Norræn jól : ársrit Norræna félagsins - 01.12.1944, Qupperneq 8

Norrœn jól
norræn hreyfing. En allir þeir, er hafa getað fylgzt með þessum málum, munu nú hafa
sannfærzt um, að hér hafi ekki verið um neina andnorræna hreyfingu að ræða, heidur
aðeins einlæga og ákveðna frelsisþrá, ósk um að fá að lifa frjáls og óháður án yfir-
drottnunar, þrá sama eðlis og ríkir meðal allra annarra norrænna þjóða. Enda hefur
forseti landsins, Alþingi og ríkisstjórn lýst opinberlcga yfir vilja íslenzku þjóðarinnar
til norræns samstarfs og vináttu í garð hinna norrænu þjóðanna. í ræðu sinni að Lög-
bergi 17. júní lagði hinn nýkjörni forseti, Sveinn Björnsson, einmitt áherzlu á vilja vorn
til norræns samstarfs og vináttu vora í garð hinna Norðurlandaþjóðanna. Það, að vér
Islendingar getum nú, þó að við séum fæstir, komið fram sem jafningjar hinna Norður-
landaþjóðanna á vettvangi norrænnar samvinnu ætti sízt af öllu að draga úr vilja okkar
til norræns samstarfs, heldur öllu heldur að efla þann vilja. Það getum við verið fullviss
um, að fullkomið sjálfstæði okkar verður á engan hátt til þess að torvelda samvinnu
okkar og sambúð við hin Norðurlöndin. Flestir Islendingar munu líka hafa sannfærzt
um. er heillaskeyti konungsins til íslenzku þjóðarinnar var lesið upp á Þingvöllum 17.
júní, og þeir kynntust þeim mikla fögnuði, er sú kveðja olli meðal íslenzku þjóðarinnar,
að sambandsslitin valda engum friðslitum. Jafnrétti hlýtur líka að vera einn af hyrningar-
steinum heiðarlegrar og traustrar samvinnu þjóða á milli. — Með þeirri ósk og von, að
ei verði nú langt að bíða, að vér getum tekið upp að nýju náið samstarf við allar bræðra-
þjóðirnar á Norðurlöndum, óska ég öllum lesendum ..Norrænna jóla“ gleðilegra jóla!
Ritst j órinn.