Skessuhorn - 15.06.2022, Side 22

MIÐVIKUDAGUR 15. JÚNÍ 202222
Spretthópur, sem matvælaráðherra
skipaði vegna alvarlegrar stöðu í
matvælaframleiðslu á Íslandi, hef-
ur nú skilað tillögum sínum og voru
þær lagðar fyrir ríkisstjórn í gær-
morgun. „Ljóst er að bregðast þarf
við þeim aðstæðum sem uppi eru
vegna verðhækkana á helstu aðföng-
um í kjölfar innrásar Rússa í Úkra-
ínu. Sú þróun hefur haft og mun
hafa alvarleg áhrif á rekstur bænda.
Framboð á innlendri vöru getur því
dregist saman á næstunni með til-
heyrandi áhrifum á fæðuöryggi,“
segir í tilkynningu frá matvælaráðu-
neytinu.
Skýrslan fjallar um áhrif verð-
hækkana á ólíkar búgreinar, við-
námsþrótt þeirra, þróun á markaði
það sem af er ári og líkleg áhrif þess
ef stjórnvöld aðhafast ekkert. Mið-
að við þau gögn sem hópurinn hafði
til að vinna úr bendir allt til þess að
staða sauðfjárræktar og nautakjöts-
framleiðslu sé verst. „Þessi vandi
er alþjóðlegur og ekki bundinn við
Ísland. Því hafa fleiri lönd stutt við
matvælaframleiðslu, þ.m.t. flest
þeirra landa sem við berum okk-
ur saman við. Í vinnu spretthóps-
ins var farið yfir viðbrögð annarra
ríkja við þróuninni sem og aðgerð-
ir stjórnvalda í upphafi árs og fram-
tíðarhorfur greinarinnar hér á landi.
Tillögur eru lagðar fram að aðgerð-
um til stuðnings bænda sem hafa
orðið fyrir mestri kostnaðarhækk-
un að undanförnu. Þær eru í formi
beinna styrkja og umbóta sem yrðu
til þess fallnar að styðja við bændur
tímabundið en jafnframt er horft til
þess að auka viðnámsþrótt greinar-
innar og tryggja eftir föngum fæðu-
öryggi þjóðarinnar.“
Með fyrirvara um þá óvissu sem
ríkir um þróun næstu mánaða má
ætla að rekstrarkostnaður landbún-
aðar árið 2022 hafi hækkað um 8.900
milljónir vegna hækkana á áburði,
kjarnfóðri, olíu og rúllu plasti. Þar
af hækkar áburður um 3.000 millj-
ónir, fóður um 4.500 milljónir og
olía og plast um 1.400 milljón-
ir. Nú þegar hefur verið komið til
móts við hækkun á áburðarkostnaði
sem nemur 650 milljónum. Áætlað
er að hækkanir á afurðaverði, sem
þegar eru komnar fram, muni skila
um 3.600 milljónum í auknum tekj-
um á þessu ári. Eftir stendur kostn-
aðarauki upp á 4.650 milljónir en
auk þessa hækka flestir aðrir kostn-
aðarliðir verulega milli ára. Þess-
ar verðhækkanir hafa þegar veikt
rekstrargrundvöll bænda mjög mik-
ið og dregið úr framleiðsluvilja.
Í tillögum hópsins er lagt til að
ríkið komi til móts við þessar verð-
hækkanir með 2.460 milljóna króna
stuðningi á árinu 2022. „Ætla má að
greinin sjálf, afurðafyrirtæki, versl-
unin og neytendur eigi eftir að tak-
ast á við kostnaðarauka af svipaðri
stærðargráðu.“
Tillögur spretthópsins eru í
sex liðum fyrir árið 2022. Í fjór-
um þeirra er lagt til að greitt verði
álag á ákveðnar greiðslur samkvæmt
gildandi búvörusamningum, sam-
tals 2.460 milljónir króna. Um er
að ræða greiðslur samkvæmt öllum
búvörusamningunum fjórum auk
þess sem 450 milljónir eru ætlað-
ar til stuðnings svína-, alifugla- og
eggjaframleiðslu þar sem ekki er um
slíka samninga að ræða. Kostnaður
við aðgerðirnar er áætlaður 0,07%
af landsframleiðslu sem er viðbót
við aðgerðir í upphafi árs sem námu
0,02%.
Jafnframt er lagt til að kjötafurða-
fyrirtækjum verði veitt tímabund-
in heimild til samstarfs með það að
markmiði að hvetja til hagræðingar
innan geirans. Heimildin yrði
bundin ákveðnum skilyrðum sem
lagt er til að verði unnin í samráði
við Samkeppniseftirlitið. Þá er lagt
til að komið verði á sérstökum vakt-
hópi um fæðuöryggi.
