Heimili og skóli - 01.03.1975, Blaðsíða 54

Foreldraþáttur
Leikföng og viðfangsefni
4 — 6 ára barna
í leiknum fær barnið tækifæri til að tjá
gleði sína og aðrar tilfinningar, það fær út-
rás fyrir athafnaþörf sína og þjálfar hæfni
sína til samskipta við aðra. Um leið æfir
barnið skilningarvitin á eðlilegan og
skemmtilegan hátt, það þjálfar tilfinningu,
jafnvægi, lita- og formskyn, minni og einn-
ig samtengingar- og ályktunarhæfni.
í leiknum lærir barnið tök á mörgum
undirstöðuatriðum, sem eru nauðsynleg
fyrir tilfinningalega og gáfnalega þroskun
þess, en leikurinn er ávallt fyrst og fremst
leikur og einmitt sem slíkur algerlega nauð-
synlegt fyrirbæri.
Stundum leikur barnið frá sér hræðslu
og kvíða og verður þannig rólegra og áttar
sig betur á því, sem virtist ógnvekjandi.
Læknisleikir geta stundum verið dæmi um
þetta, einkum ef leikirnir eru tengdir lækn-
isvitjun eða sjúkrahússferð.
I þessu sambandi skiptir að sjálfsögðu
miklu, að barnið eigi völ á leikföngum og
öðrum föndurgögnum, og hér verður reynt
að benda á ýmislegt af því tagi, sem er hvort
tveggja í senn: skemmtilegt og nytsamlegt.
4—6 ára
Hinu eiginlega smábarnaskeiði er nú
lokið, og í því felst m .a., að barnið er farið
að geta klætt sig, matast o. fl. með æ minni
hjálp.
Ef leiksvæðið er vel varið og nálægt
heimilinu, getur barnið líka leikið sér á
eigin spýtur utan húss.
Leikgögn sem barnið getur sjálft búið til
Til að teikna og mála þarf stórar papp-
írsarkir (úrgangspappír) og vaxliti, og fyr-
ir 6 ára börn blýanta og tréliti. Þekjuliti
(dextrinliti) og breiða pensla. Vatnslitir og
hárpenslar eru ekki sérlega heppilegir.
Til að móta
má fá bæði plastleir og „bökunarleir“ (ker-
gerðarleir). Hinn síðarnefnda má kaupa í
kílóatali og geyma lengi, ef hann er vafinn
inn í raka rýju og hafður í lokuðum bauk.
Til að klippa og líma
Oddsljó skæri, marglitur pappír, pappi
og blöð til að klippa út myndir úr. Dextrin-
lím og penslar. Límburðurinn gengur betur
með pensli en túbu.
Til að sauma
A aldrinum 5—6 ára geta bæði drengir
og telpur lært að sauma. Nálin á að vera
48 - HEIMILI OG SKOLI