Skessuhorn - 15.06.2022, Blaðsíða 18

MIÐVIKUDAGUR 15. JÚNÍ 202218
Þorvaldur Hjaltason er annar
tveggja verkefnastjóra í málefn-
um flóttamanna hjá Borgarbyggð.
Blaðamaður spjallaði við hann í
síðustu viku þegar börnum og full-
orðnu flóttafólki á Bifröst voru
afhent reiðhjól. Þorvaldur sem hef-
ur sjálfur búið á Bifröst og alið þar
upp barn segist þekkja umhverf-
ið vel. Hann upplifir mikið þakk-
læti og ánægju hjá úkraínska fólk-
inu sem hefur komið á staðinn.
,,Ég er sjúkraflutningamaður og
verkefnastjóri alls varðandi heil-
brigðisþjónustu og húsnæðismál.
Heiðrún Helga Bjarnadóttir er svo
verkefnastýra yfir öllu verk efninu,“
segir Þorvaldur. Spurður út í stöðu
verkefnisins nú segir hann nýja
hópa ennþá koma vikulega. ,,Hluti
hópsins fer frá okkur í önnur var-
anlegri úrræði eða fær vinnu með
húsnæði annars staðar á landinu
í hverri viku og nýr hópur kem-
ur inn í staðinn. Ég var akkúrat að
taka á móti nýjum hópi hérna áðan.
Það er yfirleitt alltaf að nýir hóp-
ar koma á þriðjudögum þegar fjöl-
menningarsetur í Reykjavík hefur
parað fólk við Bifröst og boðið því
að koma hingað, svo fer restin af
vikunni í að kynnast nýju fólki og
kveðja þá sem eru að fara annað og
aðstoða þá með ferðir og skipulag.
Frá okkur hefur fólk verið að fara
um allt land á staði eins og á Akra-
nes, Keflavík, Súðavík, Reyðar-
fjörð, Akureyri og Reykjavík.“
Blaðamaður forvitnast um
skipulag verkefnisins og eftir
hvaða leiðum fólkið komi á Bif-
röst. „Bara fyrsti hópurinn okk-
ar kom beint frá flugvellinum, en
við endurtökum ekki þá móttöku.
Fólk fer ávallt fyrst annað hvort til
Keflavíkur eða Reykjavíkur í heil-
brigðisskoðun, berklapróf, ferli hjá
Útlendingastofnun og kennitölu-
skráningu. Þannig að það eru all-
ir búnir að vera í nokkra daga og
upp í tvær vikur á landinu áður en
þeir fara hingað uppeftir. Það er
aldrei neinn sendur hvorki hingað
eða í önnur úrræði, öllum er boðið
að koma og fólk velur á endanum
sjálft hvort það kemur. Fólkið fær
að vita hvaða úrræði eru í boði á
viðkomandi stað og öllum er alltaf
frjálst að neita.“
Bifröst er ekki eina svona
úrræðið sem flóttafólki býðst. ,,Það
er hótel í Reykjavík þar sem svona
úrræði er rekið og svo er einnig
á Ásbrú í Keflavík. Við bjóðum
kannski upp á örlítið meira utan-
umhald, en hjá okkur fær fólkið,
meðan á 12 vikna úrræðinu stend-
ur, húsnæði og fullt fæði í samstarfi
við Hreðavatnsskála. „Það má eig-
inlega líkja þessu við hótelstarfsemi
að einhverju leyti; fólk kemur inn,
fólk fer út og svo endurtökum við
þetta í næstu viku.
Ég veit ekki til þess að önnur
úrræði séu með sömu uppbyggingu
og við, en skilst að verið sé að skoða
að setja upp svipaða miðstöð á Eið-
um fyrir austan og þá jafnvel að
flogið yrði að hluta til beint þang-
að, en þetta er allt í vinnslu.“
Velvilji hvarvetna
Þorvaldur segir mikla vinnu að
baki en góð vikuleg rútína hjá
teyminu gangi nú vel. ,,Á þriðju-
daginn síðasta voru átta vikur síðan
fyrsti hópur kom til okkar en okk-
ur finnst við búin að vera hérna í
tvö ár. Hjá okkur er fólk sem kom
með fyrsta hópi og hefur óskað eft-
ir fastri búsetu hér á Bifröst, barna-
fólk. En einnig einstaklingar og svo
jafnvel stórfjölskyldur eins og t.d.
eldri hjón sem komu með tvær dæt-
ur sínar og tvö barnabörn en dæt-
ur þeirra eru báðar farnar að vinna
í Hreðavatnsskála. Þau sem hafa
komið hingað eru almennt rosa-
lega sátt og þá sérstaklega barna-
fólkið. Grunnskólinn á Varmalandi
tók frá fyrstu stundu rosalega vel á
móti krökkunum, raunar eins og
þau hefðu alltaf verið þar í skóla.
