Bændablaðið - 19.10.2023, Side 57

57 Bændablaðið | Fimmtudagur 19. október 2023
Efni: Þingborgarlopi 180-230 g,
Þingborgareinband 170-200 g,
Spuni 50 g
Meginefnið í buxurnar er einn þráður
einband og einn þráður plötulopi
sem eru prjónuð saman. Annað band
sem stingur ekki eins mikið er notað
í teygjugang og neðst á skálmar, til
dæmis Spuni frá Ístex.
Aðferð: Prjónar nr. 5, hringprjónar
og sokkaprjónar. Fínni prjónar í
stroffum og innan í teygjugangi,
t.d. nr. 3,5.
Prjónfesta á sléttu prjóni: 10 cm
= 16 lykkjur.
Prjónað er ofan frá og niður úr. Efst
á buxunum er lítið stroff. Næst er
gangur fyrir teygju í mittið, prjónaður
úr Spuna. Þá er prjónaður bolur og
klofbót. Lykkjur teknar upp af bótinni
fyrir skálmar og þær prjónaðar niður.
Neðst á skálmum er kantur úr Spuna.
Stærð (S-M-L-XL): Mitti 80-85-
90-95 cm. Rass 94-99-104-110 cm.
Þykkalæri 48-51-54-57 cm. Lengd á
skálmum 68-72-78-80 cm.
Stroff efst á bol: Fitjið laust upp
92-100-108-116 lykkjur með lopa
og einbandi og prjónið stroff, 7 umf.
á prjóna nr. 3,5.
Teygjugangur: Skiptið um band
og prjónið 6-6-7-7 umf. slétt á
hringprjóna nr. 5. Þá er ytra borð
teygjugangsins tilbúið. Til að gera
innra borð teygjugangsins, eru
teknar upp lykkjur á röngunni úr
fyrstu umferðinni sem prjónuð var
með Spuna, alls 108 lykkjur eins og
á ytra borðinu. Notið prjóna nr. 3,5
og prjónið 5-5-6-6 umferðir slétt til
viðbótar við umferðina sem tekin
var upp. (Prjónið gat í upphafi þriðju
umferðar til að geta komið teygjunni
fyrir. Takið úr til hægri, sláið tvisvar
upp á prjóninn og takið úr til vinstri.
Í næstu umferð er uppslátturinn
prjónaður sem tvær lykkjur.)
Prjónið saman lykkjurnar af báðum
borðum, upp á hringprjónana nr. 5
og lokið þannig teygjuganginum.
Bolur: Skiptið aftur yfir í lopa og
einband. Prjónið slétt á prjóna nr.
5 og aukið út eftir u.þ.b. hverjar 7
lykkjur allan hringinn þannig að
108-116-124-132 lykkjur verði á.
Bolurinn er 27+27 (29+29) 31+31
(33+33) lykkjur að framan og 27+27
(29+29) 31+31 (33+33) lykkjur að
aftan. Skiptið honum þannig með
prjónamerkjum til að staðsetja
hliðar sitt hvorum megin og miðju
að framan og aftan.
Stroffrönd í hliðum: Prjónuð er
stroffrönd í hliðunum báðum megin
og niður skálmarnar utanfótar.
Stroffröndin er 6 lykkjur að breidd,
2 brugðnar, 2 sléttar og 2 brugðnar.
Sléttu lykkjurnar tvær eru sitthvorum
megin við prjónamerkið í hliðinni.
Bolurinn er prjónaður svona:
(Teljið umferðirnar frá teygjugangi
á framhlið bolsins. Rassmegin verða
umferðirnar fleiri.)
Eftir 2 umferðir (S-M-L-XL):
Prjónið tvær auka umferðir yfir
rassinn og stroffrendurnar.
Eftir 10 umferðir (S-M-L-XL):
Prjónið tvær auka umferðir yfir
rassinn og stroffrendurnar.
Eftir 11 umferðir (S-M-L-XL):
Aukið út um eina lykkju sitt hvorum
megin við stroffröndina í báðum
hliðum, alls fjórar lykkjur.
Eftir 18 umferðir (S-M-L-XL):
Prjónið tvær auka umferðir yfir
rassinn og stroffrendurnar.
Eftir 20-21-23-23 umferðir: Aukið
út um eina lykkju á hvorri rasskinn,
jafn langt frá miðjum rassi hvorum
megin.
Eftir 25 umferðir (XL): Aukið út um
eina lykkju sitt hvorum megin við
stroffröndina í báðum hliðum, alls
fjórar lykkjur.
