Goðasteinn - 01.03.1965, Side 41

Um jól í Kaliforníu.
um í „Húsi hins fagra engils“, sem er eitt veitingahúsanna á
gilbarminum. Veðrið hafði verið gott og sæmilega bjart allan
daginn, en er ég kom út úr veitingahúsinu, var byrjað að snjóa.
Það skipast fljótt veður í lofti á reginfjöllum.
Klukkan var orðin átta á gamlárskvöld, er ég settist upp í
langferðabifreiðina og lagði af stað. Gilið var horfið í hríðar-
mugguna. Ósjáifrátt leitaði hugurinn heim, þúsundir mílna yfir
lönd og höf. Heima var gamla árið „liðið í aldanna skaut“
og komið fram undir morgun á nýársdag, því miklu munar á
tíma þar og hér. Við náðum til járnbrautarstöðvarinnar í tæka
tíð, þrátt fyrir veörið. Ég settist í þægilegt sæti og lestin brun-
aði af stað á fullri ferð á vit nýja ársins og sólarupprásarinnar.
39
Goðasteinn