Bændablaðið - 24.03.2022, Síða 1
6. tölublað 2022 ▯ Fimmtudagur 24. mars ▯ Blað nr. 607 ▯ 28. árg. ▯ Upplag 32.000 ▯ Vefur: bbl.is
Atorkuna skortir ekki í Höllu Sif Svansdóttur Hölludóttur, þrítugum garðyrkjunema, sem festi kaup á garðyrkjustöðinni Gróðri á Hverabakka við Flúðir
á sínu fyrsta ári í námi. Meðfram nýju hlutverki sínu sem garðyrkjubóndi reynir hún að klára námið og er nýliði í stjórn búgreinadeildar garðyrkjunnar.
– Sjá nánar á bls. 28–30. Mynd / Guðrún Hulda Pálsdóttir
Búnaðarþing 2022 verður haldið í Reykjavík um næstu mánaðamót:
Framtíðarstefnumörkun Bændasamtakanna
mótuð í kjölfar samruna búgreinafélaganna
– Gríðarlega mikilvægt að hafa það á hreinu hvert við erum að fara og að menn séu samstíga, segir formaður BÍ
Búnaðarþing 2022 verður haldið
á Hótel Natura 31. mars og 1.
apríl næstkomandi. Þingið er
fyrsta Búnaðarþing eftir að
búgreinafélögin runnu saman
við Bændasamtök Íslands og
urðu að búgreinadeildum innan
samtakanna.
Gunnar Þorgeirsson, formaður
Bændasamtakanna, segir að fulltrúar
á Búnaðarþingi að þessu sinni
séu í fyrsta sinn kosnir á þingið á
grundvelli búgreina, en til þessa
hafa 50% fulltrúanna verið kosnir
í gegnum búnaðarsambönd en aðrir
fulltrúar kosnir af búgreinum.
Framtíðarstefna BÍ
„Búgreinarnar hafa þegar fundað
á sínum Búgreinaþingum og
tillögufrestur frá hinum almenna
bónda er liðinn umfram það
sem verður lagt fram af deildum
búgreinanna.
Að mínu mati tel ég að það sem
verði veigamest á þinginu fyrir
stjórn samtakanna sé stefnumörkun
fyrir Bændasamtök Íslands til
framtíðar. Stefnumörkunin er
meðal þess sem búgreinafélögin
ræddu á sínum þingum og þau eru
búin að senda inn athugasemdir sem
verða teknar fyrir á Búnaðarþingi.
Að mínu mati er gríðarlega
mikilvægt fyrir stjórn og starfsmenn
BÍ að hafa stefnumörkunina á
hreinu þannig að við vitum hvert
við erum að fara og séum samstíga.
Enda mun stefnumörkunin vera
ramminn utan um starfið til
framtíðar.“
Stjórnarmönnum fjölgar um tvo
Gunnar segir að þingfulltrúum
hafi verið fjölgað úr 53 í 63 og
að á þinginu verði fjölgað í stjórn
Bændasamtakanna úr fimm í
sjö. „Eina breytingin sem ég
veit um að verður á stjórninni,
án nýju stjórnarmannanna, er að
varaformaður BÍ, Oddný Steina
Valsdóttir, ætlar ekki að gefa kost
á sér aftur, því miður. Það verður
mikil eftirsjá að henni.“
Enginn átakamál að þessu sinni
„Persónulega var ég gríðarlega
ánægð ur með Búgreina þingin og
fann á þingfulltrúum og bændum
sem þau sóttu hvað þeim þótti fyrir
komu lagið skemmtilegt að hitta
full trúa annarra búgreina og geta
rætt saman og sameiginleg málefni
bænda en ekki bara sérmálefni
sinnar búgreinar.
Mér sýnist því að bændur
hafi rætt saman og ég geri ráð
fyrir að þeir muni sýna samstöðu
og styrk sinn á Búnaðarþingi
sem ein heild og geti á þeim
forsendum staðið saman í þeim
málum sem mest ríður íslenskum
landbúnaði til hagsbóta,“ segir
Gunnar Þorgeirsson, formaður
Bændasamtaka Íslands. /VH
- Sjá viðtöl við fulltrúa búgreina-
deilda BÍ á bls. 2, 4 og 10.Gunnar Þorgeirsson. Mynd / HKr.
Danskir minkabændur:
Vilja íslenskan
mink á fæti
Fulltrúar danskra minkabænda
voru staddir hér á landi fyrir
stuttu til að kanna möguleika á að
kaupa milli 20 og 25 þúsund lifandi
minkalæður og högna.
Danirnir, Erik Vammen og Jesper
Jensen, sem voru á landinu í þrjár
vikur, eru báðir minkabændur og
heimsóttu íslenska kollega sína.
Að þeirra sögn eru samtök
minkabænda í Danmörku búin að
sækja um leyfi til að hefja minkaeldi
á ný eftir að öllum minkum þar var
fargað í kjölfar þess að Covid19 smit
fannst í minkum þar fyrir tveimur
árum.
Í samtali við Bændablaðið sögð
ust Danirnir bjartsýnir á að leyfið
yrði afgreitt í maí. Þeir segjast
einnig vera sannfærðir um að verð á
minkaskinnum eigi eftir að hækka,
enda verðið verið óvenjulágt á síðustu
árum. Þeir segja að loðdýrabændur
hafi lifað af þrengingar á markaði áður
og að þeir munu lifa þrengingarnar
núna af líka.
Ástæður þess að Danir hafa áhuga
á íslenskum dýrum eru aðallega tvær.
Í fyrsta lagi að minkar á Íslandi eru
lausir við sjúkdóma sem herja á
eldisminka í Evrópu, og í öðru lagi
að íslenskir minkar eru upprunnir í
Danmörku.
Ef af viðskiptunum verður mun
dýrunum verða flogið til Danmerkur.
Vammen og Jensen sögðu að þeir
hefðu einnig skoðað möguleikann á
að kaupa eða leigja hentugt húsnæði
til minkaeldis hér á landi, en að slíkt
hafi ekki staðið til boða. /VH
Íslenskt staðfest
107
Hvernig mæta matjurtabændur
aukinni eftirspurn?
22
Markaðssetja lífrænt
vottað heilhveiti