Bændablaðið - 16.05.2024, Qupperneq 59

59Líf & starfBændablaðið | Fimmtudagur 16. maí 2024
Langar þig að þekkja
landið þitt betur?
Land og skógur auglýsir eir þátttakendum í
vöktunarverkefnið Landvöktun - lykillinn að betra landi
Verkefnið gefur þér tækifæri til að fylgjast með þróun gróðurs
og jarðvegs með einföldum, jótlegum og áhrifaríkum hætti
Umsóknareyðublað og frekari upplýsingar er
að  nna á www.grolind.is/landvoktun
Fyrirspurnir skulu berast til Jóhanns Helga Stefánssonar
johannhelgi@logs.is eða 866-7119
Styrkir til aðlögunar
að lífrænum
framleiðsluháttum
Matvælaráðuneytið auglýsir til umsóknar styrki til
lífrænnar aðlögunar í landbúnaði.
Framleiðendur sem hafa byrjað lífræna aðlögun í
samræmi við gildandi reglugerð um lífræna framleiðslu
landbúnaðarafurða og merkingar geta sótt um.
Lífræna aðlögunin skal jafnframt vera undir eftirliti
faggildu löggildingarstofunnar Túns.
Athygli er vakin á að sækja ber sérstaklega um styrki í
garðyrkju, skv. ákvæðum reglugerðar um stuðning við
garðyrkju nr. 1273/2020. Í öðrum landbúnaði er sótt um
styrki samkvæmt ákvæðum reglugerðar um almennan
stuðning við landbúnað nr. 430/2021.
Umsóknarfrestur er til 15. júní nk., sótt er um á Afurð
(www.afurd.is) þar sem má einnig finna upplýsingar um
nauðsynleg fylgiskjöl með umsókn.
Stjórnarráð Íslands
Matvælaráðuneytið
Í Haukadal í Dýrafirði halda
hjónin Marsibil G. Kristjánsdóttir
og Elfar Logi Hannesson úti
atvinnuleikhúsi nokkru sem ber
nafnið Kómedíuleikhúsið.
Í dalnum, þar sem íbúatala er
engin samkvæmt viðmælendum,
er þó blómleg sumarhúsabyggð og
hafa gestir fengið að njóta sérstaks
sumarleikhúss Kómedíuleikhússins;
leiksýninga, tónleika og sagna-
skemmtana svokallaðra. Hjónin,
sjálfstæðir listamenn síðan um
aldamótin, hafa vakið athygli fyrir
verk sín sem eiga það sameiginlegt
að vera afar lífleg og listræn.
Segja þau Marsibil og Elfar
dagskrá sumarleikhússins í ár vera
afar ríka. Leiksýning ársins ber heitið
Ariasman og er byggð á samnefndri
bók finnska skáldsins Tapio Koivukari
sem búsettur hefur verið hérlendis.
Fjallar sýningin um einhverja
myrkustu sögu Vestfjarða þegar um
þrír tugir baskneskra hvalveiðimanna
voru myrtir á hrottalegan hátt við
strendur landsins. Verða sýningar
alla fimmtudaga í júlí og fyrsta
fimmtudaginn í ágúst klukkan 20.
Öllu léttara efni er í sýningunni
Lífið er lotterí sem verður einnig á
fjölum sumarleikhússins í sumar, en
þar er á ferðinni söngdagskrá tileinkuð
listaskáldinu Jónasi Árnasyni, sýnd
miðvikudaginn 10. júlí, föstudagana
12. og 26. júlí svo og laugardaginn 27.
júlí kl. 20. Í september verður William
Shakespeare tekinn fyrir í þýðingu
þriggja Vestfirðinga. Samkvæmt
dagskrá verður að deginum til boðið
upp á fyrirlestra um Shakespeare,
en dagskráin er í samstarfi við safn
Jóns Sigurðssonar á Hrafnseyri.
Áætlað er að gestir færi sig yfir í
Kómedíuleikhúsið er fer að kvölda, og
hlýði á leiklestur úr verkum skáldsins
í vestfirskum þýðingum.
Nokkrir tónleikar verða haldnir í
leikhúsinu í sumar, t.a.m. sá fyrsti í
höndum vestfirska söngvaskáldsins
Svavars Knúts þann 15. júní og um
verslunarmannahelgina nk. gleður
tónlistarmaðurinn Magnús Þór
Sigmundsson nærstadda. Síðar í
ágúst heimsækir Sirrý Arnardóttir,
fyrirlesari og fjölmiðlamaður dalinn,
bæði með fjölskyldustund, svo og
fræðslu í tengslum við bók sína,
„Þegar kona brotnar“. Einnig er
von á dýrfirska skáldinu Margréti
Höskuldsdóttur, sem býður upp á
sagnaskemmtun. Það gerir einnig
sveitungi hennar, Bjarni Guðmunds-
son frá Kirkjubóli í Dýrafirði, sem
ætlar að vera með erindi um sögu
Haukadals. Enn annar sagnameistari
með dýrfirskar rætur er rithöfundurinn
Einar Kárason sem býður upp á
sagnaleikinn Heimsmeistarinn.
Sögugöngur verða einnig í boði í
sumar, Fransí Biskví þar sem verður
farið um slóðir franskra sjómanna sem
voru árlegir gestir í Haukadal í um
tvær aldir. Síðast en ekki síst verður
Gísla Súrssonar-gangan sívinsæla í
boði fyrir gönguhrólfa.
Frekari upplýsingar eru á
Facebook-síðu Kómedíuleikhússins,
auk þess sem miðasölu viðburða má
finna á síðunni midix.is. /sp
Dýrafjörður:
Kómedíuleikhúsið
Hús leikhússins var vígt sem samkomuhús árið 1936 en hefur verið í eigu
Kómedíuleikhússins síðan árið 2005. Mynd /Aðsend
Hjónin og listamennirnir Marsibil G.
Kristjánsdóttir og Elfar Logi Hannes-
son eru þekkt fyrir skemmtilegar
sýningar sem enginn ætti að láta
framhjá sér fara.