Skessuhorn - 15.06.2022, Blaðsíða 46

MIÐVIKUDAGUR 15. JÚNÍ 202246
Hvers saknarðu mest frá því í
gamla daga?
Spurning
vikunnar
(Spurt á Akranesi)
Sævar Jónsson
„Rúntsins á Skaganum.“
Guðmundur Einarsson
„Að vera laus við gsm síma og
internet.“
María Sigurjónsdóttir
„Sjónvarpslausu daganna á
fimmtudögum og í júlí.“
Stefán Jónsson
„Vídeóleigunnar.“
Einar Guðmundsson
„Sjónvarpslausu fimmtudag-
ana.“
Íþróttamaður vikunnar
Í þessum lið í blaðinu leggjum við
fyrir tíu spurningar til íþróttafólks
úr allskyns íþróttum á öllum aldri á
Vesturlandi. Íþróttamaður vikunn-
ar að þessu sinni er sjósundskonan
Björg Ágústsdóttir frá Grundar firði
þar sem hún er jafnframt bæjar-
stjóri.
Nafn: Björg Ágústsdóttir
Fjölskylduhagir: Gift Hermanni
Gíslasyni og eigum við Björgu
21 árs og Atla Ágúst 19 ára, tvö
tengdabörn og hundinn Húgó.
Hver eru þín helstu áhugamál:
Vinnan mín er svo fjölbreytt og
skemmtileg og í hana fléttast helstu
áhugamálin; samfélagþróun og
fólk. Þar fyrir utan finnst mér gam-
an að ferðast og upplifa nýja hluti,
sjóböð eru skemmtileg áskorun og
svo var ég að fá mér fjórhjól um
daginn – sem ég þarf að reyna að
nota dáldið.
Hvernig er venjulegur dagur hjá
þér um þessar mundir? Vinnan
tekur mestan part dagsins hjá mér,
nú erum við á fullu í framkvæmdum
sumarsins hjá Grundarfjarðarbæ og
síðan er ný bæjarstjórn og nefnd-
ir að taka við, sem er ákveðið nýtt
upphaf og verkefni. Það er lúxus að
ná góðum göngutúr með hundinn í
lok dags – og gott að láta draga sig
út, þegar maður hefði kannski ekki
annars nennt því.
Hverjir eru þínir helstu kostir og
gallar? Pass!
Hversu oft æfir þú í viku? Sjó-
sundið byrjaði ég í október 2020 – í
miðju Covid og ég hef haldið það út
í köldustu mánuðum ársins. Þetta
er samt meira sjóböð og busl, held-
ur en að synda langar vegalengd-
ir. Ég er nú ekki að fara oft í viku,
meira út frá veðri, sjávar föllum og
vinnutíma – en þetta er gott fyr-
ir andlega og líkamlega heilsu. Það
fylgir mikil slökun og vellíðan og
sjóböðin breyta miðstöðinni í lík-
amanum. Ég á síðan kannski eft-
ir að gerast stórtækari í að synda
langar vegalengdir.
Hver er þín fyrirmynd í íþrótt-
um? Dóttirin er fyrirmynd – hún
æfir crossfit og seiglan hennar og
úthald er eitthvað sem ég dáist
að. Flotta crossfit fólkið okkar og
frjálsíþróttafólkið okkar í fremstu
röð er það sem ég fylgist mest með
og dáist að.
Af hverju valdir þú sjósund? Oft
langað til að prófa og tók áskorun
vinkonu. Líka af því að mér fannst
það fjarstæðukennt að ég gæti það,
kuldinn er dáldið fráhrindandi í
byrjun. En það lagast – þetta er allt
í hausnum á manni.
Hver er fyndnastur af þeim sem
þú þekkir? Bryndís vinkona mín úr
Verzló.
Hvað er skemmtilegast og
leiðinlegast við þína íþrótt?
