Úrval - 01.08.1949, Page 24

22
ÚRVAL
landi eru nú að hefjast rann-
sóknir sem miða að því að upp-
lýsa hvort svo muni vera. Rann-
sóknimar ganga út á það að
safna skýrslum um sem flest
stúlkubörn sem vitað er um að
aldrei hafi verið á brjósti.
Slíkar rannsóknir taka lengri
tíma en þegar um rannsóknir
á músum er að ræða og er gert
ráð fyrir að niðurstöður þeirra
verði ekki kunnar fyrr en árið
2030. Vonandi er að lausnin
verði fundin eftir öðrum leiðum
áður en sá tími er kominn.
Rannsóknir prófessors Gye,
sem er forstöðumaður krabba-
meinsrannsóknastofnunar
brezka heimsveldisins, eru einn-
ig taldar styðja hugmyndina
um þátt vírusa í myndun ill-
kynja æxla hjá músum. Gye
tók stykki úr músarsarkmeini,
frysti vefinn og þurrkaði á
víxl og taldi sig þar með hafa
eyðilagt allar frumur í vefnum.
Væri vef, sem þannig væri fryst-
ur og þurrkaður, dælt í heil-
brigðar mýs, myndaðist sark-
mein eftir nokkurn tíma. Kenn-
ing Gyes er sú að æxlisfrum-
urnar deyi við þessa meðferð,
en vírusið lifi hana af og sé or-
sök æxlismyndunar í músunum,
sem þurrkaða vefnum er dælt í.
Sumir þeirra manna, sem
mest hafa fengizt við vírusrann-
sóknir í sambandi við myndun
krabbameins, svo sem Rous og
Gye, halda því fram að vírus
sé frumorsök allra illkynja
æxla og sé stöðugt fyrir hendi
í frumunum, en bíði aðeins eftir
tækifæri til að ná sér niðri. Slík
tækifæri bjóðist svo, ef utanað-
komandi orsök bætist við, svo
sem langvarandi erting vissra
efna, eins og tjöru, hormóna
eða geislavirkra efna, eða þá
langvarandi bólgur af ýmsum
uppruna. Aðrir vísindamenn,
sem við krabbameinsrannsóknir
hafa fengizt, telja vírus ekki
þýðingarmeiri þátt í myndun ill-
kynja æxla, en t. d. tjöru eða
hormón og telja, að lausn gát-
unnar sé ekki nær eftir tilkomu
vírusanna en áður. En það er
reyndar ávallt nóg af slíkum
Tómasarsinnum þegar nýjar
kenningar eru bornar fram.
Hafa allar þessar rannsóknir
leitt til nokkurrar hagnýtrar
niðurstöðu í baráttunni við
krabbameinið ? munu menn
spyrja. Eða eru þær aðeins
gagnslaust föndur sérviturra
manna sem af einhverjum með-
fæddum þráa gefast ekki upp
við að reyna að brjóta til mergj-