Skessuhorn - 15.06.2022, Blaðsíða 39

MIÐVIKUDAGUR 15. JÚNÍ 2022 39
• Bílasprautun • Bílaréttingar • Framrúðuskipti
BÍLASPRAUTUN VESTURLANDS
Sími: 860-0708 • bv.sprautun@gmail.com
Vinnum fyrir öll tryggingafélög
Kjólar, efni og litríkar ljósmyndir í gamla
Iðnskólanum á Akranesi 17. og 18. júní
Opið frá kl. 11 til 17:30 báða dagana
Ljósmyndir
Áskell
Kjólar
LAUFEY
Klæðskeri
Sjöfn
Kjólar með
ljósmyndum
úr íslenskri
náttúru

Umhverfismat framkvæmda
Matsáætlun í kynningu
Brekka, vindorkugarður í Hvalfjarðarsveit
Zephyr Iceland hefur lagt fram matsáætlun til Skipulagsstofnunar
vegna umhverfismats allt að 50 MW vindorkugarðs að Brekku ofan
Hvalfjarðar.
Kynning á matsáætlun: Matsáætlunin er aðgengileg á vef
Skipulagsstofnunar www.skipulag.is.
Umsagnarfrestur: Allir geta kynnt sér matsáætlunina og veitt
umsögn.Umsagnir skulu vera skriflegar og berast eigi síðar en 20. júlí
2022 til Skipulagsstofnunar, Borgartúni 7b, 105 Reykjavík eða með
tölvupósti á skipulag@skipulag.is.
Reynir Ingibjartsson fræðimað-
ur og rithöfundur hefur gefið út
bókina Hraunholt í Hnappadal –
mannlíf og minningar. Þar lítur
hann yfir farinn veg því æskuspor
hans liggja á þessum stað. Bókin er
200 síður og ríkulega myndskreytt.
Reynir rekur í bókinni minningar
sem tengjast bænum þar sem hann
ólst upp með móður sinni og afa.
Hann hafði hins vegar aldrei neitt
af föður sínum að segja. Mik-
il náttúrufegurð er í Hraunholt-
um, tignarlegur fjallahringur að
ógleymdu mannlífinu. Reynir var
eina barnið á stóru svæði svo ekki
var völ á leikfélögum. Hann fann
upp á ýmsu sér til dægrastyttingar
og fór að skrifa minnisatriði í litl-
ar vasabækur þegar hann var ellefu
ára. Þá var Hnappadalurinn ein-
angraðri en nú er, þ.e. fyrir tilkomu
Heydalsvegarins sem tengir saman
sunnanvert og norðanvert Snæ-
fellsnes síðan um miðja 20. öld.
Minnisbækurnar
Reynir er fæddur 1941 og er
því áttræður síðan í mars. Hann
er þekktur fyrir fjöldan allan af
bókum og heimildaskrifum. Má
þar nefna bækur um gönguleiðir á
suðvesturhorni landsins auk grein-
argóðra bóka með úrvali mynda
um Kolbeinsstaðahrepp og Eyja-
og Miklaholtshrepp á Snæfells-
nesi. Skammt er síðan hann gaf út
samantekt á ræðum og öðru rituðu
efni eftir Guðmund Sveinsson sem
var skólastjóri á Bifröst í Borgar-
firði á árunum 1955-1974. Með-
fram þessu er hann að taka saman
gríðarlegt safn ljósmynda sem hann
hefur tekið af verslunarhúsum
kaupfélaga út um allt land, rúmle-
ga 1600 myndir í allt.
„Ég held að ég sé svolítið skyldur
Þorbergi, ég er einhver vasaútgáfa
af honum,“ segir Reynir spjalli við
blaðamann um skrif sín. „Þessi nýja
bók er eiginlega ævintýri, hún lýsir
tíðarandanum fyrir miðja síðustu
öld og það er svo margt sem hefur
breyst síðan þá. Það var eiginlega
tilviljun að ég mundi eftir þessum
minnisbókum sem ég hafði skri-
fað sem barn. Þar skrifaði ég um
silungsveiði, bílakomur og hver-
jir komu á jólaföstunni svo nokkuð
sé nefnt. Nú fór ég gegnum þetta
allt og skrifaði út frá hverju fyrir
sig það sem ég mundi. Það rifjaðist
margt upp við að lesa þetta.“
Magnús í Hraunholtum
Meðal þess sem í bókinni er að
