Skessuhorn - 15.06.2022, Blaðsíða 35

MIÐVIKUDAGUR 15. JÚNÍ 2022 35
Sjómannadagurinn á Akranesi
Dagskrá sjómannadagsins á Akranesi
var um margt hefðbundin þetta árið.
Veður var sólríkt og gott framan af
degi en um miðbik dags dró ský fyrir
sólu en veður hélst þó áfram þokka-
legt. Klukkan 10 var minningarstund
í kirkjugarðinum þar sem látinna
týndra sjómanna var minnst. Eftir
guðsþjónustu klukkan 11 var blóm-
sveigur lagður að styttunni af sjó-
manninum á Akratorgi. Eftir það
voru ýmsir dagskrárliðir í boði. Sjó-
baðsfólk kynnti sportið, Akranesviti
og Guðlaug voru opin almenningi án
endurgjalds, hoppkeppni fór fram á
nýja pallinum við Krókalón og boð-
ið var upp á sögugöngu Kelling-
anna frá Akratorgi. Á hafnarsvæð-
inu var dorgveiðikeppni fyrir börnin,
fiskar sýndir í körum og róðrakeppni
var í höfninni. Þyrla Landhelgis-
gæslunnar mætti og sýndi björg-
un úr sjó. Fjölskylduskemmtun var
á hafnarsvæðinu og fjölmargir sem
lögðu þangað leið sína. Þetta og fjöl-
margt fleira var í boði á hátíðisdegi
sjómanna á Akranesi. Kolla Ingv-
ars ljósmyndari Skessuhorns fangaði
stemninguna.
mm/ Ljóm. Kolla Ingvars
Á Akratorgi var blómsveigur lagður að minnismerki sjómannsins. Ljósm. vb.Björgunarfélag Akraness bauð upp á siglingu á Jóni Gunnlaugssyni.
Sigurvegarar í róðrarkeppninni voru Hallur og fjölskylda, sem hér taka við
verðlaunum.
Hér er þyrlan að hífa fólk úr höfninni.
Lið Akraneskaupstaðar varð í öðru sæti í róðrarkeppninni, en keppnin var í boði
Nítjándu Bistro & Grill á Garðavöllum.
Hvað ungur nemur gamall temur. Hér eru feðgarnir Liam Myrkvi og Garðar Gunn-
laugsson að veiða í soðið.
Hér er hoppkeppni í gangi við Krókalón, í boði Hopplands. Eitthvað var í boði fyrir alla aldurshópa.
Björgunarfélag Akraness sýndi búnað á hafnarsvæðinu, en
þar voru einnig matarvagnar, kör með fiski, smíðasvæði og
fleira.
Björgunarfélag Akraness leyfði fólki að æfa sig í hjarta-
hnoði. Sigrún Guðný Pétursdóttir leiðbeindi.
Belinda Eir, Sigurður Axel formaður BA ásamt dóttur hans.
Tvíburarnir Freyja og Emilía Hjaltested voru í góðum gír. Dorgveiðikeppnin var í boði Frystihússins. Ljósm. Eva
Guðmundsd.