Bændablaðið - 16.05.2024, Síða 37

37Bændablaðið | Fimmtudagur 16. maí 2024 Viðtal
að þekkja hjörðina og gera sér grein
fyrir eiginleikum mismunandi
ættboga innan hennar sem geri
þeim kleift að vanda ásetnings-
valið betur.
„Svo er aðalatriðið í þessu að
láta ekkert klikka í umhverfis-
áhrifunum ef maður getur – að gera
eins vel við féð og mögulega hægt
er,“ segir Magnús. Langtímaplanið
sé að stækka fjárhúsin og fjölga
kindunum upp í átta hundruð.
Þau segja aðstæður til sauðfjár-
búskapar vera góðar þar sem þau
eru á Vatnsnesinu. Féð gangi í
fjallinu fyrir ofan bæinn á sumrin
og þau þurfi ekki að reka það langt
á afrétti.
Göngur séu frekar einfaldar
og alltaf fáist nægt fólk í
smalamennskur. Stærstur hluti
hjarðarinnar skili sér þegar
heimalandið er smalað og þurfi
þau ekki að sækja nema örfáar
kindur þegar réttað er í Hamarsrétt,
sem er nokkra kílómetra sunnan
við bæinn.
Sjúkraliði og rúningsmaður
Ungu bændurnir starfa bæði
utan bús en telja reksturinn samt
sem áður vera í góðu jafnvægi.
Ingibjörg vinnur sem sjúkraliði á
sjúkrahúsinu á Hvammstanga, sem
hún segir að miklu leyti vera þar
sem hún hafi áhuga á starfinu og
finnist gott að skipta um umhverfi.
Þá séu þrír mánuðir á ári þar sem
Magnús tekur að sér rúning fyrir
aðra bændur, ásamt því að vera í
girðingaverktöku á sumrin.
„Það er hægt að láta þetta damla
ef við erum bæði alltaf heima –
en ekkert meira. Búið rekur sig
nokkurn veginn sjálft, en annað
þarf maður eiginlega að sækja,“
segir Magnús. Þau keyptu til að
mynda dráttarvél síðasta sumar sem
þau hefðu ekki getað gert nema af
því að þau eru að vinna meðfram
búinu.
„Það væri alveg fínt að geta
bara verið heima og dunda sér við
að gera allt snyrtilegt, en það er
kannski svolítið erfitt þegar maður
vinnur mikið utan bús og er með
tvö lítil börn,“ segir Magnús. Þá
rífi vaxtastigið í og því veiti ekkert
af smá innspýtingu. Þær tekjur
sem komi frá gæðastýringunni
og greiðslumarkinu dugi fyrir
lánunum, en afborganirnar hafi
tvöfaldast frá því þau keyptu.
Þeir sem vilja komast í búskap
án fjölskyldutengsla þurfi að vera
búnir að þéna mikið áður. „Svo
verður fólk að hafa áhuga á þessu
og vera með metnað, því reksturinn
verður þungur ef afurðirnar fara að
gefa eftir.“
Hafa góða reynslu
Á Helgavatni, þar sem Magnús
ólst upp, eru 350 kindur. Þar sem
pabbi hans er sjómaður byrjaði
Magnús snemma að taka mikinn
þátt í búskapnum. Honum hafi
verið treyst fyrir að taka sjálfstæðar
ákvarðanir og bera ábyrgð frá
unglingsaldri sem hafi gefið honum
góðan grunn fyrir bústörfin á
Bergsstöðum.
Ingibjörg ólst upp á Köldukinn
1 á Ásum þar sem foreldrar hennar
voru með nokkrar forystuær og
hross. Þá tók hún þátt í búskapnum
á Helgavatni með Magnúsi eftir að
þau tóku saman. Ingibjörg verður
32 ára í sumar og er Magnús 29 ára.
SÁÐVARA
Kynntu þér úrvalið!
Á sáðvörulistanum okkar má meðal annars finna...
I Vallarfoxgras
I Ertur
I Rýgresi
I Bygg
Sjá nánar á landstolpi.is
Silawrap hvítt 750*1500mm – 14.990 kr. + vsk.
Silawrap grænt 750*1500mm – 14.990 kr. + vsk.
Silawrap svart 750*1500mm – 14.609 kr. + vsk.
Afsláttur er veittur við kaup á bretti af rúlluplasti! - 40 rúllur
SilaWRAP rúlluplast
sjóðheitt
sumartilboð
CHAR-BROIL POWER
EDITION 3 GASGRILL
nú aðeins
var 98.650 kr.
79.556
Skannaðu kóðann
til skoða nánar
5hlutir sem Ingi-
björg og Magnús
geta ekki verið án
1. Dráttarvélin: „Maður getur lítið
verið án traktorsins.“
2. Eldavélin: „Eldavélin bilaði einu
sinni í byrjun sauðburðar. Það var
hræðilegt.“
3. Hestakerran: „Hún er mikið notuð
í annað en hestaflutninga.“
4. Sexhjólið: „Það er eiginlega ekkert
hægt að vera án þess.“
5. Kjarnfóður: „Nágrannarnir kalla
Magnús fóðurbætiskónginn.“
Unga parið á tvö börn og er það þriðja á leiðinni. Þau útbjuggu barnastól á gjafavagninn til þess að ungviðið gæti
tekið þátt í bústörfunum.