Bændablaðið - 13.06.2024, Side 8

8 Fréttir Bændablaðið | Fimmtudagur 13. júní 2024
Bændasamtökin:
Óhrædd að takast
á við áskoranir
Tilkynnt var um ráðningu
Margrétar Ágústu Sigurðardóttur
í starf framkvæmdastjóra Bænda
samtaka Íslands á dögunum og
tekur hún til starfa 1. ágúst nk.
Margrét segist ekki veigra sér við
að takast á við þau fjölbreyttu
verkefni sem fram undan eru í
starfi samtakanna.
„Ég hef alltaf verið svakalega
heilluð af bændum og hef alltaf
borið mikla og djúpa virðingu fyrir
atvinnugreininni, landbúnaðinum
sem slíkum. Mér finnst starfið
áhugavert og er ég sá það auglýst
var ég sannfærð um að ég gæti
gert bændum og samtökunum
gagn. Fyrir utan það hef ég haft
gríðarlegan áhuga á íslenskum
landbúnaði alla tíð og fannst því
tilvalið að sækja um starfið. Það eru
miklar áskoranir fram undan sem
ég er sannfærð um að samtökunum
muni vegna vel úr hendi.“
Margrét Ágústa, sem er alltaf
kölluð Magga, er á 41. aldursári,
fædd og uppalin í vesturbæ
Reykjavíkur. Hún er dóttir
hjónanna Sigurðar Árnasonar
krabbameins- og lyflæknis og Helgu
Erlendsdóttur, lífeindafræðings og
klínísks prófessors. Margrét á tvö
börn, Matthildi Helgu að verða 14
ára og Árna að verða 10 ára, og er í
sambandi með Daða Hrafnkelssyni
tannlækni. „Hann á fjögur börn á
aldrinum 11–25 ára þannig að það er
líf og fjör þegar fjölskyldan kemur
öll saman,“ segir Margrét.
Hún á þrjú systkini, tvö á
lífi. „Ég missti bróður minn úr
heilaæxli þegar ég var 29 ára og
hann 35 ára. Það hefur verið minn
stærsti skóli í lífinu og í gegnum
þann harmleik lærði ég að gefa
óþarfa hlutum ekki of mikið rými.
Hversdagslegir hlutir verða ekki
að neinu í samanburði við það að
upplifa svona sorg. Þess vegna
er ég kannski enn jákvæðari að
eðlisfari eftir missinn. Ef það koma
upp vandamál þá leysir maður þau
bara.“
Margrét er lögfræðingur og
hefur starfað sl. sex ár hjá endur-
skoðunarfyrirtækinu PwC. Áður
starfaði hún hjá fjármála- og
efnahagsráðuneytinu í tæp sjö ár.
„Hjá PwC hef ég verið að
sinna ýmsum málum, ekki bara
út frá skattalegum sjónarhornum
heldur út frá ýmsum lögfræðilegum
álitaefnum, í raun hverju nafni
sem nefnist,“ segir Margrét. Hún
telur að sérfræðiþekking hennar í
Evrópurétti geti nýst samtökunum
vel. „Ég er sérfræðimenntuð í
evrópskum og alþjóðlegum skatta-
rétti, sú þekking mun vonandi
koma að gagni þegar kemur að því
að nálgast tollamál og tollverndina
og annað, það sem snýr að ESB-
regluverkinu, sem kemur í gegnum
EES-samninginn og hvernig slíkt
er útfært í íslenskri löggjöf og
regluverki. Þess utan vann ég lengi
vel í ráðuneytinu og vann þá náið
með þinginu. Stjórnsýslan er mér
því vel kunn.“
Vildi verða bóndi
Þrátt fyrir að vera borgarbarn er
Margrét með sterkar taugar til
sveitarinnar og sleit meðal annars
barnsskónum á bænum Seglbúðum í
Landbroti við Kirkjubæjarklaustur,
þaðan sem hún er ættuð.
„Frændur mínir báðir voru
ábúendur á jörðinni á mínum
uppvaxtarárum og nú er annar
þeirra ábúandi, ásamt konu sinni, á
jörðinni. Áður fyrr vorum við með
hrossin okkar þar í lengri tíð og
tókum þátt í ýmsum bústörfum og
ekki síst réttunum á haustin. Mér
fannst allra skemmtilegast að taka
þátt í heyskap en man sérstaklega
vel eftir því þegar Gunni, stóri
frændi minn, kastaði mér í hlöðuna,
fulla af nýslegnu heyi, og ég missti
andann í fyrsta skipti. Ég var búin
að gleyma þessu þar til nú en ég
þarf klárlega að minna hann á
þetta. Í dag erum við fjölskyldan
með bústað sem afi og amma komu
sér upp,“ segir Margrét, en amma
hennar hét Margrét Helgadóttir og
var hún systir Jóns Helgasonar,
fyrrum landbúnaðarráðherra og
Framsóknarmanns. Þrátt fyrir að
vera komin af Framsóknarkyni
segist Margrét óflokksbundin. „Það
er sama hvaðan gott kemur, þvert
á flokkspólitík.“
Hún ætlaði snemma að verða
bóndi. „Ég var í eilífðarstríði við
Ófeig, frænda minn, um hver yrði
betri bóndi. Ég var á þeim tíma mun
sterkari en hann og gat stokkið yfir
girðingar og náð hvaða hrossum og
kindum sem var. Þess utan fór ég
miklu fyrr að keyra bíl en hann og
það hugnaðist honum illa. Hann
fór stundum, eða reyndar mjög oft,
í fýlu, enda krakki einu ári yngri,
og kannski bara af því að ég vann
hann í sjómann eða gat bakkað
betur í stæði, þá níu ára. Ég var
frekar kotroskinn krakki, vildi helst
vera með fullorðna fólkinu og taka
þátt í samfélagsumræðunni. Ég hef
í raun og veru verið alveg ótrúlega
óþolandi. Ég hafði alltaf skoðanir
á öllu og hef enn. Krefjandi og
kannski bara almennt frekar erfið,
sérstaklega fyrir tólf ára aldurinn.“
Margrét stundar hestamennsku
af miklum móð og kláraði
nýlega nám í Reiðmanninum hjá
Endurmenntun LbhÍ. Hún segir
að hápunktur dagsins og hennar
hugleiðsla felist í að fara í hesthúsið
eftir amstur dagsins og sumrin eru
jafnan undirlögð hestaferðum.
