Veiðimaðurinn - 01.12.1995, Blaðsíða 55

að þeir beri ekki smit á milli. Geta má þess
að veiði og rannsóknartæki Veiðimála-
stofnunar eru sótthreinsuð þegar þau eru
flutt milli vatnakerfa. Laxahrogn, sem not-
uð eru sem beita, eru einnig varasöm og
geta hæglega borið með sér smit. Stanga-
veiðimenn ættu því að hætta algerlega að
nota þau en í því sambandi er vert að
minna á að kýlaveiki getur einnig lagst á
silung.
Ár og vötn þar sem þéttleiki fisks er
mikill og vatnshiti verður hár og vatnsstaða
lækkar mikið eru líkleg til að verða verst
úti vegna kýlaveiki, berist þangað smit, ef
litið er til reynslu erlendis frá.
Síðustu ár hefur færst í vöxt að menn
girði af ár eða hluta þeirra og flytji þangað
fisk gjarnan lax úr hafbeitarstöð. Slíkt er
afar varasamt þar sem fiskur sem gengur úr
hafi getur borið með sér sjúkdóma. Ef slík-
um fiski er sleppt í vatnakerfi þar sem nátt-
úrulegur fiskur er fyrir stafar að auki mikil
hætta af aðkomufiskinum vegna erfða-
blöndunar. Slíkir flutningar ættu því að
vera bannaðir með öllu í vatnakerfi þar
sem fyrir eru náttúrulegir veiðistofnar. í
þessu sambandi er ekki úr vegi að staldra
við og spyrja hverju menn séu að sækjast
eftir í veiði. Vilja menn veiða náttúrulegan
fisk í ósnortnu umhverfi eða alinn fisk í
girðingu? Eflaust eiga báðir möguleikar
rétt á sér, en fyrri kostinn velja fleiri og
meta hann verðmeiri. Þar sem boðið er
upp á alifiskinn verður að búa svo um hnút-
ana að ekki sé gengið á íslenska náttúru.
Skylda þeirra sem stunda slíka iðju ætti að
vera sú að þeir valdi ekki skaða á náttúru-
legum stofnum, hvorki erfðafræðilega,
sjúkdómalega né með gönguhindrunum.
Slíkra sannanna ættu yfirvöld að krefjast
sem leyfin veita.
Að eiga kost á að veiða náttúrulegan fisk
í ósnortnu umhverfi eru mikil forréttindi,
þar sem slíkum möguleikum fer hraðfækk-
andi í veröldinni. Við ættum því að leggja allt
kapp á að skaða ekki íslenskar ár og vötn og
fiskstofna þeirra með gerðum okkar.
Höfundur er sérfræðingur
á Veiðimálastofnun
STYRKIR ÚR FISKRÆKTARSJÓÐ11995 Upphæð í Styrkþegi Verkefni þús.kr.
Veiðimálastofnun Gæði gönguseiða í fiskrækt 6.470
Veiðimálastofnun Gildruveiði og merking náttúrulegra gönguseiða 1.000
Veiðimálastofnun Mat á töku lax í hafbeitarstöð við Breiðafjörð 1.000
Veiðimálastofnun Smáseiðasleppingar ofan fossa 600
Veiðimálastofnun Árangur af sleppingu haustseiða 600
Veiðimálastofnun Rannsóknir á göngum sjóbirtings 600
Alþ .laxakvótanefndin Kaup á laxakvóta í N-Atlantshafi 6.000
Veiðifélag Kjósarhr. Eldisaðstaða í Brynjudal 350
Veiðifélag Selár Brúarsmíði á Selá 300
Veiðifél.Skjálfandafl. Framkvæmdir við Hrúteyjarkvísl 150
Veiðifélag Fnjóskár Sleppitjarnir við Fnjóská 150
Veiðif. Gljúfurár, Hún. Kaup á laxateljara 250
Veiðifél. Mýrarkvíslar Laxastigi 250
Jón Kristjánss. vlíffr. Smíði sérbúins vatnaveiðibáts 250
Samtals 17.970
VEIÐIMAÐURINN
55