Bændablaðið - 04.04.2023, Side 7

7Bændablaðið | Þriðjudagur 4. apríl 2023
Formenn búgreinadeilda, Rafn Bergsson og Nanna Jónsdóttir.
Sauðfjárbændur og skógarbændur gefnir saman.
LÍF&STARF
Mannlíf á Búnaðarþingi Fyrstu vísur þessa þáttar eru eftirhreytur
frá síðasta vísnaþætti. Vegna ágætis þeirra
verða þær því að fá rúm fyrir lesendur. Jón
S. Bergmann orti svo hlýlega til Einars E.
Sæmundssonar skógarvarðar:
Birkigróin grundin þín
gefur þér nóg að kanna.
Fyrstum hló þér fjallasýn
frjálsra skógarmanna.
Og þessi frumlega vísa Freysteins
Gunnarssonar fylgir með:
Hætt er við og hætt er við
að hugann illa dreymi.
Mikið er, og mikið er
af myrkri í þessum heimi.
Næst koma nokkrar vísur sem eiga það
sammerkt, að innihaldið er ástleitið og ylur
í yrkingunum. Ásgrímur Kristinsson orti:
Siglt er létt á lífsins mið,
leikið nett við blæinn.
Ást og glettur eiga við
enn á réttardaginn.
Svo er vísa eftir Stefán frá Móskógum,
ort á Skálholtshátíð:
Ástin finnur afdrep nóg,
á sér leynistaði.
Faðmast enn í rökkurró
Ragnheiður og Daði.
Þórarinn Sveinsson í Kílakoti orti líka
um ylinn:
Þó ‘ann hafi kannski kysst
kvennavarir sleipar,
hefur ‘ann aldrei eyri misst
út um sínar greipar.
Ólína Jónsdóttir Skróki upplifði
fiðringinn sem fylgir ástinni og orti:
Ást ei fipast enn sitt starf,
úr mér hripar gigtin,
og í svipan einni hvarf
árans piparlyktin.
Auðvitað kunni Hjörleifur Jónsson á
Gilsbakka eitthvað um ást:
Margir hæla ást um of,
ýmsum var hún byrði.
Nái hún aðeins upp í klof
er hún lítils virði.
Jón Bjarnason átti líka innlegg til
ástarinnar:
Drýgði hvorki dáð né synd,
dáður lítt af konum.
Öll var fyrir ofan þind
ástleitnin hjá honum.
Hér gæti Hjörtur Kristmundsson ýjað að
einhvers konar ást:
Árin tifa, öldin rennur,
ellin rifar seglin hljóð.
Fennir yfir orðasennur,
eftir lifir minning góð.
Nú linnir allri ástarvelgju, en alvaran tekur
við. Friðrik Jónsson Skagfirðingur orti:
Einn ég ligg við eyðisker,
enga höfn má finna.
Báruhljóðið boðar mér
bana vona minna.
Eftir Jón Pálma Jónsson er þessi
myndræna vísa:
Þótt eitthvað gleðji anda minn,
einskis samt hann nýtur.
Sólin aðra kyssir kinn,
kuldinn hina bítur.
Vilhjálmur Benediktsson frá Brandaskarði
á þessa stöku:
Illt er að éta einn úr skel
og eiga fátt til vina,
en sælt er að vera saddur vel
og syngja um fátæktina.
Umsjón:
Árni Geirhjörtur Jónsson
kotabyggd1@gmail.com
MÆLT AF
MUNNI FRAM
Gunnar Þorgeirsson, formaður BÍ, ávarpaði fundargesti.
Þorvaldur Arnarsson hjá Landeldi hf. kynnti áform um blandeldisáburð.
Borgfirskir bændir ræða málin á þingsetningu.
Hlynur Gauti Sigurðsson sá um tæknimál við útsendingu.
Gunnar Þorgeirsson og Reynir Þór Jónsson.
Ritarar fundsins. Guðrún Björg Egilsdóttir, Kristín Örvarsdóttir og
Sara Huld Ármannsdóttir.
Forseti Íslands og æðarbóndinn á Bessastöðum.