Læknaneminn - 01.09.1969, Page 42

LÆKNANEMINN
Jf0
VAKTSKÝRSLA
Um kl. 1 eftir miðnætti er hringt. Vökukona á Flókadeild skýrir frá því, að
einn sjúklinganna hafi fengið hæmorrhagia per rectum. Kvartaði sj. um óþægindi
í maga einum eða tveim dögum áður en ekki önnur einkenni. Eftir kvöldverð 14.7.
fór sj. á salerni, og gekk þá nær hreint blóð niður af honum, og sá vökukonan
blóðlifrar í klósettskálinni. Gekk svo einum 5-6 sinnum, og eftir eina slíka ferð
var sj. mjög slappur, hvítnaði upp og var mjög nærri yfirliði. Vildi hann þó ekki
gera neitt úr þessu, lagðist fyrir og sagði, að sér liði ekki illa, Og vildi ekki, að
neitt yrði afhafzt frekar.
Upp úr kl. 1 kom ég á staðinn, leit á sj. og vegsummerki, sá blóðlifrar í
klósettskál og blóðbletti á gangi o.s.frv. Sj. hafði engin einkenni sjokks, kviður
var þembdur en ekki ha.rður. Hringdi ég í vakthafandi kandidat á handlæknis-
deild, og eftir hið hefðbundna þref samþykkti hann að taka sj. inn, en bað mig
þó endilega að reyna að draga að senda sj. þar til um morguninn vegna plásslevsis.
Ég lofaði að reyna, en bað kandidatinn að vera við því búinn að taka við sj. um
nóttina, ef þannig atvikaðist. Mjög skömmu síðar ákvað ég að senda sj., og
vökukonan hringdi á sjúkrabíl. Fór ég heim við svo búið.
Um kl. 2 er hringt. Varðstjóri á slökkvistöðinni segir, að vakthafandi kandi-
dat og skrifstofa spítalans neiti að taka við sj., og verði því að flytja hann til
baka á Flókadeild. Ég hringi þá aftur í sama vakthafandi kandidat og áður, og
eftir sams konar þref og fyrr, s.s. að hið bráða tilfelli væri meira medicinskt en
chirurgiskt, yfirfull deild og engin pláss o.s.frv., sagðist viðkomandi kandidat þó
fara á kreik og athuga málið. Sjúkrabíllinn beið.
Vökukonan á Flókadeild hringir enn á 3ja tímanum og skilar því til mln frá
varðstjóra á slökkvistöðinni, að sjúkrabíllinn sé nú á leið til Flókadeildar með
sj., þar eð honum hafði verið vísað frá spítalanum. Ég hringi í 3ja sinn í vakt-
hafandi kandidat til að fullvissa mig um, að rétt sé með farið, og segist hann
þá hafa skoðað sj., séð, að blæðingin hafði stöðvazt, klíniskt ástand hættulaust
og sj. svo hress, að ástæðulaust væri að taka hann inn að svo stöddu, og þess
vegna vísað honum frá. Loks hringi ég í vakthafandi bakvaktarlækni, skýri frá
málavöxtum, og sj. er tekinn inn.
Skýringar: Á Flókadeild eru eingöngu meðhöndlaðir alkóhólistar á svokallaðri
opinni deild. Engin hjúkrunarkona er á næturvakt. Engin aðstaða til að með-
höndla bráðasjokk eða annars konar hættulegt bráðaástand.
Niðurstaða: Sj. fór þrjár ferðir milli Flókadeildar og umrædds spítala í stað-
inn fyrir eina. Plássleysi er ekki frambærileg ástæða til að vísa sj. frá í tilviki
sem þessu. Fráleitt er að ætlast til þess, að innleggjandi læknir sjúkdómsgreini,
áður en hann leggur sj. inn á spítala.
Leiðir til úrbóta: Hærri laun handa læknum. Minni vinna. Færri vaktir. Betri
stjóm heilbrigðismála. Betri tilskipan sjúkrahúsmála. Fleiri reglugerðir. Nýjar
kosningar. Ný kosningaloforð. Beittari og markvissari áróður fyrir bættu heilsu-
fari í fjölmiðlunartækjum. Fleiri fundir. Fleiri ályktanir. En um fram allt bíða
með framkvæmdir þar til............
Með kollegial kveðju,
BRYNJÓLFUR INGVARSSON