Goðasteinn - 01.06.1977, Blaðsíða 59

Johns Kennedy og í nánd hennar eru orð hans til þjóðarinnar sem
„grafletur á grjóti“. Við ókum hjá Hvíta húsinu í bak og fyrir en
leist ekki á að setja okkur í langa biðröð í steikjandi hita til að fá
inngöngu um náðardyrnar. Við sáum Capitol, marmarahöll í skín-
andi birtu, líkt og upphafið listaverk. Við gengum um rómversk
katólsku dómkirkjuna, mikið musteri og fagurlega skreytt með gull-
mósaik og helgimyndum í stíl fornrar kristni. I kjallara hennar er
stór verslun og myndarleg matsala, þar sem við sáum matarþörf
okkar borgið. I nánd safna Smithsonian stofnunarinnar skildu ieiðir
okkar Bárðar. Hann hafði orðið okkur fyrri til með að skoða sum
þeirra en átti önnur óskoðuð. „Hratt flýgur stund“. Við komumst
ekki yfir að skoða nema lítið af þeim menningar- og fræðsluauði,
sem Smithsonian stofnun.in hefu.r safnað saman í safnhallir
Washington borgar, margra daga og vikna verk væri að gaumgæfa
hann.
Smithsonian stofnunin, húsbóndi okkar þessa dýrðardaga, er ein
merkasta safnastofnun í heimi, byggð á arfi enska auðmannsins
James Smithson og hefur starfað frá 1846. Söfn Smithsonian eru
heimsfræg og starf stofnunarinnar fjölþætt, í söfnun og rannsókn
lætur hún sér fátt mannlegt óviðkomandi. Ekki höfðum við tóm
til að skoða nema tvö safnanna, og þó í mýflugumynd, náttúru-
fræðisafnið og listasafnið. Náttúrufræðisafnið er aðdáunarvert á
allan hátt, uppsetning gripa og lýsing svo sem best verður á kosið
og auður gripa og tegunda með ólíkindum. Áhrifamikið er að virða
fyrir sér beinagrindur úr risaeðlum forsögulegra tíma og þá þróun
lífs, sem þarna getur að líta. Lífi og háttum indíána og eskimóa
eru þarna gerð góð sk.il, svo og margra annarra þjóðflokka víðs-
vegar um heim. Steinasafn safnsins er hrífandi fagurt. Listasafnið
á verk margra meistara eldri og yngri tíma- Þar getur að líta verk
manna eins og Rembrandts og Frans Hals, en best man ég kvöld-
máltíðarmynd Salvadors Dali. í henni er fólgin mik.il prédikun.
Síðasta dag okkar í Washington sá Högni Mohr því borgið að
við fengum að koma í þinghúsið Capitol og sjá sali og vistarverur.
Við hittum þar að máli senator Nelson frá Visconsin og áttum síðan
greiða leið um bygginguna með aðgöngukort hans í höndum. Stund-
arkorn sátum við á áheyrendapöllum í senati og congressi, þar sem
Goðasteinn
57