi.
Samkvæmt upplýsingum frá
Gunnari Dofra minnkaði magn þess
úrgangs sem skilað var til urðunar í
Álfsnesi en samkvæmt bráðabirgða-
tölum nam það rúmlega 99 þúsund
tonnum í fyrra, en árin á undan nam
það 105 þúsund tonnum 2020 og 131
þúsund tonnum 2019. Magn af blönd-
uðum úrgangi frá sorphirðu stendur
nokkurn veginn í stað á milli ára, en
þar er um að ræða sorp frá heimilum.
Færri á endurvinnslustöðvar
Magn á endurvinnslustöðvar dróst
saman um 12,5% milli ára, sam-
kvæmt þeim tölum sem liggja fyrir,
fer úr tæpum 61 þúsund tonnum í
rúm 53 þúsund tonn. Heimsóknum á
endurvinnslustöðvar fækkaði um
rúm 8% og voru 902 þúsund í fyrra
samanborið við 983 þúsund 2020.
Um 10% aukning varð hins vegar í
magni frá rekstraraðilum í móttöku-
og flokkunarstöð í Gufunesi. Sú
aukning setur það ekki í sömu hæðir
og var fyrir faraldurinn en það gæti
verið vísbending um að hagkerfið sé
að braggast, segir Gunnar Dofri.
Gaja á uppleið
Gas- og jarðgerðarstöðin í Álfs-
nesi, Gaja, tók til starfa á síðari hluta
árs 2020. Það ár var tekið á móti 2,2
þúsundum tonna í stöðinni, en í fyrra
fór magnið í 17,6 þúsundir tonna.
Fram hefur komið að plast, gler og
þungmálmar hafa greinst í moltu frá
GAJU. Sérfræðingar hafa bent á að
til að moltan uppfylli kröfur um
hreinleika verði að ráðast í sérsöfnun
á lífrænum úrgangi. Sveitarfélögin
sem standa að SORPU hafa hafið
undirbúningsvinnu við sérsöfnun og
samræmingu á sorphirðu á höfuð-
borgarsvæðinu, sagði í frétt frá
Sorpu í september í fyrra.
Þar kom einnig fram að myglugró
hefðu greinst í límtréseiningum í
þaki og burðarvirki GAJU. Gunnar
Dofri segir að það mál sé í vinnslu hjá
lögmönnum og verkfræðingum sam-
lagsins.
Hástökk í sölu í Góða hirðinum
- Hækkandi endursöluhlutfall - Hátt í þúsund tonn í fyrra - „Sorpvísitalan“ lækkar þriðja árið í röð
Morgunblaðið/Eggert
Góði hirðirinn Sala jókst í verslun í Fellsmúla og þjónusta hefur verið aukin með verslun við Hverfisgötu og net-
verslun. Þá er farið að vakta betur hvað fer í nytjagáma á endurvinnslustöðvum svo ónýtir hlutir fari síður þangað.
Heildarmagn úrgangs til SORPU 2001 til 2021*
Þúsundir tonna
tonn
*Áætlun fyrir 2021. Heimild: SORPA.
Selt magn, tonn
Endursöluhlutfall, %
2001 2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018 2019 2020 2021
2016 2017 2018 2019 2020 2021
68% þess sem skilað
er í nytja-
gáma selst í Góða
hirðinum
250
225
200
175
150
125
1.000
500
0
80%
40%
0%
212
198
225
209
223
167
234
152
143
263
Sala í Góða hirðinum 2016-2021 og endursöluhlutfall
689
489 465
826 793
997
Gunnar Dofri
Ólafsson
Skeifunni 8 | Kringlunni | Glerártorgi | Sími 588 0640 | casa.is
Baby Bear H: 11 cm - 9.990,-
Mama Bear H: 19 cm - 18.990,-
Papa Bear H: 24 cm - 22.990,-
GJAFIR FYRIR
ÖLL TILEFNI BYGGINGALAUSNIR
FRAMTÍÐARINNAR
Gæðahús á hagstæðu verði
Gott úrval af mismunandi gerðum einingahúsa
Við erum að taka við pöntunum núna
fyrir afhendingar í vor og sumar
tekta.is
Sveinn Margeirsson hefur verið
ráðinn í starf framkvæmdastjóra
nýsköpunar og loftslagsmála hjá
Brimi hf. Með ráðningu Sveins
stefnir Brim að aukinni samvinnu
við íslensk og alþjóðleg fyrirtæki,
háskóla og rannsóknarstofnanir á
sviði sjálfbærrar nýtingar hráefna
og vistvæns rekstrar í samræmi við
heimsmarkmið Sameinuðu þjóð-
anna, segir m.a. á heimasíðu Brims.
Sveinn er með doktorspróf í iðn-
aðarverkfræði og hefur lokið
stjórnunarnámi við Harvard Busi-
ness School. Hann hefur starfað
sem sjálfstæður ráðgjafi og gegndi
starfi forstjóra, sviðsstjóra og
deildarstjóra hjá Matís. Þá hefur
Sveinn verið sveitarstjóri Skútu-
staðahrepps frá 2020.
Ráðinn sem framkvæmdastjóri hjá Brimi