Goðasteinn - 01.06.1977, Blaðsíða 65

sinn á miðborgina, niður við höfnina. Heimssýning.in mikla 1962
var haldin í Seattle Center og býr svæðið að byggingum hennar.
Frægast þeirra er geimnáiin mikla (The space needle) og hefði eitt
sinn verið talin eitt af undrum veraldar og víst er hún frábært dæmi
um hugvit og snilli mannsins, þar sem hún teygist meir en 200
metra upp í himininn, tággrönn til að sjá og virðist bjóða þyngdar-
lögmálinu byrginn. Nálin hefur mikið aðdráttarafl og íbúum
Seattle þykir fara vel á því að bjóða gestum sínum að sjá hana.
Þær Doris Olason og Emma Scheving buðu okkur íslensku gestun-
um til hádegisverðar í geimnálinni. Doris ók okkur heim til Emmu,
sem síðan ók okkur í bíl sínum til ákvörðunarstaðar. Minnti öryggi
hennar og leikni í akstri meir á unga stúlku en aldraða konu.
Lyfta flutti okkur á fáum sekúndum að kalla upp nálina og uppi
á toppi hennar gaf víða og fagra sýn yfir borgina og umhverfi
hennar, yfir vötn og skóga, fjöll og haf. Höfnin í Seattle er ein hin
besta, sem hugsast getur, og skip fjölmargra þjóða sigla þar út og
inn allan ársins hring. Það skorti helst á útsýnið að konungur fjall-
anna á þessum slóðum, Mount Ra.inier, var hulinn móðu og mistri,
en ég kvaddi svo Seattle að lokum að hann leyndi ekki vegsemd
sinni. Undir útsýnispallinum er hringlaga veitingahús, sem snýst
hægfara sólarsinnis. Við settumst að ve.islumáltíð og það stóðst á
endum að salurinn hafði snúist heilan hring, er henni var lokið.
I heimleið námum við stundarkorn staðar á vel búnu heimiii Emmu
Scheving og gengum um fagran sk'rúðgarð hennar.
Starf okkar í Seattle hófst 3. júlí á stað, sem heitir Marymoor
Park og er utan borgar. Þar er byggðasafn í timburhúsi frá byrjun
aldarinnar og gömul vindmylla trónar skammt brottu. Hátíðin í
Marymoor Park nefndist Heritage Festival, sem líklega er best þýtt
með orðinu þjóðháttahátíð. Vinnustaðurinn var úti í garðinum undir
trjánum, sem stóðu þar á víð og dreif, há og beinvaxin. Tani og
Sigríður óku okkur út í Marymoor Park og slepptu ekki af okkur
hendinni til vinnuloka að kvöldi. Veður var þá þungbúið og regn-
samt svo sýningin fór öll fram innan dyra.
Nú var komið að vistaskiptum hjá mér- Roy Walters haffræð-
ingur og kona hans, Kathy, höfðu óskað eftir því að skjóta skjóls-
húsi yfir mig í tvær nætur. Beið Roy í Marymoor Park, er vinnu lauk,
Goðasteinn
63