Eftir 26 umferðir (S-M-L-XL):
Prjónið tvær auka umferðir yfir
rassinn og stroffrendurnar.
Eftir 30-31-33-33 umferðir: Aukið
út um eina lykkju á hvorri rasskinn,
jafn langt frá miðjum rassi hvorum
megin.
Eftir 34 umferðir (M-L-XL): Prjónið
tvær auka umferðir yfir rassinn og
stroffrendurnar. (Bolurinn í stærð S
þarf ekki að vera mikið lengri.)
Eftir 42 umferðir (XL): Prjónið
tvær auka umferðir yfir rassinn og
stroffrendurnar.
Haldið áfram að prjóna bolinn
þar til hann er orðinn 19-21-23-
26 cm langur, mælt að framan frá
teygjuganginum. Bolurinn er lengri
að aftan. Á þessu stigi er upplagt
að máta herlegheitin á væntanlegan
eiganda og aðlaga stærð að
viðkomandi.
Klofbót: 18-20-22-24 lykkjur af
miðjum rassi eru teknar á sér prjón og
prjónað fram og aftur. Kantlykkjur
eru prjónaðar sléttar í öllum
umferðum, ekki teknar óprjónaðar.
Takið úr um eina lykkju í byrjun og
enda umferðar í þriðju hverri umferð
alls 4-5-5-5 sinnum. Þá eru 10-10-
12-14 lykkjur á. Prjónið áfram 14-
12-14-16 umferðir. Aukið út um eina
lykkju í byrjun og enda umferðar
og aftur eftir 4 umferðir. Þá eru 14-
14-16-18 lykkjur á. Prjónið fjórar
umf. í viðbót. Bótin ætti nú að vera
34-36-38-40 umf. að lengd eða 17-
18-19-20 cm. Lykkjið klofbótina
við miðjuna á bolnum að framan.
Þá eru komnar brækur sem vantar á
skálmarnar. Mátið.
Lykkjur teknar upp af klofbót: Nú
eigum við að hafa um það bil 42-45-
47-53 lykkjur af bolnum hvorum
megin til að nota í skálmarnar en
einnig þarf að taka lykkjur upp af
jöðrum klofbótarinnar. Takið upp
28-29-31-33 lykkjur af klofbótinni
fyrir hvora skálm. Mikilvægt er að
taka vel af lykkjum í vikinu þar sem
klofbót og bolur mætast að aftan og
framan. Annars kemur þar fljótt gat.
Af kantlykkjunum á klofbótinni er
mátulegt að taka upp u.þ.b. tvær
lykkjur af hverjum þrem. Lykkjur
á skálm eiga að vera um það bil 70-
74-78-84.
Skálm: Prjónið tvær umferðir. Takið
svo úr eina lykkju í annarri hverri
umferð þar sem klofbót og bolur
mætast, alls tvisvar. Þá eru 66-70-74-
80 lykkjur á skálminni. Prjónið þar
til skálmin nær yfir þykkasta lærið
á eigandanum eða þar til hún mælist
18-20-22-22 cm löng. Þá er tekið
úr á utanverðri skálm, ein lykkja
hvorum megin við stroffröndina
og síðan alltaf í 5. hverri umferð,
niður alla skálmina, alls 15-17-19-20
sinnum. Þá eiga að vera 36-36-36-40
l á og skálmin orðin u.þ.b. 58-64-70-
72 cm löng, mælt frá kanti klofbótar.
Mátið á eigandann.
Neðsti hluti skálmar (um 10 cm)
er prjónaður úr Spuna á prjóna nr.
5. Þarna ættu að vera 36-36-36-40
lykkjur á og óþarfi að taka meira
úr nema fyrir mjög grannan fót.
Prjónið slétt (sleppið stroffröndinni)
18 umf. (færri fyrir stærstu stærð
svo að bandið dugi í báðar skálmar).
Skiptið á prjóna nr. 3,5 og prjónið 6
umf. stroff. Fellið laust af.
Gangið frá endum. Dragið góða
teygju í teygjuganginn og saumið
hana saman.
Handþvoið flíkina og þurrkið á
handklæði eða grind. Klæðist!
