Skessuhorn - 15.06.2022, Blaðsíða 43

MIÐVIKUDAGUR 15. JÚNÍ 2022 43
Pennagrein
Góðan daginn.
Hjörtur heiti ég og er Strandveiði-
maður róandi á fleyinu Lára V ÍS
122. Hér ætla ég að vekja athygli
á réttlætinu sem við búum við, við
strandveiðisjómenn. Þannig er að
við megum fiska 12 daga í mánuði.
Hugsið ykkur hverskonar samfé-
lag við byggjum við ef allir ættu
að skila einungis 12 starfsdögum
í mánuði! En bíðið við, þetta er
ekki allt. Til að ná þessum 12 dög-
um höfum við um að velja mánu-
daga, þriðjudaga, miðvikudaga
og fimmtudaga. Það má ekki róa
föstudaga, laugardaga og sunnu-
daga. Sem þýðir að við höfum að
meðaltali 16 daga til að ná þess-
um 12 dögum. En svo koma rauð-
ir dagar sem ekki má róa á og svo
blessaðir bræludagarnir en þeir eru
alltaf einhverjir á sumri, bara mis-
margir. Til dæmis þaðan sem ég
ræ þá var staðan 15. maí að af átta
dögum gátu menn róið þrjá daga.
Og er ástæðan sú að veðurguðirnir
hafa verið að herja á með norðan-
og norðaustan áttir og frekar stíf-
um. En staðreyndin er sú að það
þarf ekki að vera mikið að veðri
svo við getum ekki róið á okk-
ar litlu bátum. Ekki í 12-18 metr-
um eins og var fyrir utan Vestfirði
fyrri tvær vikurnar í maí og jafnvel
víðar sem er skaðviðri fyrir okk-
ur á litlu bátunum. Þannig að þeir
sem náðu þremur dögum þá höfðu
níu daga til að ná þeim 12 dögum
sem menn eiga rétt á. Sem þýðir
að menn urðu að róa alla dagana
og jafnvel pressast menn til að róa í
váveðrum þess vegna. Og oft á tíð-
um eru stillur miklar um helgar en
eins og fyrr hefur komið fram þá
má ekki róa. Og svo eins og komið
hefur fram þá höfum við 12 daga
í mánuði og lítið fleiri daga til að
ná þeim. Við höfum ekki neinn
möguleika á að færa daga milli
mánaða til að ná okkar dögum.
Svo er það magn þess fisks sem
við megum draga að landi. En það
eru 774 kíló af óslægðum þorski
sem má koma með í land á dag.
Ekki veit ég til þess að nokkur bát-
ur sé búinn þeirri tækni að getað
vigtað aflann né að ég hafi heyrt
um hana. Sem gerir allar aflatölur
bara ágiskun eina. En ef við berum
að landi meira en 774 kíló á dag
ber okkur að borga fésekt og all-
ur umfram afli er gerður upptæk-
ur. Við höfum ekki tækifæri á að
færa afla milli daga til að gera upp
magnið sem fiskast á milli daga.
Eða jafnvel eins og réttast væri
að gera magn daga upp bara eft-
ir mánuðinn eða jafnvel tímabilið.
En við sem stundum strandveiðar
þurfum að haga okkur í öllu eftir
einhverjum óskýranlegum ólög-
um.
Hugsið ykkur olíusparnaðinn ef
þessi kíló sem við megum veiða á
dag yrðu margfölduð með daga-
fjölda = 774 kíló x 12 dagar sem
yrðu 9.288 kíló. Sem við myndum
þá koma með að landi í 3-4 ferð-
um í staðinn fyrir 12 ferðum. Það
yrði mikið vistvænna, minni olíu-
eyðsla, en við veiðarnar er bara
notað rafmagn auk þess að á enda
veiðarfærisins eru önglar sem ekk-
ert skemma. Sem sagt mikið vist-
vænna!
Svo er eitt atriði sem kallast
afladagbók! Afladagbók virkar
þannig að okkur ber að skila gisk-
uðum tölum til Fiskistofu helst
áður en aflinn er vigtaður upp
úr bátunum. En réttar tölur ber-
ast Fiskistofu rafrænt um leið og
búið er að vigta aflann. Þar af leið-
andi sjáum við ekki tilganginn með
þessari aðgerð. Og ekki nóg með
að við séum skikkaðir til að skila
þessum tölum og takið eftir, við
þurfum að borga Fiskistofu fjár-
muni með upplýsingunum sem við
skilum til þeirra. Að borga fyrir
upplýsingar sem þeir segjast nota
í rannsóknarvinnu er svo gjörsam-
lega galið að annað eins þekkist
ekki í siðmenntuðum ríkjum. Auð-
vitað ættum við að fá borgað fyrir
að veita téðar upplýsingar.
