Heimili og skóli - 01.03.1975, Side 14

er og hvenær sem er á æviskeiðinu. Aðstaða
til náms hefur verið mjög misjöfn, einnig
þroski manna og námslöngun. Hefur mörg-
um sviðið það sárt að eiga þess engan eða
lítinn kost að komast síðar inn á námsbraut-
ir, sem hugur þeirra stendur til eða myndu
bæta aðstöðu þeirra á vinnumarkaðinum.
Með lengingu skólaskyldu breikkar 1 íka bil-
ið á milli aldursflokka eftir því hve langrar
frummenntunar þeir nutu og þeim fjölgar,
sem þurfa að bæta við sig námsáföngum til
að standa jafnfætis þeim yngri, þegar þeir
vilja tileinka sér frekari þekkingu. Því er
nauðsynlegt að fullorðinsfræðsla sé jafn
rétthá frummenntun, þ. e. að námsmat eða
próf, sem aflað er með þeim hætti séu jafn-
gild þeim, sem frummenntunin veitir.
Ollum mun ljós þörf endurmenntunar —
nánast símenntunar — í fjölda starfsgreina
vegna breyttrar tækni og starfsaðferða. Því
hafa launþegar og vinnuveitendur þegar
svarað að nokkru með námskeiðahaldi í
ýmsum greinum, en augljóst er, að ef við
eigum að standast samanburð í starfsleikni
við aðrar þjóðir, þá verðum við að vera
mjög vel á verði um að gefa fólki nauðsyn-
leg tækifæri til menntunar.
Segja má að þörfin fyrir þessar tvær
greinar fullorðinsfræðslunnar, hliðstæðu
frummenntunar og starfsmenntun, sé svo
augljós, að fyrir henni þurfi lítt að tala. En
þegar kemur að því, sem í frv. er flokkað
undir frjálst nám og frístundamenntun kann
einhver að segja, að óþarft sé að verja al-
mannafé til þess, sem fólk nemur sér til
gamans og afþreyingar. Að mínu mati er
Frá námskeiði kennara.
8 - HEIMILI OG SKÖLI