Bændablaðið - 04.04.2023, Qupperneq 63

63Bændablaðið | Þriðjudagur 4. apríl 2023
Vinsamlega hafið samband við Björgvin Guðjónsson, búfræðing
og löggiltan fasteignasala í síma 510-3500 og 615-1020
eða á netfangið bjorgvin@eignatorg.is
Skipholt 50b, 105 Reykjavík
Vegna aukinnar eftirspurnar óskum
við eftir bújörðum á söluskrá
Verðdæmi Kverneland AD 5 skeri lokuð moldverpi ....... Verð án vsk kr. 3,190,000,- Fullt verð kr. 3,349,000,-
Verðdæmi Kverneland 150 S 4 skeri lokuð moldverpi ... Verð án vsk kr. 4,643,000,- Fullt verð kr. 4,950,000,-
Verðdæmi Kverneland ES 4 skeri opin moldverpi ........... Verð án vsk kr. 5,640,000,- Fullt verð kr. 6,147,000,-
Verðdæmi Kverneland ES 4 skeri lokuð moldverpi ........ Verð án vsk kr. 5,768,000,- Fullt verð kr. 6,256,000,-
S
IG
N
A
-
w
w
w
.s
ig
n
a.
is
Gylfaflöt 32 • 112 Reykjavík • Sími 580 8200 • www.velfang.is • Óseyri 8 • 603 Akureyri
VERKIN TALA
AFTUR KEMUR VOR Í DAL
Allir plógar afhentir samsettir á afgreiðslustað flutningsaðila í þinni heimabyggð.
Bændur – verktakar – búnaðarfélög. Nýtið ykkur þetta einstaka tækifæri.
Nánari upplýsingar veita sölumenn Vélfangs Reykjavík og Akureyri.
Kverneland og Vélfang bjóða bændum eftirfarandi vortilboð á Kverneland plógum
Búnaður byggir á áratuga reynslu íslenskra bænda.
Til afgreiðslu nú þegar.
•
•
•
VORTILBOÐ
Drögum úr eldhættu í landbúnaði
Á hverju ári verða því miður alvarlegir eldsvoðar
í landbúnaði. Mikilvægt er að gera sér grein fyrir
helstu áhættuþáttum vegna elds á hverju býli og
gera ráðstafanir til að draga úr eldhættu. Til þess
eru ýmsar leiðir.
Rafmagnsbilanir, röng notkun eða uppsetning
rafbúnaðar leiðir oft til eldhættu og eru ein algengasta
orsök eldsvoða í landbúnaði.
Rafbúnaður, raflagnir og tæki í landbúnaðar-
byggingum eru gjarnan undir miklu álagi. Raki í
lofti, ryk, titringur og slit hefur áhrif á endingartíma
og öryggi tækja.
Allur rafbúnaður skal vera viðurkenndur og
frágangur þarf að taka mið af aðstæðum á hverjum
stað. Alltaf skal leita aðstoðar fagfólks við uppsetningu
á rafmagni eða við breytingar á rafmagni í útihúsum.
Gott er að láta fagmann yfirfara rafmagnstöflur og
rafbúnað með reglubundnum hætti. Vel hefur gefist að
nota hitamyndavél til þess að meta hvort óeðlilegur
hiti myndast út frá lélegum rafmagnslögnum eða
tækjabúnaði.
Mjög mikilvægt er að frágangur rafmagnsbúnaðar
sé óaðfinnanlegur og búnaður allur ryk- og rakaþéttur.
Rafmagnstöflur eiga að vera í stál- eða plastskápum
og staðsettar á vegg úr óbrennanlegum efnum. Góð
jarðtenging og bilunarstraumsrofi (lekaliði) geta skipt
sköpum. Fáið ráðgjöf fagmanns um hvaða lekaliði
hentar aðstæðum.
Eldur í vinnuvélum
Nokkur dæmi eru hér á landi um að eldur komi upp í
dráttarvélum þegar þær standa inni við og eru ekki í
gangi. Tjónið sem af því hlýst er oft mikið þegar bæði
vélar og byggingar skemmast. Svokallaður höfuðrofi
minnkar líkur á sjálfsíkveikju í vélknúnum tækjum.
Sláið honum út þegar tækið er ekki í notkun. Þannig
er straumrás frá rafgeymi rofin. Gólf í vélageymslum
eiga að vera þétt og með óbrennanlegu yfirborði.
Veggir og þök skulu vera úr tregbrennanlegu efni og
tryggja þarf góða brunahólfun. Gætið að því að hafa
ekki eldsmat nærri vinnuvélum í geymslu.
Gaskúta þarf að meðhöndla með varúð og setja þarf
merki með gulum þríhyrningi á útihurð sem gefur til
kynna að gaskútar séu innan dyra.
Slíkar merkingar eru ákaflega mikilvægar fyrir
slökkviliðsmenn sem koma á vettvang eldsvoða. Einnig
er áríðandi að upplýsa slökkvilið strax ef áburður er
geymdur innandyra vegna sprengihættu sem getur stafað
af ákveðnum tegundum áburðar við ofhitnun.
Aðgát við logavinnu
Við logavinnu eða vinnu sem veldur neistaflugi er
nauðsynlegt að tryggja sem öruggast umhverfi. Fjarlægið
brennanleg og eldfim efni, breiðið yfir þau eða bleytið.
Viðeigandi slökkvibúnaður á alltaf að vera innan
seilingar þegar unnin er logavinna. Ágætar leiðbeiningar
um varúðarráðstafanir vegna logavinnu er að finna á vef
Eldvarnabandalagsins, eldvarnabandalagid.is
Reynslan sýnir ótvírætt að sé maður meðvitaður um
eldhættu á býlinu og geri viðeigandi ráðstafanir má draga
verulega úr hættu á að eldur komi upp með tilheyrandi
tjóni á eignum og rekstri.
Vigdís Häsler, framkvæmdastjóri
Bændasamtaka Íslands og
Garðar H. Guðjónsson, framkvæmdastjóri
Eldvarnabandalagsins.
Vigdís Häsler og Garðar H. Guðjónsson.