Hönnuður: Sigríður Jónsdóttir
HANNYRÐAHORNIÐ
Síðar buxur
– úr einbandi og plötulopa
HELSTU VERKEFNI OG ÁBYRGÐ
+ Umsjón með áföngum sem tengjast jarðrækt
og sjálfbærri nýtingu lands
+ Skipulag verklegrar kennslu og verkefna
+ Námsmat nemenda
+ Vinna sjálfstætt og í hópum við uppfærslu
kennsluskráa og gerð nýrra áfanga
+ Þátttaka í rannsókna- og nýsköpunarstarfi
sem og við við öflun styrkja
+ Þátttaka í faglegu þróunarstarfi og uppbyggingu
innan skólans
HÆFNISKRÖFUR
+ BS próf í búvísindum eða tengdum greinum sem
snerta jarðrækt og sjálfbæra nýtingu lands
+ Hagnýt reynsla og þekking á ýmsum sviðum
landbúnaðar
+ Reynsla af kennslu í búfræði
+ Áhugi á miðlun þekkingar og kennslufræðum
+ Góð íslenskukunnátta
+ Sjálfstæð og fagleg vinnubrögð
+ Skipulagsfærni
+ Færni í mannlegum samskiptum
+ Góð almenn tölvukunnátta
+ Gott vald á talaðri og ritaðri íslensku og ensku
KENNARI Í STARFSMENNTANÁMI
Laust er til umsóknar starf starfsmenntanámskennara í búfræði við deild Ræktunar og fæðu
hjá Landbúnaðarháskóla Íslands.
Hlutverk Landbúnaðarháskóla Íslands er að skapa og miðla þekkingu á sviði sjálfbærrar nýtingar auðlinda,
umhverfis, skipulags og matvælaframleiðslu á norðurslóðum.
WWW.LBHI.IS · HVANNEYRI � 433 5000
NÁNARI UPPLÝSINGAR VEITA
Erla Sturludóttir, deildarforseti – erla@lbhi.is
Guðmunda Smáradóttir, mannauðs- og gæðastjóri - gudmunda@lbhi.is
UMSÓKNARFRESTUR er til og með 20.10.2023
HELSTU VERKEFNI OG ÁBYRGÐ
+ Uppbygging alþjóðlega viðurkenndra rannsókna
á sviði jarðvegsfræða og skyldra greina
+ Birting ritrýndra vísindagreina, öflun rannsóknar-
styrkja og virk þátttaka í alþjóðlegu og innlendu
samstarfi
+ Kennsla og þróun námskeiða á grunn-
og framhaldsstigi
+ Leiðbeining nemenda í rannsóknarverkefnum
+ Þátttaka í kennslu við Landgræðsluskóla GRÓ
+ Virk þátttaka í faglegu þróunarstarfi
og uppbyggingu innan skólans
HÆFNISKRÖFUR
+ Doktorspróf í jarðvegsfræði eða skyldum greinum
+ Reynsla af rannsóknum og starfi sem tengjast
jarðvegi
+ Reynsla af kennslu og áhugi til fjölbreyttrar
þekkingarmiðlunar á fræðasviðinu
+ Reynsla af þátttöku í rannsóknarverkefnum og
öflun rannsóknarstyrkja
+ Umsækjandi hafi birt rannsóknir sínar á viður-
kenndum alþjóðlegum vettvangi og hafi skýra
framtíðarsýn á kennsluháttum, rannsóknum
og þróun fræðasviðsins
+ Samstarfshæfni og lipurð í samskiptum
+ Íslenskukunnátta er æskileg
LEKTOR Í JARÐVEGSFRÆÐI
Landbúnaðarháskóli Íslands auglýsir stöðu lektors í jarðvegsfræði við deild Náttúru og skóga.
Hlutverk deildarinnar er að byggja brú á milli náttúru og samfélags með rannsóknum, kennslu,
þjálfun og ráðgjöf á sviði sjálfbærrar landnýtingar og endurheimtar vistkerfa.
Viðkomandi er ætlað að styrkja núverandi starf deildar á sviði rannsókna, kennslu og þjónustu við samfélagið auk þátttöku
í alþjóðlegum rannsóknum. Lögð er áhersla á eiginleika jarðvegs, moldina í íslenskri náttúru, mold sem hluta vistkerfa í
margvíslegu ástandi og sjálfbæra landnýtingu. Byggð hefur verið upp aðstaða til rannsókna á jarðvegi við skólann.
NÁNARI UPPLÝSINGAR VEITA
Bjarni Diðrik SIgurðsson, deildarforseti – bjarni@lbhi.is
Hlynur Óskarsson, prófessor – hlynur@lbhi.is
Guðmunda Smáradóttir, mannauðs- og gæðastjóri – gudmunda@lbhi.is
UMSÓKNARFRESTUR er til og með 27.10. 2023