Goðasteinn - 01.06.1977, Side 56

indíána, glæsilegan fulltrúa þess kynstofns, sem ég, fram að því,
hafði aðeins þekkt af misvitrum bókum.
Þorsteinn Ingólfsson sendiráðsritari og kona hans, Valdís, sendu
okkur íslendingunum að heiman og Emmu Scheving kvöidverðar-
boð. Sendiherraskipti voru þá í Washington og Hans G. Andersen
rétt ókominn að starfi. Jon Aase lét sig ekki muna um að aka
okkur í boðið, og leiðin út í Maryland þar sem Þorsteinn býr, var
löng og skemmtileg, því vel byggð og skipuleg borg gleður augað
og gróðurinn setur hvarvetna mikinn svip á borgarstæðið. Washing-
ton þenst stöðugt út eins og aðrar borgir og vex óðfluga inn í Mary-
land. Þorsteinn og fjölskylda hans búa í 500 íbúða blokk, og vel er
séð fyrir bílum íbúanna, því tveir bílakjallarar eru undir blokkinni.
Við áttum ákaflega ánægjulegt kvöld hjá Þorsteini og konu hans
og ekki get ég annað en óskað Islandi til hamingju með að eiga svo
glæsilega og góða fulltrúa hjá öðrum þjóðum. Seint um kvöldið ók
Þorsteinn okkur inn í Georgstown-
Annað heimboð, engu síðra, fengum við frá Jóni Sigurðssyni
bankastjóra Alþjóðabankans og konu hans. Nutum við þar í og
með þess að Jón var í eina tíð nemandi Kristins Gíslasonar í Laug-
arnesskólanum. Jón bjó utan við borgina í fjölbýli, sem bar á sér
sveitarbrag. Gróðursæld og fegurð landsins þarna hljóta að laða
hvern mann og bæta það vel upp að víðsýnið vantar. Jón sá sjálfur
för okkar borgið og gerði okkur það t.il ánægju í lokin að koma við
í Kennedy Center, stórbyggingu, sem reist var í Washington niður
við Potomac fljótið til minningar um John F. Kennedy forseta. Við
hittum svo vel á að koma þar inn í hléi frá óperusýningu og gátum
virt fyrir okkur mikinn skara fólks, sem tjaldað hafði því fegursta
í búningum. Kennedy Center er mikil menningarmiðstöð borgar-
innar með fjórum aðgreindum sölum fyrir óperu, hljómleika, leik-
sýningar og kvikmyndasýningar. Mikið af innri búnaði er gjöf frá
öðrum þjóðum og í einu af glæsianddyrum hallarinnar heilsa hátt
í lofti fánar þjóðanna. Frá byggingunni er frábært útsýni yfir borg-
ina og ána, sem streymir þar framhjá breið og straumlygn.
The American Scandinavian Foundation sýndi norrænu gestun-
um þann sóma að bjóða þeim til garðveislu í útjaðri borgarinnar
eina kvöldstund. Var þar fögur veisla, en veislukostinn höfðu félags-
54
Goðasteinn