Goðasteinn - 01.03.1965, Blaðsíða 69

að Skálmarbæ. Hann var mjög mikið kalinn á fótum, og hafð-
ist kalið svo illa við, að hann dó úr því eftir stuttan tíma. Ég
heyrði fólk tala um, að það hefði hlaupið kolbrandur í kalsárin.
Þeir félagar, Þorsteinn og Jón, voru jarðsettir sama dag frá
Þykkvabæjarklausturskirkju, samferða urðu þeir í síðasta áfang-
ann og hvíla hlið við hlið í kirkjugarðinum.
Af Sverri er það að segja, að hann lagði af stað úr Hjör-
leifshöfða á skírdag, þegar veðrið tók að lægja, og fór austur
sand, fyrir sunnan Höfðann og austur í Bólhraun. Þar hafði
hann öll vötn á haldi og hitti því ekki hestana þeirra Þorsteins
og Jóns.
Jón Sigurðsson var fremur hár maður, og svaraði gildleika
vel við hæð. Hann var hæggerður maður í framkomu en dug-
legur og þrautseigur, eins og sést á framansögðu. Hann var tví-
giftur, átti tvær dætur uppkomnar eftir fyrri konuna og eina
dóttur með síðari konunni.
Þorsteinn Bjarnason var meðalmaður á allan vöxt og víst
meðalmaður að afli, mjög kappsamur við öll störf. Hann var
smiður góður bæði á tré og járn, skrifaði fallega rithönd, einn-
ig var hann góður söngmaður. Sumir töldu, að hann væri held-
ur kaldur í skapi. Ég, sem þessar línur rita, þekkti hann mjög
vel, þar sem við vorum nágrannar, og var oft einn með hon-
um, ég þá unglingur, um og ofan við fermingaraldur. Á þeim
aldri var ég hér einn heima af karlmönnum, er bræður mínir
voru í útveri. Kom það í minn hlut að fara með Þorsteini í
fjöruferðir og annað, sem fara þurfti frá bæ. Reyndist hann
mér alltaf ágætur félagi, mjög skemmtilegur, hjálpsamur og leið-
beinandi. Getur það að vísu hafa meðfram stafað af því,
að ég var bróðursonur hans og hafði misst föður minn, þegar
ég var á fimmta ári, en einmitt af því mátti sjá, hvað inni fyrir
bjó hjá þeim ágæta manni. Hann var mjög greiðvikinn. Þegar
hann var beðinn um aðstoð, var hún fljótt og vel látin í té,
og það viðurkenndu allir, að hann vildi í öllu trúr reynast.
Hann átti fjögur börn. Það elzta var 19 ára, þegar hann lézt,
en það yngsta 12 ára, þrír synir og ein dóttir. 1 betri bænda röð,
hvað efnahag snerti, var hann talinn. Nágrenni hér á milli bæj-
67
Goðasteinn