Heimili og skóli - 01.08.1970, Blaðsíða 15

fyrir jól og síðan síðast á skólaárinu. Skoð-
ast voreinkunnin vetrareinkunn nemandans.
í þessari einkunn er innifalið mat kennar-
ans á báðum námstímabilum og skal meira
tillit tekið til hvernig nemandinn stóð sig
síðara námstímabilið. Sýni nemandinn
virkilegan námsáhuga síðustu mánuðina, er
hann látinn njóta þess. Jafnframt þessu er
tekið tillit til þess, hvert er markmiðið við
námið, hver námsgrein er veigamest og
hvernig nemandinn hefur valdið aðalatrið-
um námsefnisins.
Falleinkunn.
í skyldunámsskólum Svíþjóðar þekkist
ekki falleinkunn. Nemendur eru ekki látnir
endurtaka bekk, nema undir sérstökum
kringumstæðum og þá eftir óskum foreldra.
Séu þær fyrir hendi, eru allar aðstæður
metnar og síðan tekin ákvörðun.
Nemendur, sem dragast aftur úr, eiga
hinsvegar kost á meiri eða minni hjálpar-
kennslu, ýmist í hópum eða einstaklings-
lega.
Stöðluð próf eru allmikið notuð, en þau
eru ekki þekkingarpróf, heldur kennurum
til aðstoðar, þegar þeir vilja kanna hvort
kennslan eða kennsluaðferðin, sem notuð
er, beri tilætlaðan árangur. Með þeim er
hægt að bera saman árangur bekkjardeilda
á sama aldursstigi um land allt og skapa sér
þannig viðmiðun varðandi sinn bekk.
Ytri gerð.
Hér að framan hefur lítillega verið drep-
ið á innri gerð sænskra skólamála þ. e. a. s.
skólaskyldu, skólastig, skólaþroskapróf,
starfsfræðslu, kennaramenntun, kennslu-
skyldu, námstilhögun, heimavinnu nemenda,
einkunnagjöf o. fl. Nú á eftir mun ég lítil-
lega gera grein fyrir hvernig sænskir skólar
komu mér fyrir sjónir og hvaða munur er á
íslenzkum og sænskum skólabyggingum. Að
sjálfsögðu kynntist ég aðeins fáum skólum
í Svíþjóð, en ég hef áður séð allmikið af
dönskum skólum og virðist sem ákveðnar
hliðstæður séu þar að finna.
V íkingaskólinn.
í Kungálv var okkur boðið að skoða fjög-
urra ára skóla, sem ber heitið Yíkingaskól-
inn. Þetta er skóli fyrir börn frá 1.—9.
hekk. Skólinn er byggður í álmum og á einni
hæð. Hann er vandaður að allri gerð og lóð-
inni er skipt niður í grassvæði, malbikaða
reiti og blómasvæði. Það sem við tökum
strax eftir í nýjum skólum á Norðurlöndum,
en er naumast til í íslenzkum skólum er eft-
irfarandi:
1. Sérstök álma, eða hluti úr skólanum, er
ætlaður til eðlisfræðikennslu, landa-
fræðikennslu, náttúrufræðikennslu og
teiknikennslu. Fyrir þessi sérfög eru
ákveðnar stofur með tilheyrandi kennslu-
tækjum, sem oft eru mikil að vöxtum. í
eðlisfræðikennslustofunni geta kennslu-
tækjaskápar skipt tugum, en auk þess
fylgja hverju vinnuborði vaskur og
geymsluhólf.
2. Almennum kennslustofum fylgir gjarnan
lítil stofa fyrir enda, þar sem hluti af
nemendum stofunnar getur unnið í kyrr-
þey að ákveðnum verkefnum, sem kenn-
arinn kann að setja fyrir. Þar starfa leið-
togar hópanna, sem undirverkstjórar
kennarans.
3. Vinnuaðstaða kennaranna er að jafnaði
mun betri en hér tíðkast. Þó munu nýj-
HEIMILI OG SKÓLI
59