Leikskólinn á Bifröst var í starfs-
mannavanda til að byrja með en
það leystist meðal annars með því
að ein úkraínsk kona fór að vinna
þar en hún hafði talsverða reynslu
af slíkum störfum í Úkraínu. Þang-
að er núna komið eitt úkraínskt
barn og fleiri komast inn fljót-
lega. Við finnum fyrir gríðarlegum
velvilja alls staðar í sveitarfélaginu
og allir hafa lagst á eitt um að reyna
að bæta aðstæður fólksins og ótrú-
lega margir boðið fram ýmiss kon-
ar aðstoð í sjálfboðavinnu,“ segir
Þorvaldur um stöðu verkefnisins.
sþ
Síðastliðinn fimmtudag lagði Ólaf-
ur nokkur Jónsson leið sína frá
Sauðárkróki til Bifrastar með fulla
kerru af hjólum sem hann var sjálf-
ur búin að safna og gera upp, en
hjólin voru 31 talsins. Reiðhjól
þessi fóru í góðar hendur flóttafólks
frá Úkraínu sem sest hefur að á Bif-
röst síðastliðna tvo mánuði. Ólaf-
ur er meðlimur í Kiwanisklúbbi
en það er alþjóðleg þjónustu- og
góðgerðahreyfing fólks sem hefur
áhuga á að taka virkan þátt í að bæta
samfélagið og láta gott af sér leiða.
Undanfarin mörg ár hefur Kiwan-
ishreyfingin farið um landið og gef-
ið krökkum hjólreiðahjálma í sam-
starfi við Eimskip.
Hjólin gefin í nafni
Kiwanis
,,Kiwanis hreyfingin hefur undan-
farin 31 ár gefið fyrstu bekkingum
á Íslandi hjálma og við fregnuð-
um um hjálmaleysi hérna á Bifröst.
Aðal styrktaraðilinn okkar er Eim-
skip og það var ekkert sjálfsagðara
en að gefa hingað hjálma svo ég
fór með 30 hjálma hingað í Norð-
urárdalinn. Þá sá ég að hér vantaði
ýmislegt fleira. Þannig að á leiðinni
heim datt mér þetta í hug. Ég aug-
lýsti eftir hjólum á Facebook og
afraksturinn er sá að í dag eru kom-
in hingað 31 hjól. Ég gef þessi hjól
í nafni Kiwanis en það eru búnar að
fara um tvær vinnuvikur í að gera
upp hjólin.“ Ólafur gerði hjólin
upp sjálfur en ásamt honum komu
þeir Jóhannes Þórðarson og Gunn-
ar Sigurðsson á vegum Kiwanis til
að afhenda hjólin í góða veðrinu í
síðustu viku.
Áður verið auglýst
eftir hjólum
,,Þetta er hjartnæmt verkefni. Ég
talaði um það við Þorvald þegar
ég kom með hjálmana að það væri
mjög mikil þörf fyrir hjól, það
var svona það sem aðallega vant-
aði. Umhverfið hérna í kring býð-
ur líka upp á frábæra hjólatúra,“
segir Ólafur. Þorvaldur Hjaltason,
verk efnastjóri hjá Borgarbyggð, var
á staðnum til að taka á móti Ólafi
og félögum hans. ,,Það var búið
að auglýsa eftir hjólum á mörg-
um stöðum og við fengum engin
svör. Svo kom eitt neyðarkall frá
Ólafi og það skilaði 30 hjólum,“
segir Þorvaldur sem var einmitt að
koma úr því verkefni að bjóða nýj-
an hóp flóttamanna velkominn frá
Úkraínu þegar rennt var með hjól-
in í hlað.
Vantar fleiri
fullorðins hjól
Reiðhjólin voru af öllum stærð-
um og gerðum og mikið þakklæti
einkenndi athöfnina þegar fólkið
fékk að velja sér hjól. ,,Það vantar
greinilega meira af fullorðins hjól-
um og það er ennþá verið að bjóða
mér hjól svo ég sé til hvað ég geri.
Ég ætla þó aðeins að slaka á,“ segir
Ólafur að lokum.
sþ
Þorvaldur Hjaltason verkefnastjóri málefna flóttamanna hjá Borgarbyggð.
Barnafólkið sérstaklega ánægt á Bifröst
Gerði upp hjól og gaf úkraínsku flóttafólki á Bifröst
Ólafur Jónsson frá Sauðárkróki kom færandi hendi með þrjátíu nýuppgerð reiðhjól
Ungviðið velur sér hjól.
Samvinna við að tína hjólin af kerrunni.
Ólafur Jónsson ásamt Katerynu Chumakova frá Úkraínu. Hún kom og þakkaði
Ólafi sérstaklega fyrir hjólið, sonur hennar hafði áður fengið gefins hjól en
Kateryna ekki getað hjólað með honum fyrr en nú.