Bændablaðið - 16.05.2024, Page 51

51Bændablaðið | Fimmtudagur 16. maí 2024 Skoðun
Eignatorg kynnir: Geirakot og Geirakot 1, Snæfellsbæ
Um er að ræða jörð á einstaklega fallegum útsýnisstað með landi að sjó.
Á jörðinni standa tvö íbúðarhús og er nýrra íbúðarhúsið,
(Geirakot 1) á einni hæð og mjög mikið endurnýjað.
Við húsið er stór bílskúr. Húsið er kynt með öflugri varmadælu.
Ljósleiðari er kominn inn og tengdur. Þriggja fasa rafmagn.
Heimreið er með bundnu slitlagi.
Einungis 6 km eru til Ólafsvíkur þar sem er öll helsta verslun og þjónusta.
Verð kr. 165.000.000
Allar nánari upplýsingar veitir Björgvin Guðjónsson,
löggiltur fasteignasali í síma 510-3500 / 615-1020
eða á netfangi: bjorgvin@eignatorg.is
Katrín Jakobsdóttir er
verðugur þjóðhöfðingi
Sem forsætisráðherra í ríkis-
stjórn þriggja ólíkra flokka hefur
Katrín Jakobsdóttir sýnt mikla
hæfni sem þjóðarleiðtogi, manna-
sættir og sameiningarafl.
Henni hefur
farnast vel í því
mikla starfi og
notið vinsælda
og trausts. Hún
hefur miðlað
málum og leitt
fram lausnir í
mörgum flóknum
stórpólitískum
málum. Hún er samvinnumaður,
hún er lausnamiðuð og lætur ekki
smámál trufla sig.
Katrín hefur verið leiðtogi
ríkisstjórnar í um sjö ár samfleytt,
lengur en hinn farsæli foringi
Steingrímur Hermannsson. Í
því hlutverki hefur hún tekist
á við mjög erfið mál og ber
kórónuveirufaraldurinn, sú mikla
manndrápspest, þar hæst.
Snilld hennar og ríkis-
stjórnarinnar var sú að fela
læknum og almannavörnum að
stýra aðgerðum, þeim Þórólfi
Guðnasyni, Ölmu Möller og Víði
Reynissyni. Við misstum fólk en
fáar þjóðir gerðu þetta betur en
við, og efnahagur landsins stóðst
álagið. Aðilar vinnumarkaðarins
voru samvinnufúsir og því fór betur
en á horfðist. Hinn snjalli forseti
Bandaríkjanna, Harry S. Truman,
sagði: ,,Það má ótrúlega mörgu
koma í verk, ef manni er sama
hverjum hlotnast heiðurinn.“
Þegar Katrín yfirgefur nú
ríkisstjórnina er meiri gróska og
uppgangur á Íslandi en víðast annars
staðar. Einstökum kjarasamningum
til fjögurra ára tókst henni og
ríkisstjórn hennar að stýra í höfn
og verðbólgan og háu vextirnir
eru teknir að lækka. Sannarlega
ósvikin og mikilvæg þjóðarsátt.
Atvinnustig á Íslandi er með því
hæsta í Evrópu. Katrín er sannur
Íslendingur og náttúruunnandi. Hún
skilur vel grunnatvinnuvegi þjóðar
sinnar, en málefni þess veika og
smáa býr við hjarta hennar. Sem
starfandi landbúnaðarráðherra var
hún fundvís á góð ráð og alltaf
bændum hliðholl. Á Búnaðarþingi
spurði hún á dögunum hvers vegna
bændur notuðu ekki fánaröndina
á hreinar íslenskar vörur, kjötið,
mjólkina og grænmetið, svo valið
yrði auðvelt fyrir neytendur.
„Þetta gera franskir bændur og fá
að nota þjóðfánann fólki sínu til
glöggvunar,“ bætti hún við.
Þegar ég horfi yfir sviðið er
Katrín hreinskiptin og notar aldrei
stór eða ljót orð um andstæðinga
sína eða nokkurn mann, það er
ekki til í hennar vopnabúri. Katrín
skorar hátt og af reynslu er hún
keppinautum sínum fremri. Þjóð
sinni til sóma hvar sem hún hefur
komið fram. Forseti Íslands er
höfuð stjórnsýslunnar og þar hafa
fyrrverandi forsetar oft sýnt hæfni
til úrlausnar í vandasömum málum.
Katrín Jakobsdóttir mun án
nokkurs vafa verða forseti allrar
þjóðarinnar frá fyrsta degi og
valda erfiðum verkefnum vel. Svo
mun hún hafa mannbætandi áhrif
á líf okkar og verða mikilsmetinn
þjóðhöfðingi sakir mannkosta og
reynslu.
Höfundur er fyrrverandi
landbúnaðarráðherra.
Guðni
Ágústsson.
Hugsaðu jákvætt, það er léttara
Hlúðu að því sem þér þykir vænt um
Haltu áfram að læra svo lengi sem þú lifir
Lærðu af mistökum þínum
Hreyfðu þig daglega, það léttir lund
Flæktu ekki líf þitt að óþörfu
Reyndu að skilja og hvetja aðra í kringum þig
Gefstu ekki upp, velgengni í lífinu er langhlaup
Finndu og ræktaðu hæfileika þína
Settu þér markmið og láttu drauma þína rætast
baendaged.bondi.is
Geðorðin 10