Skemmtilegast er félagsskapurinn,
spennan við að vaða út í kaldan sjó
og spjara sig í öldunum. Ég er síð-
an ekki nógu reynd í sundi langar
vegalengdir til að meta það, en við
sjóböðin er eiginlega ekkert leiðin-
legt – við förum þegar aðstæður eru
góðar og stemningin er alltaf góð.
Byrjaði að stunda sjósund í miðju Covid
Á laugardaginn mættust lið Reyn-
is Hellissands og KFB frá Álftanesi í
A riðli 4. deildar karla í knattspyrnu
og fór leikurinn fram á Ólafsvíkur-
velli. Liðin voru án sigurs í riðlinum
fyrir leik og því spurning hvort liðin
myndu ná sér í sín fyrstu stig í sum-
ar. Eina mark fyrri hálfleiks skoraði
Elías Kári Huldarsson fyrir gestina á
35. mínútu og staðan 0-1 fyrir KFB.
Gamla brýnið Aron Baldursson,
sem verður fertugur á næsta ári,
varð fyrir því óláni í byrjun seinni
hálfleiks að skora sjálfsmark fyrir
Reyni en Kristófer Máni Atlason
var snöggur til að minnka muninn
fyrir Reyni þremur mínútum síð-
ar og spenna komin í leikinn. En
þeir Skarphéðinn Haukur Lýðs-
son og Sigurður Dagur Þormóðs-
son sáu til þess að gestirnir fóru
heim með stigin þrjú með tveimur
mörkum á síðasta korteri leiksins,
lokastaðan 1-4 fyrir Álftnesinga.
Reynismenn eru því enn án
stiga í riðlinum eftir fjóra leiki
og sitja ásamt Herði frá Ísafirði
í neðsta sæti með markatöluna
5-30. Næsti leikur Reynis er
þriðjudaginn 21. júní gegn Kríu
á Vivaldivellinum á Seltjarnarnesi
og hefst klukkan 20. vaks
Íslandsmótið í MX mótorkrossi
var haldið á braut Mótorkross-
klúbbs Snæfellsbæjar utan Enn-
is síðastliðinn laugardag. Alls voru
70 keppendur víða af landinu sem
tóku þátt í þessari keppni, bæði í
kvenna- og karlaflokki, en yngstu
keppendur voru tíu ára gamlir.
Stóðu þeir sig frábærlega og eiga
svo sannarlega framtíðina fyrir sér
í þessari erfiðu íþrótt. Vel er gætt
að öryggi keppenda og er öryggis-
búnaður þeirra mikill.
Keppt var í átta flokkum og
keyrðar þrjár „moto,“ en hvert
moto er 12 mínútur og tveir
hringir. Að sögn Janusar Jónssonar
formanns Mótorkrossklúbbs Snæ-
fellsbæjar gekk mótið vel í alla staði
og mikil og skemmtileg stemn-
ing var meðal áhorfenda og kepp-
enda. Janus sagði enn fremur að
keppendur hafi verið ánægðir með
keppnina og alla skipulagningu
jafnt sem gestrisni heimamanna.
Sundlaugin var opin fram eftir fyr-
ir keppendur svo þeir gætu þveg-
ið sig eftir keppnina og slappað af
í heitu pottunum. Vill Janus þakka
þeim sem lögðu þessari keppni lið
fyrir þeirra framlag.
af
Yngsti hópurinn á verðlaunapalli.
Íslandsmótið í MX mótorkrossi
fór fram á Snæfellsnesi
Í MX1 (stærsta flokknum) var Einar Sverrir Sigurðarson í fyrsta sæti, Oddur Jarl
Haraldsson í öðru og Arnar Elí Benjamínsson í þriðja.
Spennan leynir sér ekki meðal yngstu keppenda.
Heiðar Örn Sverrisson og Eiður Orri Pálmarsson í hörku keppni.
Úr leik Reynis og KFB á laugardaginn. Ljósm. af
Reynir Hellissandi enn án sigurs