Heimili og skóli - 01.08.1970, Blaðsíða 50

c) Þjóðsaga um Völvuleiðið.
(Kennarar sá um þessa þætti.)
Frá Tjarnargerði var haldið að Torfu-
fellsá. Steinum safnað á eyrunum við ána
en þar má meðal annars finna liparit, bik-
stein, topaz og mjög einkennileg afbrigði af
grjóti. Síðan var haldið upp með ánni, en
þar í gljúfrunum er stuðlabergsmyndun.
Gengið var upp á Sjónarhól, sem er bezti
útsýnisstaðurinn á þessum slóðum. Þaðan
er mjög víðsýnt fram til Villingadals og út
um sveitina.
Frá hólnum var haldið út í skógræktar-
girðinguna í Leyningshólum og komið þang-
að kl. 1—2 e .h. Þar var borðað og síðan
skiptist liðið í hópa, þannig að tveir flokkar
söfnuðu plöntum en hinir tveir flokkarnir
fóru með Hallgrími Indriðasyni, er ræddi
við hörnin um gróðurverndun, gróðureyð-
ingu og áhrif vatns og vinda á grjót og jarð-
veg. Dæmi um þetta blasa við augum allra,
sem í Leyningshóla koma, svo staðurinn er
mjög vel fallinn til þessara athugana.
Eftir hæfilegan tíma skiptu flokkarnir
um verkefni.
Oftast var farið í einhverja leiki í Leyn-
ingshólum.
A heimleið úr Leyningshólum var aftur
stanzað á Vatnsenda og gömul bæjarhús,
sem ekki eru notuð lengur, og gömul hest-
hús, tóft og fjárhús skoðað. Þar var börnun-
um kynntur sá búskapur, sem algengur var
hjá miðlungsbændum á fyrri öld og framan
af þessari. Sú skoðun gaf aðra mynd af lifn-
aðarháttum alþýðufólks en skoðun byggða-
safna á stórbýlum, svo sem Glaumbæ eða að
Laufási, þótt þau séu á sinn hátt mjög þörf
og merkileg.
Því miður vannst ekki tími til að fara
með alla bekkina að þessum byggingum.
94
Flokkarnir komu aftur heim að Hólavatni
kl. 5.30—6.30 e. h. og var tíminn fram að
kvöldverði jafnan notaður til þvotta og fata-
skipta.
Kvöldverður var kl. 7 e.h. og strax að
honum loknum var farið að ganga frá plönt-
um í þurrk.
Þegar því var lokið hófst kvöldvaka, sem
stóð oftast til klukkan rúmlega 10 e. k.
Eftir kvöldvökuna var gengið út og dag-
skránni lauk með helgistund upp við Hóla-
vatn.
Stóðu þá allir með logandi kerti í hönd-
um og svo kyrrt var öll kvöldin að gerigið
var með logandi ljósin heim að skála, en það
voru þó urn 200 metrar. Þessar helgistundir
verða börnunum áreiðanlega minnisstaeðar.
Þegar heim kom fengu börnin kvölddrykk
og síðan gengu þau til náða.
Eins og sjá má að framan var mikið starf-
að þennan fyrsta dag, enda mjög auðvelt að
koma öllum í kyrrð og ró.
2. dagur.
Fótaferð var kl. 8, síðan þvottur og ræst-
ing. Morgunverður var borðaður kl. 9 og
síðan var fáninn dreginn á stöng og þar næst
fóru fram leikir og íþróttir.
Þennan dag var mikið unnið í tjöldunum,
skrifuð dagbók fyrsta dagsins, föndrað úr
laufi og grjóti, gróður í nánd við skálann
skoðaður, gerðir uppdrættir af fjárrétt, sem
er ekki langt frá skálanum, róið um vatnið,
farið í margs konar íþróttakappleiki o. s.
frv.
Síðari hluta þessa dags kom Karl Hjalta-
son, handavinnukennari skólans, í heimsókn
og hafði með sér ágæta seglbáta og vélknú-
in skip eins og þau, sem drengirnir smíða í
skólanum. Nokkuð af flotanum voru smíðis-
HEIMILI OG SKÓLI