Skessuhorn - 15.06.2022, Blaðsíða 29

MIÐVIKUDAGUR 15. JÚNÍ 2022 29
Gamla myndin
Í tilefni þess að á næsta ári
fagnar Skessuhorn 25 ára
starfsafmæli sínu hefur
ritstjórn blaðsins aðeins verið
að grúska ofan í gömlum
myndakössum sem geyma
myndir fyrir og í kringum
síðustu aldamót. Mynd
vikunnar er frá árinu 2004
og er tekin á Írskum dögum
á Akranesi sem eru ávallt
haldnir í byrjun júlí ár hvert.
Þarna má sjá sigurvegarana í
sandkastalakeppni sem haldin
var á Langasandi þetta ár.
Starfshópur sem Svandís Svavars-
dóttir matvælaráðherra skipaði í
lok síðasta árs til að skoða starf-
semi, regluverk, eftirlit og löggjöf
í kringum blóðtöku úr fylfullum
hryssum hefur skilað skýrslu sinni.
Í henni er rýnt í umfang starfsem-
innar; eftirlit, dýravelferð, löggjöf,
sjónarmið hagaðila og tillögur sett-
ar um framhaldið.
Í skýrslunni kemur fram að
lagaumgjörðin um blóðtöku úr
fylfullum hryssum sé afar óljós og
ekki viðunandi þar sem um nokkuð
umfangsmikla og umdeilda starf-
semi er að ræða. Það er mat starfs-
hópsins að lagaheimild sé til staðar
til að starfsemin sé gerð leyfisskyld
og því ekki þörf á lagabreyting-
um til að svo megi verða. Á grund-
velli skýrslunnar hefur matvælaráð-
herra ákveðið að setja reglugerð
um starfsemina sem mun gilda til
þriggja ára. Í reglugerðinni verð-
ur skýrt kveðið á um hvaða skilyrði
starfsemin þarf að uppfylla og jafn-
framt að starfsemin sé leyfisskyld.
Með setningu slíkrar reglu-
gerðar yrði hin óljósa réttarstaða
þessarar starfsemi færð til betri
vegar. Gildistími reglugerðar-
innar verður nýttur til að fylgjast
með framkvæmd starfseminnar og
leggja mat á framtíð hennar. Sam-
hliða telur matvælaráðherra rétt að
efna til sérstakrar umfjöllunar um
siðferðis leg álitamál tengd starf-
seminni. Með því að setja reglu-
gerð af þessu tagi verður skýrt að
starfsemin sé leyfisskyld og háð
skilyrðum og jafnframt að hún fell-
ur ekki undir ákvæði reglugerðar
nr. 460/2017, um dýr sem notuð
eru í vísindaskyni.
Líkt og fram kemur í skýrslunni
munu skilyrði reglugerðarinnar
byggja á sömu skilyrðum og Mat-
vælastofnun setur nú. Hópurinn
leggur einnig til að þau verði hert
m.a. með tilliti til þeirra sjónarmiða
sem fram komu hjá hagaðilum og
öðrum sem starfshópurinn ræddi
við. Setja þarf ítarlegri ákvæði um
aðbúnað og aðstöðu, eftirlit með
ástandi hrossa varðandi heilbrigði,
hófhirðu og skapgerðarmat, vinnu-
aðferðir við blóðtökuna sjálfa og
um innra og ytra eftirlit með henni.
Þá telur hópurinn nauðsynlegt
að óháður aðili, svo sem Tilrauna-
stöðin á Keldum, sannreyni mæl-
ingar á blóðbúskap hryssnanna
að minnsta kosti tímabundið.
Nauðsynlegt er einnig að skilyrði
verði sett um aldursbil hryssna í
blóðtöku, hámarksfjölda í stóðum
og hámarksfjölda sem dýralækn-
ir má hafa umsjón með í blóðtöku.
Þá er eðlilegt að aðstoðarmaður
undir stjórn dýralæknis sé til stað-
ar við hvern blóðtökubás til að geta
brugðist skjótt við ef vandamál
koma upp. Hópurinn leggur einnig
til að ekki verði leyfilegt að notast
við framleiðslukerfi sem hvetur til
og byggir á magnframleiðslu enda
geti það stefnt velferð dýranna í
hættu. mm
Lionsklúbbarnir í Snæfells-
bæ; Rán, Þerna, Nesþinga og
Ólafsvíkur, afhentu á dögun-
um ómskoðunartæki í sjúkrabif-
reið HVE í Snæfellsbæ. Tækið
er af gerðinni Wellue EagleVi-
ew og nýtist gjöfin í bráðatilfell-
um sem og almennum sjúkra-
flutningum, en tæki þetta gerir
sjúkraflutningafólki kleift að óma
hjarta, lungu, æðar og innvortis
blæðingar svo dæmi séu tekin en
tæki sem þetta var ekki áður til í
tækjabúnaði sjúkraflutningafólks í
Snæfellsbæ. Það voru fulltrúar frá
félögunum fjórum sem afhentu
gjöfina.
Á myndinni eru frá vinstri: Lára
Hallveig Lárusdóttir, Ari Bjarna-
son, Magnús Guðni Emanúels-
son, Steinunn Júlíusdóttir, Krist-
inn Jón Friðþjófsson, Patryk
Zolobow, Hlynur Hafsteinsson og
Aníta Agnes Halldórsdóttir.
þa/ Ljósm. Hafsteinn Þórarinn
Björnsson
Ómskoðunartæki
gefið í sjúkrabíla í
Snæfellsbæ
Skýrsla um blóðtöku úr fylfullum hryssum