Fréttablaðið - 07.05.2022, Blaðsíða 84

Á að nota kynningu á
bílnum til að safna fé
fyrir nemendur með
áhuga á tæknimennt-
un sem ekki hafa efni á
þannig námi.
Bíllinn á að vera með
hliðarhurðum sem
auðvelda mjög aðgengi
en hvort það þýði
öfugar afturhurðir á
eftir að koma í ljós.
njall@frettabladid.is
Við kynningu á nýjum ID.5 sem
haldin var í Austurríki í vikunni og
Fréttablaðið sótti, kom meðal ann-
ars fram að von er á GTX útgáfu ID.3
á næsta ári. Mun koma hans verða
á sama tíma og ID.3 fær andlits-
lyftingu. Volkswagen hefur þegar
komið með tilraunaútgáfu af þessum
bíl sem skilar 329 hestöflum gegnum
tvo rafmótora. Framleiðslubíllinn
mun þó ekki fá sama afl en líklegra
að hann muni nota sömu mótora og
ID.4 sem skila 295 hestöflum. Þar
sem bíllinn er mun léttari mun hann
verða fljótari en ID.4 sem er 6,2 sek-
úndur í hundraðið í GTX útgáfu. ■
VW ID.3 GTX mun koma á næsta ári
Brandstatter
forstjóri
Volkswagen
við ID.3 GTX til-
raunabílinn.
njall@frettabladid.is
Samkvæmt vefmiðlinum Automo-
tive News er Renault að fara að selja
hlut sinn í Lada-bílamerkinu í Rúss-
landi. Er salan tilkomin vegna inn-
rásar Rússlands í Úkraínu sem haft
hefur mikil áhrif á framleiðandann,
svo ekki sé meira sagt.
Að sögn miðilsins verður 68%
hlutur Renault í AutoVAZ seldur
fyrir eina rúblu eða um 20 krónur
íslenskar. Er kaupandinn stofnun
sem kallast Rannsóknastofnun bíl-
iðna og er staðsett í Moskvu. Í fyrra
seldi Renault gegnum merki sín 20
prósent allra bíla sem seldir voru í
Rússlandi.
Lada framleiðir tvo fólksbíla og
þrjá jepplinga eins og sakir standa
og er sá frægasti Niva sem lengi
vel var seldur hér á landi. Mun
samningurinn einnig kveða á um
að Renault muni geta keypt aftur
verksmiðjuna síðar á sama verði,
hvað sem síðar verður. ■
Renault selur Lada fyrir eina rúblu
Meðal þess sem samstarf Renault
við Lada skilaði á sínum tíma var
hönnun á nýjum Lada Niva.
Fiskers-bílaframleiðandinn er
á leiðinni með þriðja bíl sinn
á markað á næsta ári, en það
er fjögurra dyra GT-sportbíll
sem mun hafa lengra drægi en
nokkur annar rafbíll.
njall@frettabladid.is
Ameríska bílafyrirtækið Fiskers
hefur sýnt hvernig næsti raf bíll
merkisins muni líta út með því að
birta mynd af bílnum sem kallast
Project Ronin. Bíllinn er hannaður
í Bretlandi og verður frumsýndur í
ágúst á næsta ári. Eins og sjá má er
bíllinn mjög sportlegur með löngu
húddi, ávölum framenda og mikið
afturhallandi framrúðu. Sjá má
myndavélarspegla og það vottar
fyrir samskeytum við aftasta hluta
farþegarýmis sem bendir til þess að
um fjögurra dyra bíl sé að ræða.
Fiskers er að þróa fjóra nýja bíla
fyrir árið 2025 og er Project Ronin
líklega sá fyrsti af þeim. Að sögn
Fiskers mun Ronin verða með sér-
stökum hliðarhurðum sem eiga að
auðvelda mjög aðgengi. Hvort að
það þýði öfugar afturhurðir á þó
eftir að koma í ljós. Eitt af mark-
miðunum með þessum bíl er líka að
kynna bíl með lengsta drægi rafbíla
og hefur markið verið sett á meira
en 890 km drægi. Bíllinn mun kosta
um 26 milljónir króna þegar hann
kemur á markað seinni hluta ársins
2024. ■
Fiskers að koma með
fjögurra dyra sportbíl
Um sportlegan bíl er að ræða með sérstökum hurðabúnaði.
njall@frettabladid.is
Mercedes AMG hefur kynnt bíl
sem byggður er á AMG GT og kall-
ast The Flip. Er bíllinn búinn til í
samstarfi við rapparann will.i.am
sem er einn af stofnendum Black
Eyed Peas. Má sjá tilvitnanir í aðra
Mercedes eins og G-línu og SLS
sportbílnum í þessum bíl. Rappar-
inn fékk meðal annars breytinga-
fyrirtækið West Coast Customs til
aðstoðar við hönnunina. Var hug-
myndin með bílnum meðal ann-
ars að nota kynningu bílsins til að
safna fé fyrir nemendur með áhuga
á tæknimenntun, sem ekki hafa
efni á henni. „Fyrir mörg borgar-
börn er það að eiga Mercedes merki
um framfarir og að viðkomandi
hafi náð árangri. Ég hef náð mark-
miðum mínum og meira að segja
komið með útgáfu af AMG-módeli.
Ég snerti þó ekki vélina enda er það
það sem AMG gerir best af öllum,“
sagði will.i.am. Öf lugasti GT-bíll
Mercedes er 63 S sem skilar 630
hestöflum og 900 Nm togi, enda er
um V8 vél að ræða með tveimur for-
þjöppum. ■
Mercedes AMG kynnir The Flip
The Flip er ansi sérstakur og lítur út eins blanda af ólíkum bílum.
BÍLAR FRÉTTABLAÐIÐ 7. maí 2022 LAUGARDAGUR