Heimili og skóli - 01.08.1970, Qupperneq 13

Skólaárið.
í sænskum skyldunámsskólum er skóla-
árið 40 starfsvikur. Skólarnir byrja 21.
ágúst og sumarleyfi hefst 10.—12. júní.
Skólaárið var lengt um eina viku, vegna
þess, að ekki er kennt á laugardögum. Þá
hafa skólarnir stytt kennslustundirnar úr
45 mín. í 40 mín. Matarhlé verður ein
klukkustund og nemendur horða hádegis-
verð í skólunum. Hádegisverðurinn er
ókeypis og er það eins á öllum stigum í
skyldunámsskólunum.
Laugardagsleyfið.
Eins og áður segir, var skólaárið lengt
vegna þess, sem álitið var að tapaðist vegna
laugardagsleyfanna. Sumir álíta að starfs-
dagur barnanna verði þá of langur og sætir
því þessi tilhögun nokkurri gagnrýni. Þó
eru flestir sæmilega ánægðir með laugar-
dagsleyfið og almenn er sú skoðun, að
skólarnir hafi þarna ekkert val. Starfstími
skólanna verði að samræmast starfstíma
annarra stétta í þjóðfélaginu. Nú er svo
komið, að iðnfyrirtæki, skrifstofur, bankar
o. fl. loka á laugardögum. Fólkið heldur úr
bænum og varla er hægt að skilja börnin eft-
ir. Sama þróun átti sér stað í Bandaríkjun-
um og nú hefur gerzt í Svíþjóð.
Frídagar.
Ár hvert eru lögskipaðir 10 frídagar í
sænskum skólum. Að auki eru svo hinir
hefðbundnu frídagar við kirkjulegar hátíð-
ir. Þessu til viðbótar bætast svo frídagar fyr-
ir nemendur, sem kennarar nota til skipu-
lagninga og funda í þágu skólanna, en þeir
eru sambærilegir mánaðarfríum í íslenzk-
um skólum.
Heimavinna nemenda.
Kennurum er ekki heimilt að leggja fyrir
heimaverkefni nema 4 daga í viku. Er þetta
hugsað þannig, að aldrei má leggja fyrir
heimaverkefni fyrir dag eftir helgi eða frí.
Reynt er að halda strangt við þessa reglu.
Þó munu örfáir kennarar láta hana lönd og
leið. Álitið er, að námskröfur skólanna megi
ekki íþyngja nemendum mjög, heldur sé
tryggt, að þeir fái sæmilegan hvíldartíma
innan vébanda heimilanna og auk þess tíma
og tækifæri til hollra tómstundaiðkana.
Álitin er fjarstæða, að nemendur séu að
vinna sunnudaga, þegar aðrir eiga frí.
Sunnudagar eiga að vera frídagar fyrir alla.
Af illri nauðsyn er þó tíðkað í íslenzkum
skólum, að börn læri yfir helgar.
Skólarannsóknir og fræðsluskylda.
Mjög hefur verið á dagskrá að samræma
skólanám á Norðurlöndum og er skipulags-
bundið unnið að því. Sænska skólakerfið
hefur orðið fyrirmynd Finna og bíða þeir
með ýmislegt í sambandi við tilraunastarf,
þar sem Svíar eru að gera hliðstæðar til-
raunir hænufeti á undan. Mikilvægt er að
Norðurlöndin fari ekki að leggja peninga
og vinni í að athuga hluti, sem þegar er bú-
ið að athuga. Norðurlandaþjóðirnar eru svo
líkar, að óþarft má telja að marg-rannsaka
sama efni á sams konar fólki.
Norðmenn eru nú búnir að ákveða 9 ára
skólaskyldu og er hún að koma í fram-
kvæmd, eða er þegar komin. Við getum sagt,
að íslenzka skólakerfið með 8 ára fræðslu-
skyldu og 9. árið með nokkru valfrelsi milli
greina, sé einnig í þessum ramma og hlið-
stætt hinu sænska, þó að framkvœmdir geti
orðið með ýmsum hœtti. Svíarnir eru að því
HEIMILI OG SKÓLI
57