Hér hef ég nefnt ýmsar forsend-
ur fyrir því að strandveiðar verði í
alla staði bara gefnar frjálsar. Ég
get svo sem nefnt stöðu mína eins
og hún var 15. maí. Eins og fyrr
segir voru veður frekar válynd.
Og einnig hafa ófyrirséðar bilanir
verið að angra. Ég bý í Dúfnahól-
um 10 en bátinn minn geymi ég á
Suðureyri og kem þar vestur um
miðjan apríl í þeim tilgangi að gera
bátinn kláran fyrir komandi vertíð.
Var með langan lista yfir það sem
þurfti að gera. Ég er með putta
sem ég kann að nota og get þar af
leiðandi gert ýmislegt. En einnig
hjálpuðu smiðjukarlarnir hér á
Suðureyri mér talsvert. Og einnig
þurfti ég að kalla til rafvirkja frá
Bolungarvík til að fullkomna verk-
ið. Svo sunnudaginn 1. maí er ég
að prufusigla bátnum þegar vél-
in tekur upp á því að hitna meira
en góðu hófi gegndi. Komst ég í
land og fer að rífa og spekúlera.
Kemst að því að ferskvatnskælir-
inn er farinn. Kostar hann ekki
nema 500.000 íslenskar krónur
hjá umboði vélarinnar. Fyrsta vik-
an er liðin þegar sá nýi er kom-
inn í og þá er prufað aftur. Þá vildi
hann ekki hlaða rafmagn fyrir 24
voltin. Fyrst ég þurfti rafvirkja,
því landhleðslan var eitthvað að
stríða einnig, þá lét ég hann setja
díóðubrú á rafkerfið til að aðskilja
neyslurafmagn og startrafmagn.
Þannig að þegar þetta er allt klárt
eru liðnar tvær vikur eða kominn
15. maí og aðeins tvær vikur eft-
ir sem innihalda skírdag eða einn
rauðan dag sem ekki má róa á. Svo
er spáin eitthvað að versna og ætl-
ar í norðaustan skít þegar líður á
þriðju vikuna.
Svo góðir hálsar, svona er bless-
að strandveiðilífið í hnotskurn.
Kveðja,
Hjörtur Sævar Steinason sjómaður
Sauðafellshlaupið í Dölum verð-
ur hlaupið sunnudaginn 19. júní,
en það fer nú fram í níunda skipti.
„Árið 2014 fór fyrsta hlaupið fram,
þá voru þátttakendur 40 og hefur
fjöldi þeirra verið á rólinu 20-40
eftir það,“ segir Þorgrímur Ein-
ar Guðbjartsson á Erpsstöðum.
„Það var góður vinur okkar, Har-
aldur Reynisson, þekktur sem Halli
Reynis, sem hvatti okkur til að gera
þetta á sínum tíma og eftir fyrsta
hlaupið, spilaði hann á gítarinn
sinn í hlöðunni fyrir þátttakend-
ur og gesti. Síðan höfum við haldið
þetta hlaup og ávallt varið skrán-
ingargjaldinu til að styrkja félög á
okkar heimasvæði, bæði litla klúbba
og stærri félög. Í fyrra færðum við
iðjunni á Fellsenda andvirðið,“ seg-
ir Þorgrímur.
„Þátttaka hefur verið misjöfn
milli ára, en við höfum á tilfinn-
ingunni að töluverður fjöldi muni
mæta í þetta sinn og að ný met verði
slegin, bæði hvað varðar fjölda
þátttakenda í hlaupinu sjálfu og
Sauðafellsgöngunni sem fer fram
samhliða. Einstaka hlauparar munu
svo líklega og vonandi bæta tímann
sinn frá fyrri árum en ég er nokkuð
viss um að brautarmetið sjálft verði
ekki slegið. Það á Strandamaður-
inn Birkir en það setti hann 2017
þegar hann hljóp á 58 mín. Besti
tími árið 2018 var 58,20,“ Erps-
staðabóndinn.
