Veiðimaðurinn - 01.12.1995, Blaðsíða 73

FISKISLIPA
VEKNMANNSWS
Á jólum fá flestir nóg af stórsteikum,
hangikjöti, sætabrauði og öðru þungmeti.
Því er tilvalið að breyta aðeins út af venj-
unni og efna einhvern hátíðardaginn í dýr-
indis fiskisúpu sem jafnvel húsbóndinn á
heimilinu ræður við að elda.
Vonandi er ég ekki að seilast inn á sér-
svið annarra þótt ég greini frá uppskrift að
fiskisúpu sem ég fékk í veiðiferð með
nafnkunnum veiði- og tónlistarmanni fyrir
austan. Segja má að hún hafi verið leikin af
fingrum fram í veiðihúsinu við árbakkann
og hver og einn hafi nokkurt frjálsræði til
að „improvisera“.
Ovönum matreiðslumönnum er ráðlagt
að gefa sér nægan tíma, vera iðnir við að
smakka og víkja aldrei frá pottinum. Eigi
súpan að verða tilbúin klukkan sex þykir
mér hæfilegt að byrja að elda klukkan eitt.
Þess ber að minnast að súpa er gjarnan best
upphituð, jafnvel daginn eftir en á fimm
klukkustundum næst að hita hana marg-
sinnis, sama daginn. Hér er mín útgáfa.
Til þess að hafa eitthvað áþreifanlegt í
höndunum tökum við, óvaningar og fá-
kunnandi, pakka af Bergensfiskisúpu og
förum eftir leiðarvísi á bakhlið. Þessi byrj-
un veitir ákveðna öryggistilfinningu.
Þótt þetta eigi áfram að vera fiskisúpa er
gott að hafa af henni daufan grænmetis-
keim.
Tvær þykkar sneiðar eru skornar úr
miðjum stórum lauki. Nokkur smáknippi
af blómkáli skorin niður.
Tveir þunnir þverskurðir af meðalstór-
um hvítkálshaus eru saxaðir í smátt.
Tvær vænar gulrætur klofnar í fernt að
endilöngu og lengjurnar brytjaðar í örlitla
bita.
Grænmetið er sett í pottinn, bætt í hálf-
um lítra af vatni og hálfum af mysu og tveir
fiskteningar settir saman við. Suðan látin
koma upp.
Þá kernur að því sem sumir undrast. Til
viðbótar er látið stórt stykki af gráðaosti.
Þeir sem óttast bragðstyrkinn, sem reynd-
ar er alger óþarfi, geta notað jafnþyngd af
Dalayrju. Ostinum er hrært vel saman við
og látið malla góða stund.
Nú er komið að fyrsta smakki. Þótt fiski-
súpa eigi ekki að vera bragðsterk þarf þessi
lögur að vera nægilega kröftugur til að
krydda fiskinn sem síðar kemur til sögunnar.
Því næst er komið að rjómanum. Lág-
mark hálfum lítra hellt út í og ekkert vera
að hugsa um hitaeiningar. Rjóminn mýkir
réttinn og gerir hann að því ljúfmeti sem
annað efni leggur grunninn að. Á móti
hálfum lítra af rjóma finnst mér óhætt að
setja einn tening til viðbótar. Hér ríður á
að smakka vel og séu menn sáttir við
bragðið er lokið sett á pottinn og látið
krauma 1-e-n-g-i.
Meðan bragðefnin samlagast í suðunni
þarf að flaka fiskinn sem er aðal súpunnar.
Um er að velja lax eða silung. Á sumrin er
sjálfgefið að nota nýmeti beint upp úr ánni.
Um jólaleytið verður að velja á milli fros-
VEIÐIMAÐURINN
73