Til viðbótar leggur hópurinn
fram átta tillögur að aðgerðum
sem miðast við lengra tímabil. Þær
snerta m.a. neyðarbirgðahald, efl-
ingu grænmetisframleiðslu, korn-
ræktar, jarðræktarrannsókna, líf-
ræna framleiðslu og aukið fæðuör-
yggi landsins. mm
Norðurálsmótið á Akranesi verð-
ur haldið dagana 16.-19. júní.
Mótið er fyrir 7. flokk drengja og
hefst það 17. júní og lýkur sunnu-
daginn 19. júní. Einnig er mót fyr-
ir 8. flokk drengja og stúlkna sem
fram fer á morgun, fimmtudaginn
16. júní, og er þar spilaður fimm
manna bolti. Þátttaka á Norðuráls-
mótinu í ár er mikil en skráðir þátt-
takendur eru alls um 1.650. Hlini
Baldursson er skrifstofu- og verk-
efnastjóri Knattspyrnufélags ÍA og
segir hann í samtali við Skessuhorn
að undirbúningur vegna móts-
ins hafi gengið vel og mikil og góð
breyting frá mótunum í fyrra og
árinu áður þegar fjöldatakmarkan-
ir voru í gangi.
Fyrir tveimur árum var ÍA með í
fyrsta skipti aukadag fyrir 8. flokk
drengja og stúlkna og segir Hlini
að það sé að mælast vel fyrir hjá
félögunum og að það sé töluverð
aukning í ár á þessu móti frá því í
fyrra. Varðandi mönnun og vakt-
ir á mótinu segir Hlini að það séu
gríðarlega mörg störf sem koma að
einu svona móti og það hafi bara
gengið nokkuð vel að manna þetta:
„En við búum einnig svo vel hérna
á Akranesi að aðildarfélög inn-
an Íþróttabandalagsins koma og
hjálpa okkur að manna þær vaktir
sem vantar upp á.“
Hlini segir að lokum að mótið í ár
sé svipað og í fyrra. Iðkendur verða
í kringum 1.150 í 7. flokks mótinu
og yfir 500 í 8. flokks mótinu og
við þetta bætast um 200 þjálfarar
og liðsstjórar. Þá er töluverð aukn-
ing í skráningu á tjaldsvæðunum
sem Knattspyrnufélag ÍA sér um.
Það er því ljóst að það verður mik-
ið fjör á Akranesi um næstu helgi á
Norðuráls mótinu. vaks
Þórarinn Torfi Finnbogason gaf út
nýverið út plötu en hann er 45 ára
fjölskyldufaðir frá Hvanneyri. Plat-
an heitir Snjóarumvor og er hún
komin út á Spotify, Youtube og
Bandcamp. Þórarinn segir plötuna
vera fjölbreytta en á henni má
finna pop, funk, boogie og eitthvað
skrítið eins og hann segir sjálfur.
Hann semur sjálfur lög og texta
en fjalla verkin um hina ýmsu ætt-
ingja. Þórarinn nýtur svo stuðnings
frá söngkonunum Evu Símonar-
dóttur og Ölmu Hlín Þórarins-
dóttur, eiginkonu sinni og dóttur,
ásamt tónlistarmönnum úr héraði
sem aðstoðuðu við hljóðfæraleik
og upptökur. Platan er hliðarverk-
efni hjá Þórarni sem starfar annars
sem húsvörður í Grunnskólanum í
Borgarnesi. sþ
Fyrir nokkru auglýsti Heilbrigðis-
stofnun Vesturlands eftir læknum
til starfa við heilsugæslustöðina
í Borgarnesi og rann umsóknar-
frestur út sl. mánudagskvöld. Fram
að þessu hafa ekki borist umsókn-
ir þrátt fyrir ítrekaðar auglýs-
ingar, en þau gleðitíðindi urðu nú
að tvær umsóknir bárust. Að sögn
Jóhönnu Fjólu Jóhannesdóttur for-
stjóra HVE verður kapp lagt á að
ganga frá ráðningu þeirra á næstu
dögum og mun annar læknirinn
geta hafið störf 1. september en
hinn nokkru síðar, líklega um ára-
mót. Vafalaust verða íbúar á starfs-
svæði Heilsugæslunnar í Borgar-
nesi ánægðir með þessu jákvæðu
tíðindi.
gj
Norðurálsmótið fer fram um helgina á Akranesi.
Norðurálsmótið í
knattspyrnu verður
um helgina
Heilsugæslustöðin í Borgarnesi. Ljósm. gj.
Tveir læknar hafa sótt
um vinnu í Borgarnesi
Plötuumslag Snjóarumvor.
Torfi F gefur
út plötu
Hálfur þriðji milljarður til að mæta
alvarlegri stöðu í landbúnaði