„Ég og kærastinn eigum núna
samtals fimm hross og mig grunar
að stóðið fari stækkandi. Framan
af var ég mikið á heimaræktuðu.
Við pabbi ræktuðum undan Mósu
frá Hemlu, sem er meri sem var
keypt handa bróður mínum heitnum
á sjö þúsund krónur á sínum tíma.
Hún var svakalega krefjandi og
viljug, mögulega eins og ég var
kannski. Núna erum við með
síðasta heimaræktaða hrossið á
húsi, sem er í reynd fjórði og síðasti
ættliðurinn í ræktuninni okkar
pabba míns.“
Tilbúin í samtalið
Margrét segist hlakka til samræðna
við bændur. „Það sem heillar
mig við starfið er að fá að tala
við fólk. Þegar ég var barn voru
mínar helstu gæðastundir með
pabba þegar við rúntuðum um
sveitirnar og heimsóttum bændur.
Ég varð þeirrar gæfu aðnjótandi að
hafa hitt algjörar kempur eins og
Villa á Hnausum, sem var einbúi
í Meðallandi. Mér er einnig mjög
minnisstætt að hafa heimsótt Þórð í
Haga í Skorradal. Hann var með eitt
auga og eitt sinn þegar við komum
til hans var hann að gefa músum
ostbita úr hendinni.“
Hún lítur björtum augum á nýja
starfið og ætlar að láta hendur
standa fram úr ermum.
„Mér finnst mikilvægt að
samtökin séu í miklu og beinu
samtali við félagsmenn. Eftir að ég
tek til starfa 1. ágúst næstkomandi
langar mig fyrst og fremst að eiga
beint samband við félagsmenn, og
þá byrja á því að eiga fundi með
hverri búgreinadeild fyrir sig og
heyra beint frá hverri deild hvað
hún telur gott og hvað megi bæta
í starfi samtakanna. Í framhaldi
langar mig að sækja bændur heim
og ræða beint við þá. Ég hlakka
mikið til þess, enda ráðin til þess
að gæta hagsmuna stéttarinnar í
hvívetna.“ /ghp
Margrét Ágústa skellti sér í hestaferð um helgina. Riðið var við Mýrdalsjökul
og nágrenni. Gæðingurinn heitir Hrappur frá Árbæjarhjáleigu II. Mynd / Einkaeign
Um 300 tonn af nautakjöti voru
flutt inn á fyrstu fjórum mánuðum
ársins 2024.
Samkvæmt tölum Hagstofunnar
er það rúmlega 50 tonnum minna en
á sama tíma í fyrra.
Um helmingur kjötsins sem
flutt hefur verið inn í ár kemur frá
Þýskalandi en auk þess var kjöt flutt
inn frá Danmörku, Hollandi, Írlandi,
Póllandi, Bandaríkjunum, Ástralíu,
Nýja-Sjálandi, Japan, Belgíu og
Finnlandi.
Hagstofan heldur einnig utan
um tölur um kjötframleiðslu en
samkvæmt þeim var framleitt um
1.640 tonn af nautakjöti á fyrstu
fjórum mánuðum ársins 2024. Er
það ívið meira en á sama tíma í fyrra
þegar um 1.560 tonn af nautakjöti
voru framleidd hér á landi.
Innflutningur á nautakjöti jókst
um 48% milli áranna 2022 og 2023
skv. frétt Hagstofunnar og hefur
aldrei verið meiri á einu ári. Þá voru
flutt inn 1.344 tonn í heildina. /ghp
Minni innflutningur
og meiri framleiðsla
Um helmingur þess nautakjöts sem hingað hefur verið flutt inn á árinu kemur
frá Þýskalandi. Mynd / Emerson Vieira
Heitt vatn óskast
Bláskógaveita, sem er í eigu
sveitarfélagsins Bláskógabyggð,
hefur óskað eftir tilboðum í borun
eftir heitu vatni.
Borun fer fram í tveimur vinnslu-
holum í samræmi við prufuholur
og rannsóknir ÍSOR. Annars vegar
í vestur-jaðri þéttbýlis í Reykholti og
hins vegar að Laugarvatni við hlað
menntaskólans. „Við þurfum að efla
heitavatnsbúskapinn hjá okkur bæði
í Reykholti og að Laugarvatni. Það
hefur átt sér stað mikil uppbygging
í Reykholti á síðustu árum.
Íbúðarhúsum hefur fjölgað mjög
og garðyrkjustöðvar hafa stækkað.
Hótel reis fyrir nokkrum árum og
er hugað að
stækkun þess.
Við sjáum
fram á að
framhald verði á
uppbyggingunni
á n æ s t u
misserum. Að
Laugarvatni er
einnig að eiga
sér stað veruleg
uppbygging,“
segir Kristófer Tómasson, sviðsstjóri
framkvæmda- og veitusviðs hjá
Bláskógabyggð.
Tilboðum á að skila eigi síðar en
fimmtudaginn 20. júní kl. 11. /mhh
Kristófer
Tómasson.