Læknaneminn - 01.09.1969, Síða 16

16
LÆKNANEMINN
ar við Dalbraut. Er gert ráð fyr-
ir, að ríkið leigi þetta húsnæði af
Reykjavíkurborg og reki þarna
barnageðdeild, þar til fullkomin
deild hefur verið byggð á Land-
spítalalóðinni. Þessari deild þarf
að sjálfsögðu að fylgja lækninga-
stöð, bæði fyrir þá, sem ekki þurfa
innlagningar við, og eins til eftir-
meðferðar. Slíkri barnageðdeild
þyrftu einnig að tengjast minni
heimili til framhaldsmeðferðar
fyrir börn, sem einhverra hluta
vegna geta ekki horfið aftur til
heimila sinna, ekki ósvipað þörf-
um fullorðinna. I tengslum við
þessa starfsemi, eða við embætti
skólayfirlæknis, væri kannske
eðlilegt að hafa skólageðlækni,
sem væri aðalráðgjafi fyrir skól-
ana um geðverndarmál.
Þá er nauðsynlegt að fá réttar-
geðlækni, sem annast fyrst og
fremst athuganir á afbrotamönn-
um fyrir dómstólana, en gæti
kannske líka verið að einhverju
leyti til ráðgjafar fyrir lögregluna,
sem mjög oft þarf á geðlækni að
halda.
Pélagsgeðlækningar eru þegar
nefndar. Þar undir ætti m. a. að
heyra ráðgjöf fyrir verðandi og
orðnar mæður m. t. t. þess vanda,
sem þær standa frammi fyrir.
Mikið verkefni nátengt félags-
geðlækningum. sem ég hef ekki
nefnt sérstaklega enn, bíður í
sambandi við drykkjusýkina,
hvernig við henni skuli bregðast
og sérstaklega hvernig eigi að fara
að því að ná drykkjusjúklingum
nógu snemma til læknismeðferðar.
Hefur í því sambandi verið drepið
á möguleika til þess að taka við
öllum, sem lögreglan eða opinber-
ir aðilar hafa afskipti af vegna
ölvunar og grunur leikur á, að séu
haldnir drykkjusýki eða yfirvof-
andi drykkjusýki, í sjúkrahús til
stuttrar athugunar og meðferðar.
Slíkt mundi kref jast mikils mann-
afla, geðlækna, félagsráðgjafa og
sálfræðinga. Ákvæði um þetta
hafa verið í lögum hér frá 1949,
en líklega hefur skort eitthvað á
áhugann til þess að framkvæma
þetta, auk hins venjulega fjár-
skorts, sem alltaf er fyrir hendi.
Svíar munu nú hafa uppi áætlanir
um að taka upp slíka þjónustu,
og verður fróðlegt að sjá, hver
framvindan verður hjá þeim. Ekki
tekst þó að ná nema til lítils hluta
af verðandi drykkjusjúklingum
með þessu móti og oft ekki fyrr en
of seint, svo að þörf er fleiri ráða
þeim til hjálpar.
Þá mun í framtíðinni verða mjög
vaxandi þörf á fleiri geðlæknum
til að sinna gamla fólkinu, Geron-
topsykiatri er ein af verðandi
hliðargreinum geðlækninganna.
Endurhæfingu hefur verið laus-
lega drepið á, en brýna nauðsyn
ber til, að einhverjir læknar leggi
sig sérstaklega eftir endurhæfingu
geðsjúklinga, Síðast en ekki sízt
er þess að geta, að enginn íslenzk-
ur geðlæknir hefur enn aflað sér
ítarlegrar sérmenntunar í hinum
ýmsu te.gundum sállækninga, þó að
þeir hafi allir nauðsynlega grund-
vallarþekkingu á þeim.
Samantekt.
Ég hef rakið hér í stuttu máli
skipulag geðlækninga á íslandi.
sem hingað til hefur ekki verið
verulega frábrugðið heildarskipu-
lagi hinnar almennu læknisþjón-
ustu, nema að því er tekur til af-
neitunar óþægilegra staðreynda,
þróun þessa skipulags og framtíð-
arhorfur. I framtíðinni verður að
byggja meira á hópvinnu sérfræð-
inga úr ýmsum greinum, ekki að-
eins lækninganna heldur og öðr-
um greinum raunvísinda og fé-