Goðasteinn - 01.03.1965, Síða 88

um. Ég man, hve ég var hrifinn, er ég kom að Húsum og sá
þennan mcrkilega fulltrúa horfinnar aldar, bæ, sem enn hýsti
líf og starf. Hellubeizlan í fjósinu var eins og í fornaldarfjós-
inu í Stöng í Þjórsárdal. Svo undarlega skammt er aftur til
fornaldar.
f þcssari mynd sjáum við einnig arftaka torfbæjarins, timbur-
húsið og arftaka þess steinhúsið. Það væri fásinna að halda, að
nú væri komið að einhverri fullkomnun í húsagerð. Vafalaust
cr þess ekki langt að bíða, að þessi sveit eignist mannvirki með
nýjum svip, og með enn meiri vissu vitum við, að hún mun
eignast nýtt mannlíf, því „kynslóðir koma, kynslóðir fara“.
Guðjón í Ási hefur kosið að reisa sveit sinni þennan „minn-
isvarða“, fremur en að eiga nokkrar krónur í handraðanum. Ég
lít svo á, að þessi framkvæmd -sé með vissum hætti kórónan á
löngu nytjastarfi góðs manns og viðurkenning þess, að maður-
inn lifir ekki á einu saman brauði. Guðjón í Ási átti æsku sína
í þjóðfélagi, sem var á mörgum sviðum óbreytt frá landnáms-
öld íslands. Ég veit ekki, hve mikillar menntunar hann naut í
æsku. Ég hygg, að skólaganga hans hafi í hæsta lagi verið nokkr-
ar vikur, en hún hefur verið notadrjúg. Guðjón hefur farið vel
mcð sitt veganesti, ávaxtað vel sitt pund. Hann hefur borið
gæfu til þess að leggja hönd á plóginn í flestum framfaramál-
um sunnlenzkra bænda, verið þar virtur forystumaður um meira
cn hálfrar aldar skeið. Það er mikil gæfa að hafa fengið að
taka þátt í því starfi, að hafa gengið götu sína fram til góðs
og greitt hana fyrir öðrum. Ég veit, að Guðjón kærir sig ekk-
ert um, að þessa sé getið hér, en vel væri hann að meira lofi
kominn. Starf hans hefur verið unnið að fórnfýsi, og sjáift er
það mikiu meira virði en gildur sjóður þcirra fjármuna, sem
mölur og ryð fá grandað.
Með gleði og þökk verður gjöf Guðjóns fagnað austur í Skóg-
um. Ég mun gera það, sem mér er unnt, til þess að hún verði
varðveitt í samræmi við vilja og óskir gefenda, er að því kem-
ur. Byggðasafnið þakkar Guðjóni innilega fyrir þá velvild í garð
þess, sem býr að baki gjöf hans, um leið og það þakkar gjöf-
ina sjálfa. Ég vona, að því endist gæfa til að sjá hcnni vel
86
Goðasteinn