Morgunblaðið - 11.03.2022, Síða 32

32 MORGUNBLAÐIÐ FÖSTUDAGUR 11. MARS 2022
G
uðrún Karls Helgudóttir prestur er í óða-
önn að undirbúa messur helgarinnar, útfar-
ir og skírnir næstu daga.
„Svo vorum við að ljúka síðustu ferm-
ingar-fræðslunni hjá okkur og vorum með
tæplega 150 fermingarbörn hér um helgina og enduðum
daginn á að borða pizzu saman. Hér eru tvær messur og
sunnudagaskóli alla sunnudaga og yfirleitt eru nokkur
börn skírð hverja helgi, ýmist í heimahúsi eða í kirkj-
unni. Það er eiginlega full dagskrá í kirkjunni frá
morgni til kvölds alla daga því fyrir utan athafnir er hér
alls kyns hópastarf, opin hús, djúpslökun, kóræfingar,
fyrirlestrar, barna- og unglingastarf og margt fleira.“
Fermingarfræðslan á að vera skemmtileg
Fermingarfræðslan hefst í september ár hvert í kirkj-
unni og er fram í mars.
„Við hittum fermingarbörnin vikulega fram að jólum
og förum auk þess í ferðalög í Vatnaskóg þar sem við
gistum eina nótt. Eftir áramót eru þrjár fræðslu-
samverur sem fara fram á laugardögum. Þar erum við
með hópastarf með mismunandi þemum og svo fáum við
gjarnan einhvern fyrirlesara í heimsókn sem getur frætt
okkur um eitthvað áhugavert, svo sem samskipti, já-
kvæða líkamsímynd eða eitthvað
annað sem er gott fyrir unglinga og
foreldra að fræðast um. Ein af
þessum samverum er yfirleitt með
foreldrum en það er gott að reyna
að hitta for-eldrana líka í
fræðslunni en ekki aðeins í helgi-
haldinu.“
Hluti af fermingarfræðslunni er
að börnin taki þátt í helgihaldinu.
„Við gerum ráð fyrir því að þau
mæti í ákveðið margar messur yfir
veturinn og messur yfir veturinn og
það eru foreldrarnir sem halda utan um það.“
Börnin fá lítið brot af kirkjunni með sér heim
Eru margir að fermast og hvernig fara fermingarnar
fram?
„Í ár eru fermingarbörnin rúmlega 150. Við bjóðum
upp á átta fermingar frá 3. til 14. mars og svo tvær
sumarfermingar þann 18. júní.
Eftir að hafa þurft að fresta fermingum fram á sumar
síðastliðin tvö ár sáum við að það er fullt af fólki sem
kýs frekar að láta ferma börnin sín að sumri ef það er í
boði þannig að við ákváðum að bjóða upp á þann mögu-
leika líka.
Ég myndi lýsa fermingarathöfninni sem hátíðlegri og
um leið skemmtilegri. Yfirbragðið er létt, skemmtilegir
sálmar, fallegt ávarp til fermingarbarnanna og svo er
fólk svo ánægt og þakklátt fyrir unglinginn sinn þenn-
an dag. Það eru nefnilega ekki margir dagar sem eru
tileinkaðir unglingnum á sama hátt og fermingardag-
urinn. Á fermingardaginn játa fermingarbörnin að þau
vilji ganga áfram á vegi Guðs og leyfa Guði að vera
hluta af sínu lífi. En fermingardagurinn gengur líka
út á að sýna fermingarbarninu hversu mikilvægt og
dýrmætt það er í augum Guðs og í augum fólksins
síns. Vissulega eru ekki allir unglingar jafn hrifnir af
því að standa í sviðsljósinu en það er gott fyrir fjöl-
skylduna að fá að sýna barninu hversu mikils virði
það er þeirra augum. Fyrir hverja athöfn er ein æfing
þar sem við reynum að undirbúa fermingarbörnin vel
og ná úr þeim stressinu fyrir stóra daginn. Hér velja
þau vers úr Biblíunni sem þau fara með í fermingunni
og þau fá svo versið sitt með sér heim á litlu spjaldi
með mynd af gluggabroti úr glugganum sem er svo
einkennandi fyrir Grafarvogskirkju. Þannig fá þau lít-
ið brot af kirkjunni með sér heim á fermingardaginn.“
Þótti fermingarfræðslan heldur leiðinleg
Hvað getur þú sagt mér um þína eigin fermingu?
„Ég fermdist á pálmasunnudag árið 1983 í Kópa-
vogskirkju sem þá var eina kirkjan í Kópavogi. Frá
athöfninni sjálfri man ég hvað helst mér þótti hún há-
tíðleg og hvað ég var hrædd um að gera ekki allt rétt.
Mér er einnig minnisstætt þegar við komum aftur í
kirkjuna nokkrum dögum síðar í altarisgöngu, sem
var haldin á öðrum degi en fermingin, og það var ekki
síður hátíðlegt þó ekki værum við í kyrtlum í þeirri
athöfn.
