Arkitektúr og skipulag - 01.04.1992, Side 44

Arkitektúr og skipulag - 01.04.1992, Side 44
endurmats sem hefur átt sér stað varðandi borgarskipulag. Hið móderníska viðhorf til skipu- lags og byggðarþróunar byggir á altækri yfirsýn og hefur að markmiði að skapa rými sem er skynsamlegt, hagkvæmt, aðlagað félagslegum þörfum og miðað við skynsamlega uppbyggingu þjóðfélagsins. Postmódernísk viðhorf aftur á móti miðast fyrst og fremst við stórborgarlífið í öllum sínum margbreytileika eins og það kemur fyrir sjónir í dag. Litið er á borgina sem marglitt teppi, ofið úr mörgum þráðum sem ómögulegt er að rekja í sundur, eða þá sem púsluspil gert úr ótal brotum af ólíkum sögulegum uppruna. Það er engin leið að hafa yfirsýn yfir borgina, nema í brotum, frá tilteknum sjónarhóli. I staðinn fyrir yfirsýn má kannski tala um götusýn. Þetta kallar á eitthvað sem mætti nefna umhverfishönnun, frekar en skipulag, sem miðar að því að taka tillit til byggingarhefða, upprunalegs útlits og sögulegs bakgrunns, vernda gömul hús, varðveita sögu götunnar og hlúa, að götulífinu. Þetta kemur m.a. fram í endurnýjun gamalla húsa, almenningssvæðum sem leggja upp úr sjónarspilinu, litríku og skemmtilegu umhverfi, eða þá ábúðarmiklu og mónúmental, o.s.frv. Frekar en að samræma þarfir einstaklinga til að skapa skilvirka heild, er leitast við að sinna þörfum og óskum afmarkaðra hópa eða samfélaga, eins og t.d. samfélags tiltekinnar götu. Þetta kallar á skilyrta hönnun og sveigjanlega framleiðsluhætti, til að geta framleitt einingar sem eru hannaðar með eina sérstaka notkun í huga eða höfða til óska tiltekins afmarkaðs hóps við- skiptavina. Módernisminn í skipulagi ein- kenndist af mjög sterku siðferðilegu gildismati sem erfitt gat reynst að mæla á móti. Hagsmunir heildarinnar höfðu algjöran forgang og allar þarfir voru sundurgreindar til að geta fundið sem rökvísasta og hagkvæmasta „lausn” fyrir sem flesta. En lausnirnar hafa ekki reynst eins vel og til stóð, skynsemin ein sér nægir ekki. Því hafa sumir brugðið á það ráð að reyna að læra af borginni eins og hún kemur fyrir, frekar en að segja henni fyrir um hvernig hún eigi að vera. Postmódernísk viðhorf til skipulags hafa ekki endilega nein sérstök félagsleg markmið í huga. Það er ekki spurt um félagslega réttlætingu, í nafni skynsemi og hagkvæmni, estetísk markmið nægja. TÍMI Módernistar á fyrri hluta aldarinn- ar höfðu skýra afstöðu gagnvart bæði fortíð og framtíð, sem má lýsa í fáum orðum á þessa leið: Nútíminn felur í sér möguleika sem er á okkar valdi að nýta. En umhverfið er að mestu leyti mótað af aðstæðum sem tilheyra fortíðinni. Leifar fortíðarinnar eru því dragbítur á framfarir. Með því að byggja í stíl við fortíðina er verið að bregðast samtímanum. Framtíðin hefur forgang, 42

x

Arkitektúr og skipulag

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Arkitektúr og skipulag
https://timarit.is/publication/1783

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.