Goðasteinn - 01.03.1965, Side 29

Var ógurltgt grasleysi á þurrlendi öllu. Það grasleysi átti víst
þátt í uppblæstri, sem stórskemmdi Land og Rangárvelli harða
vorið 1882.
Sunnan fram með Oddaflóðum er nokkurra metra hár þurr-
lendishryggur, sums staðar nálega sundursorfinn af völdum sein-
fara uppblásturs, aldagamals. Niður við flóðin er þverhníptur
bakki, sem bendir til þess, að þau hafi fyrr verið stöðuvatn.
Kann vera, að Rangá hafi stundum runnið í gegnum vatnið.
Þó virðist líklegra, að Hróarslækur hafi fyrrum fallið í flóðin
en ós úr þeim í Ytri-Rangá, eins og sjá má.
II
Neðarlega með Oddaflóðum rísa þrír hólar í beinni röð við
suðurbakka þeirra, Kamphóll, Miðhóll og Skiphóll, sem er efst-
ur og hæstur. Hólkollurinn er í lögun eins og bátur á hvolfi.
Munnmælin herma, að þarna hvolfi herskip einhvers Odda-
verja, hulið þykku moldarlagi og grónum grassverði. Þau kunna
auk þess frá því að segja, að moldin, sem borin var á skipið,
skildi eftir vik inn í flóðabakkann við austurenda hólsins.
Verksummerki eru sýnd enn ; dag.
Hann hefur verið feikilegur þessi forni knörr, hundrað- eða
þúsundfalt stærri en önnur samtíma Islandsför, sem frá er sagt
í sögum. Það skip hefði sómt vel Sæmundi fróða og sumum
niðjum hans. En fátt er um fólk, sem fæst til að trúa, að þarna
sé skip þeirra grafið. Þá er af mörgum dregið í efa, að manna-
verk sé á hvilftinni austan við Skiphól. En skáhallt inn í aust-
urbrún hcnnar gengur dálítið aflangt, vel lagað vik. Virðist,
að þar mundi öruggt að skorða skip eða stóran bát. Vissulega
gæti þetta verið gamalt naust, notað, er Oddaflóð voru fiski-
vatn, cllegar, að hafskip Oddverja hafi átt hér uppsátur. Það
var ef t'l vill auðveldara að fleyta haffæru skipi hingað en að
Hrafntóftum. Og enn hefur enginn rengt með rökum, að það
gerði Ketill hængur. Þó átti hann nokkru lengra að sækja upp
móti straumi Rangár. En hvort sem knerri eða veiðibáti var
þar ráðið til hlunns, gerir það Skipnólsnafn skiljanlcgra og
helmingi hugstæðara.
Goðasteinn
27