Bændablaðið - 04.04.2023, Side 27

27Bændablaðið | Þriðjudagur 4. apríl 2023
SMIÐJUVEGI 7 200 KÓPAVOGI SÍMI 54 54 300 ISPAN.IS

ER KOMINN TÍMI
Á NÝTT GLER ?

VIÐ FRAMLEIÐUM GLER
EFTIR ÞÍNUM ÞÖRFUM

• EINANGRUNARGLER
• SÓLVARNARGLER
• HLJÓÐVARNARGLER
• ÖRYGGISGLER
• HAMRAÐ GLER
• HERT GLER
• LAKKAÐ GLER
• SPEGLAR

Nýjar rannsóknir á lífríki sjávar-
rifja og hafinu við Ástralíu sýna
að ástand þess er mun verra en
áður hefur verið talið. Ástæða þess
er sögð vera hækkandi sjávarhiti
og óþol núverandi lífvera við
breytingunum á búsvæði þeirra.
Auk þess að hækkun sjávarhita
hafi neikvæð áhrif á vistkerfi hafsins
mun hún draga úr fiskveiðum
þar sem framboð á fæðu fyrir
nytjategundir mun dragast saman.
Samkvæmt niðurstöðum
rannsóknanna, sem birtar voru í
Natur, eru um 500 af þeim 1.057
tegundum sem kannaðar voru á
verulegu undanhaldi og 300 af þeim
á mörkunum að vera flokkaðar í
útrýmingarhættu. Rannsóknin
náði meðal annars til fiska, kórala,
hryggleysingja, þörunga og
sjávarplantna.
Aðstandendur rannsóknanna
segja að hraði breytinganna sé
mikill, að þær eigi sér stað fyrir
augum allra sem þær vilji sjá en á
sama tíma veki þær litla eftirtekt.
Það sem meira er, að niðurstaða
rannsóknanna er talin eingöngu vera
toppurinn á ísjakanum. /VH
Kóralrif út af strönd Ástralíu.
Mynd / NASA
Toppurinn á
ísjakanum
Fá viðlagastuðning
vegna fuglaflensu
Ítalskir bændur fá 27,2 milljónir
evra í bætur frá ESB vegna 294
tilfella fuglaflensu haustið 2021.
Faraldur gekk um nokkur héruð
á Ítalíu milli 23. október til 31.
desember 2021. Stjórnvöld gripu
umsvifalaust til mikilla smitvarna
til að halda aftur af útbreiðslu
sóttarinnar, en þær leiddu jafnframt
til mjög minnkaðrar innkomu.
Bændur sem voru með kjúklingaeldi,
eggjaframleiðslu, kalkúna, endur
og perluhænsn urðu fyrir mestum
áhrifum. Tjónið fólst helst í ónýtum
vörum eða að þær væru færðar niður
um gæðaflokk.
Eftir formlega beðni frá ítölskum
stjórnvöldum komst Framkvæmda-
stjórn Evrópusambandsins að þeirri
niðurstöðu að ESB myndi standa
undir helmingi þess kostnaðar sem
ítölsk stjórnvöld hafa lagt út til að
styðja við bændur á þeim svæðum sem
verst voru útsett. Einungis bændur
á fyrir fram ákveðnum svæðum
eiga heimtingu á fjárstuðningi
fyrir tjón sem gerðust í lok árs
2021. Greiðslurnar munu koma
úr varasjóði landbúnaðarins og
eiga að skila sér í lok september
á þessu ári. Frá þessu er greint í
fréttatilkynningu Framkvæmda-
stjórnar Evrópusambandsins. /ÁL
Fugl á Ítalíu.
Mynd / Kai Rohweder–Unsplash
Metanminnkandi kúafóður hluti loftslagsstefnu
Bresk stjórnvöld vilja leita leiða til
að koma metanminnkandi fóðri í
almenna notkun innan tveggja ára.
Þessi áform voru kynnt sem hluti
af vegferð breskra stjórnvalda í
átt að kolefnishlutleysi.
Bændur fagna þessum fyrir-
ætlunum, en stjórnvöld hafa átt
í samráði við stéttina varðandi
útfærslu áætlunarinnar. Engin
metanminnkandi lausn er komin
á markað sem hefur fullnægjandi
virkni, en mikil framþróun er á
sviðinu og eru bundnar miklar vonir
við að fullnægjandi úrræði verði
aðgengileg innan tveggja ára. Frá
þessu greinir Guardian.
Metan sem myndast við
meltingu kúa og losnar frá mykjunni
er talið stuðla að fjórtán prósent
losunar gróðurhúsalofttegunda af
mannavöldum.
Á Bretlandi eru 9,4
milljónir kúa og
kálfa. Ef tekst að
koma bætiefnunum
í kjarnfóður með
góðri virkni gætu
stjórnvöld skyldað
notkun þeirra í
nokkrum þrepum
með það markmið
að notkunin verði
sem mest.
Varaformaður bresku bænda-
samtakanna, Tom Bradshaw, sagði
í samtali við Guardian að mest
gróðurhúsaframleiðsla nautgripa
komi út um framendann á þeim,
ekki afturendann. Flest bendi til
að bætiefnin verði gagnleg, þó enn
sé óljóst hvaða áhrif þau hafi á
nýtni fóðursins.
Hann sagði
að f rekar i
rannsóknarvinnu
sé þörf til að
ná markmiði
m i n n k a ð r a r
losunar, en nokkur
verkefni séu í gangi á
Bretlandseyjum núna. Fleiri leiðir
séu hugsanlega færar til að minnka
metanlosun kúa, en á Nýja-Sjálandi
fullyrða stjórnvöld að þeim hafi
tekist að minnka losun síns kúastofns
með kynbótum.
Bresk stjórnvöld hafa verið
gagnrýnd fyrir að einblína um of
á tæknilausnir með óstaðfesta
virkni í viðleitni sinni til að ná
kolefnishlutleysi. Hópur 700
vísindamanna kom fram eftir að
ríkisstjórnin kynnti leiðarvísi að
kolefnishlutleysi og sagði stjórnvöld
leggja of mikið traust á aðferðir eins
og kolefnisförgun sem enn hefur
ekki tekist að skala upp. /ÁL