Norræn jól : ársrit Norræna félagsins - 01.12.1944, Side 59

Norrœn jól
starfsemi hvers konar og munu um
þær mundir hafa staðið einna
fremst þjóða í Norðurálfu í
þeim efnum. Voru framlög
Finna til þeirra mála ærið
ríkuleg miðað við efnahag þjóð-
arinnar og opinberar tekjur. Það
var vorhugur í fólkinu, Finnum
jafnt sem Sænsk-Finnum, ekki
ólíkt því, sem kenna mátti hér á
landi eftir að fullveldið var fengið
1918. En á bak við áræði, framtak
og bjartsýni, varð ég hvað eftir
annað var við það, að það fólst
eins og einhver uggur um fram-
tíðina. Það var hinn voldugi ná-
granni í austri, Sovét-Rússland,
sem olli þessum ugg. Gott eigið
þið að vera eyja úti í hafinu með
alla nagranna 1 nokkurri fjarlægð! Viborgarkastalinn; varnarvirki Finna gegn airstri
Þetta og þessu líkt var hvað eftir
annað sagt við mig. Nú er sá uggur löngu fram kominn og með þeim atburðum
fyrir Finnland, sem allir vinir þess myndu hafa kosið, að hefðu orðið allir aðrir.
Þegar ég fór úr Finnlandi hafði ég að vísu ekki gert svo víðreist um önnur
lönd, að ég hefði margt til samanburðar. Hefur mér síðan gefizt nokkur kostur
að bæta þar dálítið um. Ég fór með hugann fullan af hlýju og velvildarhug til
lands og þjóðar, sem engum skugga hefur slegið á síðan, og ákafri löngun til þess
að verða þess öðru sinni umkominn að heimsækja Finnland á ný. Sama máli
gegnir og um það, að mig hefur tekið helsárt að heyra um ófarir Finnlands og
örðugleika. Það er skortur á kynnum á Finnlandi og Finnum, þá er menn gera
sér í hugarlund, að þeir séu oss Norðurlandabúum fjarlægir, ólíkir og óviðkom-
andi. Hin menningarlegu tengsl hafa of lengi legið í vestur til þess að svo sé.
Það er málið eitt, sem skilur, ekki menning, lífsviðhorf og hugsunarháttur. Hitt
er svo annað mál, að lega Finnlands og hernaðarlegt uppeldi þjóðarinnar hefur
57