finna eru minningaskrif Magnús-
ar Sumarliða Magnússonar móð-
urafa Reynis, sem var fæddur í
Hallkelsstaðahlíð í Hnappadal árið
1890. Hann keypti Hraunholt vor-
ið 1915 ásamt konu sinni Borg-
hildi Jónasdóttur frá Bíldhóli á
Skógarströnd. Anna dóttir þeirra
var móðir Reynis og faðir hans var
Ingibjartur Magnússon. Þau áttu
þó ekki samleið og eftir að Reynir
kom í heiminn stóð Anna uppi sem
einstæð móðir. Hún flutti þá vest-
ur að Hraunholtum og hélt heim-
ili fyrir föður sinn. Þó hún hafi ekki
verið sátt við þau örlög að þurfa að
hverfa heim segir Reynir það hafa
verið sitt lán að fá að alast upp við
gott atlæti og öryggi á þessum fal-
lega stað. Nú vilji hann gefa til
baka með því að birta ýmsan fróð-
leik tengdan bænum, fólkinu þar
og umhverfinu. „Þegar ég var að
alast upp var búið á átta bæjum í
Hnappadalnum, en núna eru þeir
bara þrír. Þetta er svæðið sem mót-
aði mig og ég vil lyfta minningu
fólksins í sveitinni minni með þess-
um skrifum,“ segir hann.
Óþekktur höfundur
Í bókinni er fjöldi mynda. Margar
þeirra eru eftir móðurbróður Reyn-
is sem fór snemma að taka mynd-
ir. Minningarskrif Magnúsar afa
Reynis eru birt í heild sinni í bók-
inni ásamt ýmsum öðrum merkum
heimildum. Reynir segir að óþekkt
kona hafi skráð þessar minningar
hans niður eftir honum, hún hafi
líklega unnið í heimilishjálp hjá
honum. Svo höfundur handritsins
er ekki þekktur, en þetta er góður
texti og birtist óbreyttur í bókinni.
Þar lýsir afi hans t.d. því þegar hann
er að vefa í vefstól átta ára gamall.
Ljósmyndir á vefinn
Næsta verkefni Reynis er sem
sagt að ganga frá vefsetningu um
1600 ljósmynda af verslunarhúsum
kaupfélaganna um land allt. Hann
hefur unnið að því verkefni ásamt
tveimur öðrum og fyrirhugað er að
fara í samstarf við Ljósmyndasafn
Reykjavíkur um rafræna birtingu
myndanna.
Athafnasamur
göngugarpur
Reynir hefur alltaf verið ötull
göngumaður enda höfundur
gönguleiðabóka eins og áður var
nefnt. Hann er enn í dag duglegur
við að hreyfa sig og gengur gjarn-
an ákveðna gönguleið í grennd
við heimili sitt í Hafnarfirði, fimm
kílómetra fram og til baka, leið sem
býður upp á golfvöll á aðra hlið
og hafið á hina. Þar finnst honum
gott að vera einn og láta hugann
reika. Það er engan bilbug að finna
á Reyni Ingibjartssyni þótt hann sé
kominn á níunda tuginn. Verkefnin
bíða handan við hornið.
gj
„Ég hef haft fyrir reglu að
þakka fyrir mig“
Reynir gefur út bók um Hraunholt í Hnappadal
Opna úr fyrstu minnisbókinni af sex,
þarna getur að líta minningar um
heyskap 1956. Minnisbækurnar eru
ritaðar á árinum 1952–1960.
Reynir með bókina.
Hraunholt. Húsið byggði Magnús móðurafi Reynis.
Garða- og
Saurbæjarprestakall
Þjóðhátíðardagurinn 17. júní
AKRANESKIRKJA
Hátíðarguðsþjónusta kl. 13
Sr. Þráinn Haraldsson þjónar
Védís Agla Reynisdóttir nýstúdent frá
FVA flytur ræðu
Hilmar Örn Agnarsson leikur á orgel
og Kór Akraneskirkju syngur

Hátíðarkaffi í Vinaminni kl. 14-17
Hátíðarkaffisala kirkjunefndar
Akraneskirkju. Verð kr. 2500 fyrir
fullorðna og kr. 500 fyrir börn
6-12 ára. Frítt fyrir 6 ára og yngri.
Athugið að enginn posi
er á svæðinu.