„Við vonum að sem flestir komi
í Dalina, hlaupi með okkur og
eigi góðan dag undir Dalanna sól.
Hlaupið hefst og endar við brúsa-
pallinn á Erpsstöðum. Hlaupið er
eftir þjóðvegi 60 að Fellsenda og
upp veg 585, á Fellsendabrekkunni
er stefnan tekin uppá Sauðafellið,
það hlaupið þvert og niður að bæn-
um Sauðafelli og komið að þjóð-
vegi 60 á ný og þá er hringnum
lokað þegar komið er að Erpsstöð-
um á ný. Hlaupaleiðin er um 12
km. Þetta er skemmtileg leið, ekki
mjög erfið þó helmingur hennar
sé utanvegar eða eftir slóðum og
útsýni er fallegt yfir sveitina og út
Hvammsfjörðinn. Þeir sem vilja
frekar hlaupa eftir vegi, geta tek-
ið hringinn eftir þjóðvegunum 60
og 585, þá skiljast leiðir hlaupara
við Fellsenda, sú leið er um 15 km.
Boðið verður uppá barnagæslu á
Erpsstöðum meðan á hlaupinu
stendur, leikir og dýrin á bænum
skoðuð. Skrá þarf í gæsluna með
því að senda skilaboð í skjóðuna á
Fésbókarsíðu Rjómabúsins.
Eftir hlaupið býður Rjómabú-
ið Erpsstaðir upp á kaffi og rjóma-
ís! Allir fá orkudrykk er þeir koma
á endastöð. Það verður ein drykkj-
arstöð á leiðinni, við bæinn Fells-
enda. Við óskum eftir að þið til-
kynnið þátttöku á síðunni, það
kostar 1000 krónur að taka þátt.
Gott er að mæta tímanlega og
ganga frá skráningu. Hlaupandi
eða gangandi hver á sínum hraða.
Yngsti þátttakandinn sem hefur
tekið þátt er 9 ára og elsti 80 ára.
Þetta er tímalaust hlaup og hver
tekur tíma á sér ef hann vill. Fyrir
þá sem vilja ganga þá er mæting á
Erpsstaði og skutl þaðan að Fells-
enda kl. 10:15 þar sem gangan
hefst. Göngumenn fara um 8 km,
stálpuð börn geta auðveldlega farið
þetta í fylgd með forráðamönnum.
Ath -göngumenn keyrðir frá Erps-
stöðum að Fellsenda kl 10:15 - start
hlaupara kl. 11.
mm
Nýlega auglýsti Tónlistarskóli
Borgarfjarðar nýtt námskeið þar
sem aðalhljóðfærið er tölva. Náms-
brautin kallast ,,Stúdíóið sem
hljóðfæri“ en nemendur munu
fá að kynnast fleiri hljóðfærum
en tölvunni á námskeiðinu. Ekki
er nauðsynlegt að hafa reynslu af
hljóðfæraleik en það telst þó kostur.
Kennd verður grunnþekking á
stúdíóforritið Pro Tools en nem-
endum verður leiðbeint í þriggja
manna hópum.
Námsbrautin er tilraun í starfi
tónlistarskólaskólans en síðastliðið
haust tók Sigfríður Björnsdóttir við
stöðu skólastjóra. Ný stefna skólans
kveður á um að breiðara svið lista
verði kennt við skólann, eins og
myndlist og leiklist, sé áhugi fyrir
hendi. Miðað er við að nemendur
séu komnir í níunda bekk í grunn-
skóla eða eldri, vilji þeir taka þátt í
þessu námskeiði.
Sigfríður Björnsdóttir tónlist-
arskólastjóri sagði í nýlegu viðtali
í Skessuhorni að kennarar væru
byrjaðir að koma upp litlu stúdíói
og æfa sig á það. Hún segir staf-
ræna listsköpun mjög spennandi og
vill þreifa fyrir áhuga á þessu við-
fangsefni í skólastarfinu. Kennsla
þurfi ætíð að taka mið af áhugasviði
nemenda. Hún er opin fyrir nýjum
straumum og stefnum og segir allt
hægt ef áhugi nemenda og kennara
er til staðar.
sþ
Hugleiðingar Strandveiðisjómanns
Tónlistarskóli Borgarfjarðar í Borgarnesi.
Stafrænt tónlistarnám í
Tónlistarskóla Borgarfjarðar
Sauðafellshlaupið verður á sunnudaginn