Skessuhorn - 15.06.2022, Blaðsíða 31

MIÐVIKUDAGUR 15. JÚNÍ 2022 31
Eldhúsinnréttingar
Fríform ehf.
Askalind 3,
201 Kópavogur.
562–1500
Friform.is
Sumaropnun:
Mán. – Föst. 10–17
Laugardaga LOKAÐ
2
0
0
0
—
2
0
2
0
Heilbrigðisyfirvöld hafa að frum-
kvæði heilbrigðisráðuneytisins og
í samræmi við ráðleggingar land-
læknis, myndað viðbragðsteymi
um bráðaþjónustu í landinu vegna
alvarlegrar stöðu innan hennar.
Kemur þessi alvarlega staða skýrast
fram á bráðamóttöku Landspíta-
lans þar sem öryggi sjúklinga er
ógnað, að mati landlæknis. „Sam-
starf aðila þvert á heilbrigðiskerf-
ið er nauðsynlegt til að tryggja full-
nægjandi og örugga bráðaþjónustu
næstu mánuði,“ segir í tilkynningu
frá heilbrigðisráðuneytinu.
Viðbragðsteymið samanstend-
ur af heilbrigðisráðuneytinu, emb-
ætti landlæknis, Sjúkratryggingum
Íslands, Landspítala, Heilsugæslu
höfuðborgarsvæðisins, Heilbrigðis-
stofnun Suðurlands, Heilbrigðis-
stofnun Suðurnesja, Heilbrigðis-
stofnun Vesturlands, Læknavakt-
inni, Samtökum heilbrigðisfyrir-
tækja og Samtökum fyrirtækja í vel-
ferðarþjónustu.
Orsakirnar vandans nú eru sagð-
ar margþættar en þyngst veg-
ur skortur á heilbrigðisstarfs-
fólki og skortur á úrræðum fyrir
aldraða, færniskerta og fleiri við-
kvæma hópa. Mikill skortur er á
heilbrigðis starfsfólki á öllum heil-
brigðisstofnunum um leið og það
er mjög brýnt að starfsfólk fái lang-
þráða hvíld og sumarleyfi. Einnig
eykst álag á bráðahluta þjónustunn-
ar með aukinni virkni samfélagsins
á sumrin og auknum fjölda erlendra
ferðamanna. Unnið er eftir fremsta
megni að því að auka heimaþjón-
ustu og framboð á hjúkrunar- og
endurhæfingarrýmum um allt að
125 á suðvesturhorni landsins fyrir
lok þessa árs.
Hlutverk viðbragðsteymisins er
að útfæra tillögur ásamt tímasettri
áætlun um aðgerðir til að takast á
við þetta verkefni, fylgja eftir fram-
kvæmd þeirra og tryggja virkt sam-
starf milli allra aðilanna. Viðbrögð
og aðgerðir fyrir næstu vikur fela
m.a. í sér að:
Samhæfa aðgerðir og þétta sam-
starf allra aðila sem koma að bráða-
þjónustu í heilbrigðiskerfinu.
Styrkja og auka heimahjúkrun
á höfuðborgarsvæðinu í samvinnu
við Heilsugæslu höfuðborgasvæðis-
ins, Læknavaktina og Landspítala.
Efla starfsemi bráðamóttöku
Heilbrigðisstofnunar Suður-
lands, Heilbrigðisstofnunar
Suðurnesja og Heilbrigðisstofn-
unar Vestur lands. Liður í því er að
bæta úrlestur myndrannsókna og
úrvinnslu blóðrannsókna í sam-
vinnu við Landspítala.
Auka þjónustu bráðadagdeildar
Landspítala og stækka aðstöðuna.
Útbúa miðstöð tilvísana- og
ráðgjafar innan Landspítala til að
stýra betur aðflæði inn á spítalann,
efla fjarþjónustu og samstarf milli
stofnana.
Bæta ferla innan Landspítala til
að stytta dvöl sjúklinga á bráða-
móttöku spítalans. Liður í því er að
endurskoða meðferðarferla í öldr-
unarþjónustu og auka aðkomu fleiri
sérgreina að þjónustu við sjúklinga
á bráðamóttökunni.
Viðbragðsteymið mun halda
Viðbragðsteymi
vegna álags
í bráðaþjónustu
reglulega samráðsfundi vegna stöð-
unnar meðan að þörf krefur og
kalla aðra að borðinu eftir þörfum.
mm