Fermingarfræðslan þótti mér heldur leiðinleg og
því var ég alltaf staðráðin að reyna að hafa fermingar-
fræðsluna skemmtilega eða í það minnsta ánægjulega
og ég vona að það hafi gengið þokkalega.“
Guðrún segir fermingarfræðsluna hafa breyst mikið
síðan að hún var í fermingarfræðslu því nú er gengið
út frá reynsluheimi fermingarbarnsins þar sem
áhersla er lögð á upplifun, að ræða siðferðileg málefni
og hvernig það er að vera ung manneskja í dag með
þeim áskorunum sem þau standa frammi fyrir.
„Þegar ég var í fermingarfræðslu var áherslan fyrst
og fremst á að læra ýmislegt utan að.“
Guðrún fékk ýmislegt fallegt í fermingargjöf þó
minnisstæðasta fermingargjöfin hafi án efa verið Bibl-
ían sem hún fékk frá ömmu sinni.
„Afi minn, sem var prestur, dó ekki löngu áður en
ég fermdist og því var gjöfin aðeins frá ömmu minni
prestsfrúnni. Þessi Biblía var frekar óvenjuleg því
þetta var „ferða“-biblía. Hún var með rennilás og
hægt var að loka henni þegar ekki var verið að nota
hana.
Ég viðurkenni fúslega að mér þótti þetta minnst
spennandi fermingargjöfin og hún fór bara beint upp í
hillu þar sem ég hélt að hún myndi standa og safna
ryki það sem eftir væri. En það fór nú ekki svo, nú er
þetta líklega mest lesna bók sem ég á. Rennilásinn er
löngu ónýtur og það sést á bókinni að hún er mikið
notuð. Þarna vissi hún amma mín og nafna hvað hún
söng. Og oft er það nú þannig að við vitum ekki hvað
lífið ber í skauti sér og það sem okkur þykir lítið til
koma getur reynst vera það dýrmætasta af öllu. Í dag
þykir mér gaman að leika mér að þeirri hugmynd að
þessi ferðabiblía frá ömmu minni standi fyrir Guð í
mínu lífi. Guð sem hefur reynst mér svo vel og verið
svo dýrmætur hluti af lífi mínu þrátt fyrir að hlutverk
Guðs, okkar samband og mín trú hafi breyst mikið á
þessum árum.“
Hið góða sigrar að lokum
Hvað getur Biblían kennt okkur um samskipti og
frið á jörðu?
„Biblían er bókin um samspil Guðs og
manneskjunnar. Í Biblíunni er að finna ríkan frið-
arboðskap og þá ekki síst í guðspjöllunum. En þar er
líka fjöldinn allur af sögum um ófríð, stríð og ofbeldi
enda hefur það því miður alltaf verið hluti af lífi og
sögu manneskjunnar. Biblían eða Nýja testamenntið
segir okkur þó fyrst og fremst að hið góða sigrar að
lokum. Að þegar upp er staðið sigrar lífið dauðan og
góðvildin illskuna. Hin sterku sigra ekki í öllum sögum
Biblíunnar heldur eru það oft hin veiku sem sigra með
visku sinni og góðvild og með því að gefast ekki upp.
Upprisuboðskapur kristninnar gefur okkur þá von að
við getum risið upp frá nánast hverju sem er og að líf-
ið sé sterkara en dauðinn.“
Þótti ekkimikið til Biblíunnar koma fyrst
Guðrún Karls Helgudóttir sóknarprestur í Grafar-
vogssókn fékk dásamlega fallega ferðabiblíu frá
ömmu sinni í fermingargjöf. Í fyrstu setti hún bókina
upp á hillu en svo með tímanum jókst áhugi hennar á
boðskap biblíunnar, enda má í henni finna ýmislegt
um lífið og tilveruna, bæði um stríð og frið en einnig
hvernig ást og friður sigra alltaf að lokum.
Elínrós Líndal | elinros@mbl.is
„Upprisuboðskapur kristninnar gefur okkur þá von að við getum risið upp frá nánast hverju sem er og að lífið sé
sterkara en dauðinn,“ segir Guðrún Karls Helgudóttir prestur. Sjálf fékk hún fallega ferðabiblíu í fermingargjöf á
sínum tíma sem hafði mikil áhrif á hana þegar hún fór að fá áhuga á trúmálum.
Ég viðurkenni fúslega
að mér þótti þetta
minnst spennandi
fermingargjöfin og
hún fór bara beint upp
í hillu þar sem ég hélt
að húnmyndi standa
og safna ryki það sem
eftir væri.
ERNA, Skipholti 3 – Sími 552 0775 – erna.is
Silfurmunir og skartgripir síðan 1924
ERNA
GULL- OG SILFURSMIÐJAFaber Islandicus ermahnappar
17.500 kr.
Yggdrasil, hálsmen
eftir Jörmund: 14.500 kr.
Handsmíðuð íslensk
armbönd í úrvali
45.000 til 145.000 kr.