Norræn jól : ársrit Norræna félagsins - 01.12.1944, Blaðsíða 78

Norræna félagið
Starf þess á árinu
NORRÆNA félagið hefur á þessu ári, sem er að líða, starfað á líkan hátt og’
undanfarið, þótt starf þess hafi ekki verið .iafnfjölbreytt og umfangsmikið og
næsta ár á undan, en þá hafði félagið allumfangsmikla leikstarfsemi,
Norræn jól komu út rétt fyrir jólin, eins og venja hefur verið, og voru mjög
svipuð að efni og útliti og verið hefur. Útgáfa þessa rits er mjög dýr, kostaði síðastl.
ár rúm 18 þús. krónur, svo það er allmiklum erfiðleikum háð að láta félagsmenn fá
ritið án sérstakrar greiðslu fyrir ritið, því ársgjaldið er ekki hátt. En til þess að geta
haldið útgáfu ritsins áfram ákvað síðasti aðalfundur að hækka ársgjaldið um 5 kr.. í
20,00. Af þessu er ljóst að ekki er mikið afgangs af árgjöldunum, þó þau séu 20 krónur
og félagsmenn 1200, þegar búið er að grciða útgáfukostnað ritsins, senda það til félags-
manna á öllu landinu, og greiða innheimtulaun og burðargjald undir ritið. Ef afgangur
verður af árgjaldinu, þegar ritið og ýms önnur nauðsynleg útgjöld eru greidd, mun
hann látinn rcnna í byggingarsjóð „Norrænu hallarinnar“, cnda er félaginu nauðsyn að
koma henni upp sem fyrst. Ritstjóri „Norrænna jóla“ var Guðl. Rósinkranz eins og að
undanförnu.
Veizlan á Sólhaugum var tekin upp aftur síðastliðið haust og sýnd sex
sinnum fyrir fullu húsi. Uppgjöri fyrir leiksýningarnar er nú lokið og búið að selja
alla búningana, sem Þjóðleikhúsið keypti, en lciktjöldin keypti Leikfélag Hafnarfjarðar.
Þegar allt er uppgert og selt, er um 700 kr. hagur af leiksýningunum, og má það heita
mjög gott, þar sem svo mjög var til leiksýninganna vandað og ckkert til sparað að gera
þær sem bezt úr garði og glæsilegastar, og 6000 krónur af tekium sýninganna gengu í
Noregssöfnunina.
25 ára afmæli Norrænu félaganna var hátíðlegt haldið með samkvæmi
að Hótel Borg þann 3. marz, norrænum hljómleikum í Gamla Bíó þann 5. marz og
útvarpsdagskrá einnig þann 5. marz. Þann 1. marz í ár voru 25 ár liðin frá því að fyrsta
deild Norræna félagsins, félagið í Svíþjóð, var stofnað. í tilefni af þessu minntist félagið
76