AVS. Arkitektúr verktækni skipulag - 01.06.1994, Side 26

ARMANN INGASON DEILDARVERKFRÆÐINGUR
STÖÐLUN A LEIKTÆKJUM
Aárinu 1988 var stofnuð tækninefnd á
vegum evrópsku stöðlunarsamtakanna
CEN og fékk tækninefnd þessi heitið
„Sports, playground and other recrea-
tional equipment”. Eins og nafn nefndarinnar ber
með sér var eitt af verkefnum hennar að vinna að
stöðlun á leiktækjum fyrir opinber leiksvæði. Árið
1990 setti síðan tækninefndin á fót undirhóp til þess
að vinna að þessu máli og var honum gefið heitið
„Playground equipment”. Undirhópnum var ætlað að
vinna að gerð staðals sem átti m.a. að ná yfir al-
mennar öryggiskröfur á opinberum leiksvæðum,
grunnhönnun leiktækja og opinberra leiksvæða og
síðast en ekki síst frágang og prófun leiktækja til notk-
unar á opinberum leiksvæðum.
Seinnipart ársins 1993 sendi svo undirhópurinn frá
sér sín fyrstu drög að stöðlum. Um var að ræða frum-
vörp að tveimur stöðlum, EN 1176 og EN 1177. EN
1176 fjallar um leiktækin sjálf og er gert ráð fyrir að
sá staðall verði í 9 hlutum, þó svo að einungis 3 hlutar
hans hafi verið til umsagnar ennþá. EN 1177 fjallar
hins vegar um öryggiskröfur og prófunaraðferðir á
undirlagi því sem haft er í kringum leiktækin. Gert er
ráð fyrir því að báðir staðlarnir í heild sinni verði
komnir til atkvæðagreiðslu fyrir lok ársins 1995. Þeir
hlutar sem þegar eru komnir hafa verið auglýstir til
opinberrar umsagnar hérlendis í Staðlatíðindum,
fréttabréfi Staðlaráðs íslands.
AÐGERÐIR Á ÍSLANDI
Á árinu 1992 þótti auðsýnt að það starf sem unnið
yrði að á vegum evrópsku tækninefndarinnar hjá
CEN myndi varða átakið „vörn fyrir börn” sem þá
var hafið og Slysavarnafélag íslands og Rauði Kross
íslands stóðu fyrir. Einnig var vitað að sú skuldbinding
fylgdi því að vera aðili að CEN, en ísland hefur verið
aðili að CEN síðan 1988, að staðfesta þyrfti þessa
væntanlegu staðla sem íslenska staðla. í framhaldi
af því var ákveðið í byrjun ársins 1993 að setja á fót
tækninefnd á vegum Staðlaráðs íslands að frum-
kvæði Slysavarnafélagsins. Reynt var að fá fulltrúa
allra hagsmunaaðila til að taka þátt í tækninefndinni
24