Skessuhorn - 15.06.2022, Blaðsíða 38

MIÐVIKUDAGUR 15. JÚNÍ 202238
Um miðjan mars sagði Skessuhorn
frá göngustíg fyrir aftan skógrækt-
ina á Akranesi sem lagt var á síð-
asta haust burðarlag til að styrkja
veginn á um þrjú hundruð metra
kafla. Efnið var möl í bland við
stóra hvassa steina og því frekar
erfitt fyrir gangandi vegfarendur,
hlaupara og hjólreiðamenn að ferð-
ast þarna um.
Þessi leið hefur verið mjög vin-
sæl gönguleið í gegnum árin enda
afar falleg með Akrafjallið nánast í
fanginu allan tímann. Nú er málið
leyst því nýlega er búið að setja fína
möl ofan á göngustíginn og ekkert
mál lengur að taka rölt, hlaup eða
hjólatúr í átt að fjallinu fagra.
vaks
Dagana 1. og 2. júlí næstkomandi
er allt gistirými upppantað í Stykk-
ishólmi og tjaldstæðið líka, svo og
flestir túnblettir. Um fjögur hund-
ruð manns munu mæta á svæðið
og tónlist óma í eyrum. Ástæðan
er Landsmót harmonikuunnenda
sem haldið verður á staðnum. Það
verður helgað minningu Hafsteins
Sigurðssonar harmonikkuleikara
og tónlistarkennara í Stykkishólmi
sem lést fyrir aldur fram árið 2012.
Vestlendingar koma að
skipulaginu
Eins og heitið ber með sér koma
harmonikkufélög af öllu landinu
saman í Hólminum þessa helgi.
Félag harmonikuunnenda í Reykja-
vík annast skipulagið og núverandi
og fráfarandi formaður þess komu
á skrifstofu Skessuhorns til að upp-
lýsa blaðamann um hátíðina sem
framundan er. Friðjón Hallgríms-
son er nýkjörinn formaður félags-
ins og Elísabet H. Einarsdótt-
ir er nýbúin að láta af því embætti.
Svo vill til að Friðjón er ættaður
af Hellissandi og hún er frá Akra-
nesi svo þau hafa bæði sterk tengsl
við Vesturland. Elísabet byrjaði
snemma að spila á harmonikku og
hefur menntað sig talvert í því en
Friðjón er sjálflærður og fór ekki
að spila fyrr en um þrítugt. Bæði
spila þau mikið í dag sér til yndis og
ánægju og elska tónlistina. Þau gera
heldur ekki lítið úr vægi félagsskap-
arins sem þessu tengist.
Dansað í íþróttahúsinu
Félag harmonikuunnenda í
Reykjavík var stofnað fyrir 45 árum
með það að markmiði að auka og
efla veg hljóðfærisins. Landsmótið
er haldið hverju sinni af einhverju
slíkra félaga á landsvísu og mótið í
ár er það fjórtánda í röðinni. Yfir-
leitt eru þau haldin á þriggja ára
fresti en nú hafa liðið fimm ár á
milli vegna farsóttarinnar. Það
verður því sérstaklega mikill fögn-
uður í ár. Mótshaldarar nýta sér
ýmsa aðstöðu í Hólminum svo sem
íþróttahúsið þar sem bæði verða
haldnir tónleikar og dansleik-
ir. Viðburðurinn nýtur styrks frá
Sóknaráætlun Vesturlands og ekki
síst þess vegna segja þau Elísabet
og Friðjón að þau telji mikilvægt
að nýta sér þjónustu í landshlut-
anum í sem mestum mæli. Stól-
ar og borð í íþróttahúsið koma t.d.
frá Íþróttabandalagi Akraness og
tjöld eru leigð af Ísólfi Haraldssyni
í Bíóhöllinni á Akranesi.
Harmonikkumenning í
Hólminum
Eins og áður kom fram er mótið
helgað minningu Hafsteins Sig-
urðssonar harmonikkuleikara og
tónlistarkennara og verður minn-
ingarskjöldur um hann afhentur
Tónlistarskólanum við þetta tæki-
færi. Mótið er haldið í góðri sam-
vinnu við Stykkishólmsbæ og svo
skemmtilega vill til að Jakob Björg-
vin Jakobsson bæjarstjóri þar leikur
á harmonikku og er fyrrum nem-
andi Hafsteins. Jakob Ingi Jakobs-
son faðir hans er einnig harmon-
ikkuleikari og mun opna mótið
með leik sínum, enda er hefð fyrir
því að heimamaður spili fyrsta lag-
ið.
Tíu félög og Storm tríó
Tónleikar og dansleikir verða bæði
föstudag og laugardag og sérstak-
ir hátíðartónleikar á laugardeg-
inum. Alls senda tíu til tólf harm-
onikkufélög hljómsveitir á stað-
inn. Einnig kemur íslensk-norska
tvíeykið Storm Duo á svæðið, bæt-
ir við sig liðsmanni og umbreytist
í Storm Tríó. Gestafélag frá Fugla-
firði í Færeyjum mætir í einnig í
Hólminn. Hljómsveitir hinna ýmsu
félaga leika á tónleikunum og full-
trúar þeirra leika fyrir dansi bæði
kvöldin. Þess má geta að auk alls
þessa verður þjóðbúningahátíðin
Skotthúfan haldin í Stykkishólmi
laugardaginn 2. júlí.
Að loknu skemmtilegu samtali
við Elísabetu og Friðjón taka þau
fram hljóðfærin og leikandi létt
tónlist fyllti ritstjórnarskrifstofuna.
Blaðamaður hefur algerlega sann-
færst um að skreppa í Hólminn í
byrjun júlí.
Athugasemd blaðamanns:
Almennur ritháttur orðsins harm-
onika/harmonikka er mjög mis-
munandi. Hér er farin sú leið að
fara milliveg og rita tvö k þar sem
fjallað er um hljóðfærið sem slíkt,
en eitt á öðrum stöðum.
gj
Á upplýsingasíðu sendiráðs Íslands
í Noregi kom fram á fimmtu-
daginn að Ingibjörg Davíðsdótt-
ir sendiherra hafi verið sæmd stór-
krossi hinnar konunglegu norsku
þjónustuorðu. Hana fær Ingibjörg
fyrir embættisstörf í þágu sam-
skipta Íslands og Noregs. Orðuna
afhenti Tore Hattrem ráðuneytis-
stjóri norska utanríkisráðuneyt-
isins. Ingibjörg, sem er frá Arn-
bjargarlæk í Þverárhlíð, hefur verið
sendiherra í Noregi frá árinu 2019
en hefur starfað í utanríkisþjónustu
Íslands frá 1999.
mm/ Ljósm. Sendiráð
Íslands í Noregi.
Göngustígur kominn í gott lag Ingibjörg sæmd
stórkrossi í Noregi
Jakob Björgvin bæjarstjóri ásamt hljómsveit á hesthússtónleikum. Ljósm. aðsend.
Harmonikkan mun gleðja í Stykkishólmi
um næstu mánaðamót
Elísabet og Friðjón glöddu starfsfólk Skessuhorns með harmonikkuleik.
Nokkur farartækja gesta á Landsmóti harmonikuunnenda á Ísafirði 2017.
Ljósm. Sigurður Harðarson.
Frá vinstri: Sveinn Sigurjónsson, Kristján Ólafsson, Hilmar Hjartarson og Erlingur
Helgason. Allt ósviknir gleðigjafar. Myndin er tekin á Landsmótinu á Ísafirði.
Ljósm. Sigurður Harðarson.