AVS. Arkitektúr verktækni skipulag - 01.03.1994, Qupperneq 28

ÚTRÁS FRÁ GELDINGANESI
Austasta útrásin er frá Geldinganesi og tekur hún
viðfrárennsli frá íbúðabyggð í Grafarvogi og Borgar-
holti auk þess sem gert er ráð fyrir að hún muni í
framtíðinni nýtast fyrirhuguðum byggingarsvæðum í
Geldinganesi og Hamrahlíðum, austan Vesturlands-
vegar.
Reiknað er með að framlengja núverandi lögn þannig
að hún liggi um Gufuneshöfða norðanverðan þar sem
reist verður dælustöð og áfram yfir fyrrverandi ösku-
hauga.
Meðfram Leiruvogi sunnanverðum verður lagt snið-
ræsi sem flytja mun frárennsli frá nyrðri hluta Borgar-
holtshverfa auk þess sem með lagningu þess opnast
möguieikar fyrir Mosfellsbæ að tengjast ræsakerfinu.
Þessar lagnir sameinast við Eiðið þaðan sem þær
verða framlengdar út í Geldinganes en þar er síðan
fyrirhugað að reisa dælu- og hreinsistöð þar sem
skólpið verður síað áður en því er sleppt út, 2-3 km
frá landi á 20-25 metra dýpi.
Kostnaður við framkvæmdir á þessu svæði fram-
reiknaður til núverandi verðlags er um 150 mkr. og
Ræsakerfið sem tengist dælu-og hreinsistöð í Laugarnesi.
Dælustöð
■ Lokið í ársbyrjun 1994
■■ Ólokið
Viðey
Geldinganes
Ræsakerfi í Grafarvogi og á Geldinganesi.
Dælustöð
Engey
Viðey
gert er ráð fyrir að kerfið allt muni kosta um 1.250
mkr.
ÚTRÁS FRÁ LAUGARNESI
Árið 1980 var hafist handa við framlengingu Voga-
ræsis í átt að Smábátahöfninni og 1985 var fyrsta
stóra skólpdælustöðin tekin í notkun á Gelgjutanga.
Árið eftir, 1986, hófust síðan framkvæmdir við holræsi
meðfram Sæbraut frá Kalkofnsvegi að Laugalæk og
samhliða var unnið að byggingu dælustöðva við
Laugalæk og Ingólfsstræti og voru þær teknar í
notkun 1988 við Laugalæk og árið eftir við Ingólfs-
stræti.
Stefnt er að því að sameina þessi ræsakerfi, frá
Laugalæk og Gelgjutanga, í eina útrás frá Laugarnesi
þar sem reist verður hreinsistöð til síunar á frárennsl-
inu og lögð 2-3 km útrásarlögn.
Kostnaður við framkvæmdir til dagsins í dag nemur
um 850 mkr. og áætlaður heildarkostnaður er um
1.700 mkr.