Mímir - 01.06.1997, Page 88

fundinn og skipa í stjóm og nefndir.
Síðasta verk stjómar var svo að standa fyrir
Vorferð að loknum prófum þann 17. maí. Var hún
farin að Þingvöllum, þar sem Heimir Steinsson,
fyrrverandi formaður Mímis, tók á móti hópnum
og leiddi um svæðið. Því næst stóð verðandi for-
maður Mímis, Elín Una Jónsdóttir, fyrir mikilli
grillveislu við þjónustumiðstöð eina í grenndinni
og knattspyma var leikin af miklu kappi. Einnig
var skroppið í sund. í Vorferð þessari voru Sveinn
Yngvi Egilsson og Armann Jakobsson heiðurs-
gestur og fararstjóri og tókst það með eindæmum
vel, þrátt fyrir að Ármann teldi ekki mikla þörf
fyrir fararstjóm. Mímisliðum tókst ekki vel að
halda hópinn eftir að í bæinn var komið og er því
lítt vitað um afdrif flestra.
Lúkum vér þar þessari sögu.
86