AVS. Arkitektúr verktækni skipulag - 01.12.2001, Síða 39

hæfileika hans. Nemendur takast á við röð verk-
efna í vinnustofum, sem hafa það að markmiði að
víkka skilning þeirra á tveimur meginsjónarhornum
hönnunar, sem eru tækniþekking annarsvegar og
hugmyndafræði hinsvegar. Þeir fá þjálfun í að
setja fram hugmyndir sínar í skiljanlegu formi og fá
undirbúning í að taka við gagnrýni á eigin úrlausnir
og verk. Áhersla er lögð á að kynna aðferðir í
teikningu, tölvuhönnun og öðrum framsetningar-
aðferðum ásamt upplýsingafræði. Hugtakið „form“
og formskynjun eru í brennidepli og eðli listrænna
vinnuaðferða er tekið til sérstakrar skoðunar.
í kennslu á öðru ári er miðað við að nemandinn
hafi getu til að skilgreina og setja fram skoðanir
sínar hratt og vel, og að hann hafi tileinkað sér
þann hugsunarhátt hönnuðarins að hann eigi sí-
fellt að leita nýrra svara við grundvallarspurning-
um og taka engum niðurstöðum sem sjálfgefnum.
Hann skal vera tilbúinn til að taka við gagnrýni á
eigin úrlausnir og framsetningu þeirra, og með
skilmerkilegum hætti geta sett fram gagnrýni á
verk annarra. Verkefnin á öðru og þriðja ári eru
flest afmörkuð og sérstaklega skilgreind til þess
að nemendur geti beitt sértækum aðferðum og
tækni við úrlausn þeirra. Náminu lýkur með BA- rit-
gerð og lokaverkefni, sem sýnt er á opinberri sýn-
ingu.
Eins og áður er sagt þá fara u.þ.b. 50% kennsl-
unnar fram í vinnustofum, en þar tengist einnig inn
kennsla í tækni og aðferðum sem fer fram á sér-
stökum námskeiðum þar sem sérfræðingar koma
til og kynna sína sérþekkingu. Þessi námskeið eru
oft í formi fyrirlestra og samræðna, en einnig er
farið fram á að nemandinn leysi sérstaklega af-
mörkuð verkefni, sem tengjast vinnunni í vinnu-
stofunni. Skólinn er heppinn að vera með kennslu
á flestum sviðum lista og því eru möguleikar nem-
enda á valgreinum miklir. Þar sem takmörk skap-
andi vinnu eiga að vera óljós til að hönnuðurinn
lokist ekki innan þröngra veggja aðferðarfræði, er
gott að starfa í umhverfi þar sem möguleikar á
aðferðum og stefnum eru svo til óþrjótandi. Skipu-
lagðir hafa verið kúrsar sem eru á sameiginlegum
svæðum listanna, sem nemendur úr öllum deild-
um geta sótt til að stækka sjóndeildarhring sinn.
Allflestir hönnuðir sem starfa á íslandi hafa aflað
sér þekkingar erlendis og minnast oft námsáranna
með blik í augum vegna þess ferskleika í lífi og
starfi sem sveif þar yfir vötnunum. Með þetta í
huga er lögð mikil áhersla á að gott andrúmsloft
myndist í deildinni og því er nú í upphafi ekki ein-
ungis verið að byggja upp kennsluskrá með
áhugaverðum viðfangsefnum með þátttöku öflug-
ra kennara, heldur er einnig verið að breyta hús-
næði Listaháskólans í Skipholti 1 þar sem
hönnunardeildin á að vera til húsa. Þarna eru
aðalskrifstofur Listaháskólans, Opni Listaháskól-
inn og ný tónlistardeild hófu einnig störf s.l. haust
í næsta húsi. Einnig hóf skólinn s.l. haust starf-
semi kaffibars á jarðhæðinni fyrir nemendur og
starfsfólk, en einnig er vonast til að starfandi hönn-
uðir og nemendur annarra deilda muni sækja kaffi-
barinn. Á næstu hæð fyrir ofan er bókasafn skól-
ans sem hefur að geyma bestu heimildir sem til
eru um listir og hönnun á íslandi og einnig verður
barinn netvæddur. Síðan ætlar hönnunardeildin
að vera með innri gagnrýni og umræður þarna á
barnum og hugmyndir eru um að tónlistardeildin
geti einnig notað sama stað til að koma á framfæri
verkum sínum. Listaháskólinn vonar að þetta geti
orðið til að kröftugt starf geti þroskast þarna í Skip-
holtinu sem komi nemendum og utanaðkomandi til
góða. ■
37